السلام عليكم ورحمة الله وبركاته احب ان اشكر هذا المنتدى الرائع والقائم على مساعده الشباب والشابات واسأل الله الكريم ان يظل هذا المنتدى صامد لأني من اشد المعجبين بهذا المنتدى وغيري الكثير من المعجبين اولا انا شاب عاطل عن العمل قدمت بجميع الشركات وجميع الدوائر الحكوميه ولاكن مافي شي بصراحه خلال فتره تقديمي على وظائف شفت اشياء غريبه واشياء رهيبه بصراحه تشوف الواسطه قدام عينك وتسمع كلام قدامك ولاحد فكر فيك زي مره من المرات جينا قدمنا بشركه وبصراحه زي ما اقول لكم واحد قدم عندهم والولد جامعي قالو نتصل عليك وبعد مامشي الولد رمو ملفه بالزباله اكرمكم الله والولد راح ومتأمل خير ومايدري انه ملفه بالبلديه وصل وانتهى وجاهم واحد عنده ثانويه وعشان من معارفه والله على طول قاله خذ الاستماره عبيها وهاذي ورقه فحص طبي خلصها وتعالي الاسبوع الجاي توقع مباشره عمل بصراحه شفت وسمعت على طول مشيت عرفت مصيري قلت هذا مصيرنا بدون واسطات الله كريم وماينسى عبده ومره ثانيه رحت انا وصاحبي شركه انا عندي ثانوي وصاحبي كفائه بكل بساطه المدير قال لو عندكم ماجستير وبدون واسطه لاتجوني واذا عندكم ابتدائي وبواسطه من عيوني قلت له الله يعطيك على قد نيتك ومشيت .. احنا بصراحه شباب متحملين مسؤوليه كبيره الي عنده اهل يبي يصرف عليهم والي عنده مشاكل والي عنده سياره يبي يصرف عليها بصراحه وين نروح تعبنا واحنا نقدم تعبنا واحنا ندور والله جات عليه ايام على رجولي اروح ادور وظايف الحمدلله ربي رزقني بسياره والسياره تنكرف معايا كل صباح بتدوير الوظائف الحاله صعبه ياناس كم من شاب وشاب مهموم وحظه منكوب نبي نشتغل ياناس والله نروح نقدم يجيك الاستقبال يقولك راتبك 1500 ومايزيد يحطمك من بدري 1500 كلها تروح للسياره الي خاطب يبي يتزوج وش تسوي له زي حالتي والله راتب شغاله اندونسيه ببيت يكون 1500 او 1600 بصراحه كذا وصلت فينا الحاله نتكلم ونتكلم ولا من يسمعنا الله يرزقنا ويرزقكم ويرزق كل مسلم محتاج ويصبرنا على ما ابتلانا والحمدلله على كل حال واسف عالاطاله شكلي طفشتكم ارجو الرد

انتظر قليلاً سترى الرشوة والعياذ بالله بأم عينك
الوظع لا يبشر بخير والطاسة ضايعة والأمور تمشي بالبركة
الحكومة تعامل المواطن كشخص مطلق وضع اولادة بدور الحضانة لايعرفة الا وقت الأزمات
عندما تشتد محنة ما على الحكومة كالأرهاب او اي جهه خارجية يبدأ مسلسل الوطن للجميع والأمن مسؤلية الجميع ويدا بيد ضد الأعداء والحاقدين وهلم الجرة
أما اذا خلا الجو للحكومة فتبيض وتصفر وتصعر خدها وتدير ظهرها لذلك المخلوق المسمى موااااطن

اشكركم على مروركم

أسأل الله العظيم ان يرزقك الرزق الحلال الطيب الوفير من حيث لا تحتسب

تابع وظائف المنطقه الي انت فيها

ونزل سيرتك الذاتيه ب قسم السير الذاتيه