اداره مشرفين مراقبين اعضاء
السلام عليكم ورحمة الله وبركاته

انا عندي ملاحظه بسيطه على بعض الاعضاء بدون ذكر اسامي ......

ملاحظتي انه في مواضيع تستوجب الرد عليها والاخذ والعطاء فيها والبعض يدخل ويخرج بدون مايضع رد للموظوع طيب ماختلفنا ماعجبه الموظوع او بالاصح افضل من بعض اللي يردو

فمثلا موظوع يتكلم عن البطاله او عن مصيرنا في المستقبل ووظائفنا للاجانب

وير على الموظوع عضوء بكلمه ( الله يعطيك العافيه ) طيب تسلم على الدعوه بس نحن نحتاج ردك

والبعض اتوقع انهم لا يقروا المواظيع بس على طول يكتبو يعطيك العافيه مع العلم اتوقع انه حتى مايعرف اخر التعليقات اللي وصل فيه الموظوع

كأن المقصد انه يبي يزيد من عدد مشاركاته وبس لكي يبي يصل لهدف او الى مرتبه عاليه في هالمنتدى الكبير

ماابي اطيل عليكم لاني اتوقع انكم ملاحظين هذا الشي

وفي الاخير هذي وجهة نظر مني واتمنى انكم تتقبلوها ولا حد يزعل مني

كلامك صحيح
المفترض يوضع ضوابط للاعضاء بلزوم وضع مشاركة واحدة على الأقل يوميا حتى تحتسب له مجموع التعليقات
-
-
-
-
-

وعليكم السلام ورحمة الله وبركاته

يمكن وجهة نظره اللي داخل يبي يضعها
موجودة من احد الأعضاء و ما حب يزيد عن الأعضاء شي

ويمكن لا توجد له وجهة نظر فحب انه يدعي لغيره

او انه لا يجيد التعبير عن ما يدور في خلده وعجبه الموضوع
قام دعى لصاحب الموضوع

او انه لم يعجبه الموضوع من الأصل و عنده وجهة نظر عنيفة
و ما حب يدخل في نقاشات حادة

او او او ......

اخوي انت نزل الموضوع واحتسب اجرك على الله

مو شرط احد يرد

بالتوفيق للجميع

يعطيك العافية
ههههههههههههههههههههههههههه

وش مقيااسك وانا اخووك حتى تقول على اللي يكتب " الله يعطيك العاافيه " اعضاء على الفااضي حتى بموضوع نقااشي ..

قد تكون كلمة " الله يعطيك العاافيه " افضل من اللي يتفلسف بشيء ماله فاائده او موضوع مستهلك وانذبح وهو يناقش فيه بالمنتدياات .. فحب يدعوا لصااحبه ..

ما اقول غير الله يعطيك العااااافيه هههههههههههه

الله يعطيك العافيه <<يمكن تصادف سااعة استجابة أفضل من مشادات ومقافرات عقيمة..

عموما (الله يعطيك ويعطينا العاافيه )ههههههههههه

طيب اللي ماعنده رد على الموضوع لكن عاجبه الموضوع ويكتب لك يعطيك العافية

وهذا تجسيد لـ قول خيرا او اصمت


شاكرلك وانا عاجبني موضوعك

اجمل تحيه

ملك التحديات

على الأقل كلمة الله يعطيك العافيه أحسن من إني أطالع الموضوع وأطلع
أو إني أضيف رد يمكن كاتب الموضوع ينزعج منه

يعطيك العافيه

هذا أهم شي الصحه والعافيه>>عشان تكتب مواضيع ومحد يرد عليك او يقولون لك الله يعطيك العافيه

وشفيك خيووووو تقول من باب الحاره ماسك خنجر وشكلين مابحكي

يعني عشان ماحد رد على مواضيعك بغير الله يعطيك العافيه صرنا أعضاء على الفاضي ،الله يحييك

وسع صدرك واعذر الناس عشان الناس تعذرك وصدقني لمجرد القراءه والمرور يضيف للموضوع شيء.

وكل موضوع يعتمد في الرد على اسلوب كاتب الموضوع.

يسلمو خيوووووو