السلام عليكم ورحمة الله وبركاته


أخواني تكفون نبي المساعده من أهل الدمام مانحتاج فلوس ولا حاجه احنا نبي ناس تدعم هالبنت يتيمة الأب وعندها اخو معاق وامها المسكينه لا تهش ولا تنش وعندها اخو ثاني يشتغل في عملين عشان يقدر يصرف على اهله

الخلاصه من هذا الموضوع

البنت لديها شهادة ثانويه ولديها شهادة تصميم ( مصممة أزياء ) وماشاء الله لها زبائنها ولها عملائها لدرجه ان بعض الخياطين يخيطون على تصميمها

محتاجه وظيفه او دعم من قبل اي شركة تصميم علما بأني قلت لها تخرج بالخارج تدخل في شركات اجنبيه لكن ميزانيتها تعبانه


لذلك نبيها في بلاد الامان مانبي نغربها عن اهلها


لكن اللي يعرف مشغل محتاج لمصممه ياليت يبلغني في هذا الموضوع لانه جد جد الناس هذي انا اعلم بحالتهم وفي ذمتي وتكفوووون يالربع بالذات النساء اللي يمرون للمشاغل تكفون اسألوا وان شاء الله تحصلون وياليت بعد تسألون عن الراتب كم وملحقات التوظيف

وياليت المشغل يكون له اداره عدله مو اكل حق الناس وزي محنا شايفين في مشاغلنا حاليا



بإنتظاركم ياحلوين ولا تخيبون املها فيكم علما بأني ماعلمتها اني بكتب هنا اطلب لها وظيفه لكن قلت تساعدوني فيها لكي نوصلها لطموحاتها بإذن الله



الله يوفق الجميع ويساعدنا يارب

الله يوفقها ان شاء الله انا اقول تبداء من البيت واتسوي دعايه في النت اوتطبع كروت وتوزعها في الاسواق وتبداء من البيت وبعدين تجمع مبلغ من المال وتفتح مشغل الله يرزقها

والله قلت لها كذا وعندنا حاليا عميلات يجون لها بس مافي مكان بالبيت تقدر تستقبلهم عليه يعني اكثر ماتقابلهم برى طبعا هي تضطر انها تقول لهم نتقابل في المكان الفلاني وطبعا محرجه من وضع بيتها تجي بعد كذا مصاريف الشاهي والقهوة اكيد عليها لانها هي اللي نادتهم للمكان هذا


من ناحية توزيع انا قمت وسويت لها بطاقة كتبرع مني لها واعطيهم حريمنا يوزعونه بالمشاغل كمساعده منهم بعد


اما من ناحية نت ودعايات ماعندها المادية اللي تساعدها انها تسوي كذا


فالمطلوب فقط مشغل نسائي يكون محتاج هذي المصممه لان هذا طموحها وحالتها يرثى لها


والله يوفق الجميع لعمل الخير يارب

تصمم فساتين وتتفق مع صاحب محل فساتين ان هي عليها التصميم وهم البيع وفي مشاغل يبيعون فساتين تقدر تتفق معاهم

الله يفرج همهاااا يارب
وكربتهااا
يارب يكون في عونهاا والله لوبيدي شي لسويه
لكن مثل مايقولون العين بصيره واليد قصيره
لكن
ممكن انها تبدئ من النت
فيه قسم هنا بالمنتدى قسم البيع والشراء يعني تصمم فساتين وغيرها وتنزلها بنفس القسم
رايح ان شاء الله تحصل رزق
الله يوفقها ويكون معاها يارب العالمين