السلام عليكم ورحمه الله وبركاته يا اخواني واخواتي بصراحه ضاق فينا الحال خلاص بكى وبكينا تقديم وقدمنا دورات واخذنا وين نروح الدنيا صعبت مره صعبت الوظيفه سرت احسها كنز اذا جاك لاتفرط فيه زمااان كانت العسكريه تجيك ويدقون البيت عليك يقولو لك تعال نجندك اللحين مافي تروح شركه يقولك فكرتنا عن الشباب السعودي مو مكافح طيب انا واقسم بالله اشتغلت بشركه مدخل بيانات لمده سنتين وراتبي 600 ريال بالشهر والله غيري مايرضى فيها وش تسوي 600 ومع ذلك رضيت وسكت والي يقولك فكرتنا عن الشباب السعودي مو مكافح ومايبي يشتغل طيب هذا انا اشتغلت سنتين براتب 600 وغيري بالمصانع 12 ساعه وراتب 1200 بالعقل مو حرام يعني كلنا مو مسؤولين عن عوايل وعندنا عار نخاف عليه الله الساتر بس الله قال خذو بالاسباب ياخي الوظيفه والراتب الزين سبب انها ماتحوجني لأحد بعد الله وتخلي كرامتي بمكانها ولاحد يدوسها يعني لما اجيب فلوس بالحرام يقولو حرام عليك وهو صح حرام بس ياخي من وين قولو لي من وين والله مره بشركه امنيه الله يسامحهم بس واحد استلم راتبه 468 جلس يصارخ بالشركه وليه راتبي كذا ومدري ايش وفجأه كنا جالسين بالاستراحه الا وهو يقول والله جربنا الحلال مانفع خلينا نجرب الحرام ونشوف وقدم استقالته بنفس اليوم الي استلم هالراتب الضعيف طيب اللحين مين سبب ان هذا المسكين يروح للحرام مو هالشركات وهالناس الي صارو يظلموك ويبتسمو قدام عينك ويقولك هذا حقك هذا راتبك لا ويقول لك تبي ولا براحتك غيرك كثير والي يكلمك يكون سوري فلسطيني مصري هندي طيب نبي ناس تحس فينا واقسم بالله في شركه مديرهم هولندي واقسم بالله يستلم 140 الف والي قال لي واحد اعرف شغال هناك تخيلو لو يطيروه بس وجيبو سعوديين وكل واحد يعطوه 10 الاف من راتب الهولندي كم سعودي بيشتغل او كل سعودي يعطوه 5 الاف كم سعودي بيشتغل شايفين ياناااس والله ثم والله احنا ماندري عن الجاي وماخفي كان اعظم حسبي الله ونعم الوكيل استغفر الله العظيم سامحوني عالاطاله