إلى كل سعوديه وسعودي

أنا كلي فرح · #1 (**permalink**) 03-10-2009, 10:04 PM

إلى كل سعودية وسعودي..
ارفع القبعه احتراما وتقديرا..
بارك الله بكم وجزاكم الجنه خير جزاء للصابرين

..

كلنا تمر علينا لحظات تفكير عنيفه..تاخذ الواحد لبعيد..
وكل شخص له اجواء خاصه تحفز مثل هالافكار وتخرجها للخارج..
والافكار والهواجيس تختلف من شخص لاخر..وتختلف جوده هالافكار برضو من شخص لاخر..

وبينما انا في الباص

(القلب له بس اذا كانت راجعه للبيت)

..
و شمس الرياض

اللطيفه تطبخني على نار هادئه..
قفز لعقلي الملئ بـخربشات عبيطه

..حقيقة واستكشاف

..

اكتشفت انا نحن الشعب السعودي العظيم

..شعب.. قوي..مكافح..صبور..
شعب شعاره فلها وربك يحلها

..بكل مايعنيه هذا الشعار من معاني وفوائد..

ليه؟..

اولا..على الرغم من الضايقه المالية اللى يعيشها اغلب الشعب

..
والتطفير والفقر اللى يشع ويلمع من عيوننا

..
الا اننا اكثر بشريه في العالم تتسوق

..شغالين مقاضي من سوق لسوق

..من محل لمحل

..
مايمديك تسمع عن كريم رائع رهيب فله الا خلص

..
بلوزة حلوة في المحل الفلاني تعال افلقني اذا لقيتها في اي فرع من فروع المحل

..
روج وردي خاقوقي..جزمه فلات مريحه..تنورة سوداء راكزه..مافيه بح اختفت

..
وياليته عالاسواق ابد فرمنا ابو المطاعم فرم

..
مطاعم الاسواق تشتكي..مطاعم الشوارع

..
امه لا اله الا الله عندها..
فتح تشيليز وابل بيز ولو تشوف الطوابير حولها تقول هذولاء ماعمرهم شافوا أكل

..
مطفرين و شغالين بلع

..

من ناحيه الدراسة

..
عندنا من اسوأ الجامعات والمدارس

..اغبى الانظمه والقوانيين

..تعقيدات ومصاعب

..
أتذكر في كلية التربية الحبيبة

مبانينا خربانه.. قاعاتنا مكسره(اذا جيت بدخل القاعة متاهه..لازم اتأكد ان كل بلاطه

بمشي عليها ثابته تفاديا لاي تعكرف والا طيحه ممكن تسبب فشيله).. حماماتنا زكيه(الله الله يا الحمامات على اخر الدوام وبما ان التصريف عندنا على قدر عالى ماتشم غير روائح الفل والياسمين)..
مكافئاتنا ماتصرف(تخيلوا كليتنا نزلوا مكافئتنا على البنك بعد معاناه دامت لسنين من التسليم يد بيد

..وبعد فتره وجيزة تطاقوا هم والبنك

ورجعوا على النظام الاول)..قاعتنا ماتبرد(طيب تخيلوا مره ثانيه انه طول الترم الثاني اغلب قاعتنا خربت المكيفات تخيلوا في هالحر بدون مكيف

تدرون ليه؟برضوا الشركة المسئوله عن التكييف عندنا تخاصموا مع كليتنا

)..

بس وفي المقابل الشعب شغال تعليم..طلابنا كثييييير..الجامعات والمدارس مليانه

..
واجبات وبحوث تعجيزية نقدم

..
امتحانات صعبه نحل

..
انشطه نشتغل

..
تفوف نتفوق

..
نظام التراكمي من اولى ثانوي تحسب الدرجات

..
القدرات

..
التحصيلي

..
تخصصات قليلة ترضى الطموحات

..
ومازال طلابنا يحصدون الـ99 والـ100

..
هب عليكم..ماتعوق معهم ماشاء الله..

سقط سوق الاسهم سقطه..
عورت المجتمع

وضربته على قفاه ضربه موجعه

..
المؤشر احمر احمر احمر..
والشراء اخضر اخضر اخضر

..
ومازال شعبي الجميل يشتغل بالاسهم..

بناتنا يقولون..
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..
عيالنا يقولون..
بناتنا..شينات..دلوعات..مايتحملون مسئوليه..ركبهم سود..مهورهم غاليه..
ومع ذلك الزواجات على افى من يشيل

..
القاعات فل

..
المشاغل زحمه..
وماليزيا تشتكى

..

مافيه اماكن نتمشى فيها

..
لاطبيعه ولا تطور..(ياحبايبي انا

..طلعت المملكة والفيصلية من خشومنا..دخلوها في كل شئ حللو ابوها تحليل)..
فماذا فعلنا؟؟..
افترشنا المخططات

..
مترنا الاسواق

..
استوطنا الثمامه

..

شوارعنا محفره..مكسره..معفنه..
وفوق كل ذا نعاني من زحمه مو طبيعيه..

النت عندنا خايس..
وندخل النت ونسولف ونتواصل ونحمل ونسوى اشياء كثيييير ولا بيهمنا..

هذا الموضوع الى كل سعودية وسعودي مكافح..
سلخته الشمس واعدمت جلده

..
اتعبه الكبت وكتم نفسه

..
قتلته الواسطه وحطمت اماله

..

صامدون

..
سنعيش

..سنلعب

..سنحب

..وسنرقص

ونغنى

ولو حتى بدون موسيقى..

والله اننا قويين

..
لله دركم ما أعظمكم
_____________
منقول من ايميلي ....نفس الكفاح

بإختصار لاني سعوديه

وزير البطالة · #2 (**permalink**) 03-10-2009, 10:24 PM

اقتباس:

سقط سوق الاسهم سقطه..
عورت المجتمع

وضربته على قفاه ضربه موجعه

..
المؤشر احمر احمر احمر..
والشراء اخضر اخضر اخضر

..
ومازال شعبي الجميل يشتغل بالاسهم..

اي والله صدقتي
ماشالله علينا احنا السعوديين رغم خسايرنا الا اننا مازلنا نضحك ونكشت ونصيف وماعندنا مشكلة وكأن شيئاً لم يكن

طموحي غير · #3 (**permalink**) 03-10-2009, 10:25 PM

بناتنا يقولون..
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..
عيالنا يقولون..
بناتنا..شينات..دلوعات..مايتحملون مسئوليه..ركبهم سود..مهورهم غاليه..

هههههههههههههههههههههههههههاي
استمتعت بصراحه وانا اقراء
الله يسعدك
يعطيك العااافيه

وثيقه متلحفه · #4 (**permalink**) 03-10-2009, 10:26 PM

فروحه رطن وقرقر واجد لي عوده
بحجز مقعد
ولي عوده تفنيد كل سطر ع حده
هههههههههههههههههههههههههههههههههههههههههههههههههه هه

وثيقه مرت من هون

عديم اليأس · #5 (**permalink**) 03-10-2009, 10:30 PM

يعطيك العافيه انا كلي فرح
موضوع رااائع وهذا هو الواقع

أنا كلي فرح · #6 (**permalink**) 03-10-2009, 10:46 PM

اقتباس:

المشاركة الأصلية كتبت بواسطة وزير البطالة

اي والله صدقتي
ماشالله علينا احنا السعوديين رغم خسايرنا الا اننا مازلنا نضحك ونكشت ونصيف وماعندنا مشكلة وكأن شيئاً لم يكن

فديتنا مافي شعب زينا .....يسلمو زيزو ع المرور

اقتباس:

المشاركة الأصلية كتبت بواسطة متفاائل

بناتنا يقولون..
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..
عيالنا يقولون..
بناتنا..شينات..دلوعات..مايتحملون مسئوليه..ركبهم سود..مهورهم غاليه..

هههههههههههههههههههههههههههاي
استمتعت بصراحه وانا اقراء
الله يسعدك
يعطيك العااافيه

ماااافي أحد مرتاااااح

...دوم مستمتع على شواطئ البطاله خيووووو ويسعدك ياااارب ويعافيك فوق منها

يسلمو عالمرور خالوووو

اقتباس:

المشاركة الأصلية كتبت بواسطة وثيقه متلحفه

فروحه رطن وقرقر واجد لي عوده
بحجز مقعد
ولي عوده تفنيد كل سطر ع حده
هههههههههههههههههههههههههههههههههههههههههههههههههه هه

وثيقه مرت من هون

هلا وغلا وثيقووووه وينك يابت فقدتك بصراحه .....ياستي بإنتظار عودتك للتفنيد بس بشويش لاتعورين سطوري مو متحمله قد انها مهتريه من الكفااااح

يسلمو ع المرووور عمتوووو

اقتباس:

المشاركة الأصلية كتبت بواسطة عديم اليأس

يعطيك العافيه انا كلي فرح
موضوع رااائع وهذا هو الواقع

الله يعافيك ياطويل العمر

الله يحفظك ياطويل العمر ويخليك لنا تعدل لنا

مشكور ع المروووور والتعديل سيدي

ريمووو · #7 (**permalink**) 03-10-2009, 10:36 PM

موضوعك ممتاز اختي100%
ومن واقعنا وجبتيها صح صح صح
الله يعطيك العافيه

عبق القرنفل · #8 (**permalink**) 03-10-2009, 10:52 PM

اقتباس:

المشاركة الأصلية كتبت بواسطة أنا كلي فرح

من ناحيه الدراسة

..

..اغبى الانظمه والقوانيين

..تعقيدات ومصاعب

يااااربيييييه ذكرتيني

واجبات وبحوث تعجيزية نقدم

..

في هذي صدقتي وياااليت بعد يعجبهم
امتحانات صعبه نحل

..
المشكله بعض الدكااتره يتقصدوون تقصد الصعووبه ويتهددون وينفذوون تهديدهم

بناتنا يقولون..
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..
عيالنا يقولون..
بناتنا..شينات..دلوعات..مايتحملون مسئوليه..ركبهم سود..مهورهم غاليه..
ههههههههههههههههه ياااااربيه فطسسسسسسست ضحك ووينك يا انا كلي فررح ليش ما سجلتي من زماا ن بالمنتدى

مافيه اماكن نتمشى فيها

..
لاطبيعه ولا تطور..(ياحبايبي انا

..طلعت المملكة والفيصلية من خشومنا..دخلوها في كل شئ حللو ابوها تحليل)..
فماذا فعلنا؟؟..
افترشنا المخططات

..
مترنا الاسواق

..
استوطنا الثمامه

..

والله انتسسسس صاااا دسه

وفوق كل ذا نعاني من زحمه مو طبيعيه..

مدري وش الحل

وندخل النت ونسولف ونتواصل ونحمل ونسوى اشياء كثيييير ولا بيهمنا..
الا ووصااااارناا مدمنين نت ما نسكر الجهااز خمس دقاايق والا نررجع له من الفضااوه

قتلته الواسطه وحطمت اماله

..