للشاعر بن لعبون


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=sp num="0,black""]
يا مل قلبٍ يسجّ وفيه دولاجه=من هاجسٍ بالضماير قام يدرجها
في معزلٍ عن جميع الخلق وازعاجه=ما اسمع من الناس لو تكثر لجالجها
ماغير أهوجس .. تقول مضيّعٍ حاجه=آخذ وأسنّد على روحي وأهرّجْها
وأدوج لو كان ما رجلي بدوّاجه=أدلّه النفس .. لين الله يفرّجها
يالله ياللي بيدك الضيق وافراجه=يا خالق الخلق .. يا قاضي حوايجها
تفرج لعينٍ إلى أغفت بسوهاجه=تجهز عليها الطواري لين تزعجها
بالصدر ضيقة ونوم العين هملاجه=عيني من العام والسهر متولّجها
نوب سهرها شديد ونوب نهّاجه=مرٍ تكنّ الدموع .. ومر تدرجها
عليك ياللي بقلبي كنّ وهّاجه=وهاج نارٍ هوى الغربي يسارجها
أبو ثمانٍ تشاد اللولو لعاجه=كن البَرَد يوم يضحك في مفالجها
يا روح روحي وجرح القلب وعلاجه= الطف بحالٍ عليك الهم ساهجها
قلبي يناجيك باسلوب الهوى ناجه=يشكي لك الحال داخلها وخارجها
إما التفت له وتم الوصل بمواجه= ولا بلا عشرةٍ هذي نتايجها
وش ينفعك من حنين القلب وخلاجه= وجروحٍ أسبابها أنت ولا تعالجها

[/POEM]