02-11-2009, 11:55 AM
|
|
Guest
|
|
تاريخ التسجيل: Sep 2009
المشاركات: 453
معدل تقييم المستوى: 0
|
|
[align=justify]
[IMG]http://romans999.******.com/slaam.gif[/IMG]
مــــــادمت تنشد يارفيقي .. عن الحال ،،،،،،،،، مالي على .. كتمانها عنك .. حيله
الصبر عن بـــــوح الاحاسيس .. قتال ،،،،،،،،، والبوح في بعض المواقف ، فشيله
لـــــــــــــو كل مايطري على البال ينقال ،،،،،،،،، ماكانت أحس ان الثقيله .... ثقيله
ابطيت اكــافــــــــــح ضيقة البال بالبال ،،،،،،،،، وادفع بلا .. هاجوسها كل .. ليله
لين اقبلت مـــــــثل .. السحابه بهمال ،،،،،،،،، تشفي غليل اللي .. تزايد غليـله
رعــــــادها خـــــيلاً تـــدابــــــــك وتختال ،،،،،،،،، وبراقها لامــع السيــوف الصقيلـــه
طاحت ، ولاْوفق من حناياك منزال ،،،،،،،،، وسع فضى صدرك ( لـ فيض ) المخيله
ان قيل ترعد..قلهم: صوت زلزال ،،،،،،،،، وان قيل تبرق .. شف لها ادناة حيله
مابي .... تناقلها هل القيل والقال ،،،،،،،،، وتصير من بعد القصيره .. طويله
يابدر .. !!
يابدر..ماني عال .. لو صحتي عال ،،،،،،،،، شفني من الصدمات نفسي عليله
اشيل حملٍ .. لو يشيلنه.. جبال ،،،،،،،،، الله ، وامانه .. غير تصبح نثيله
أرمي همـوم الزمن واسحب أدبال ،،،،،،،،، وانزل عن ( الجوكر ) وغيري يشيله
من كثرماشفت بحياتي من انذال!. ،،،،،،،،، بديت اشك ان النذاله ... فضيله
ماطاح.من.عيني.رجل.طاحوارجال ،،،،،،،،، ورجال ( يابن حنيف ) ماهي قليله
اقرب من اللي قالهم ضمن ماقال . ،،،،،،،،، راكان بن حثلين .. راعي الجزيله
( هذا ولد عم، وهذا ولد خال ،،،،،،،،، وهذا .. رفيقٍ مالقينا .. بديله )
سبحان منهو يابدر غيّر الحال !!. ،،،،،،،،، وحط الجفا بين الخليل .. وخليله
هذا الزمن يبغاله لسان دلاّل !. ،،،،،،،،، من يستحي هالوقت .. واعزتي له
وقتٍ به الراعي غدى راعي دلال ،،،،،،،،، كلٍ على طاريه .. ينفض شليله ..!!
من كان ساسه للردى مضرب امثال ،،،،،،،،، اليوم .. يحسب من كبار القبيله ..!!
المال ..!!
المال يابن حنيف ملعون ابو المال ،،،،،،،،، ذل العزيز .. وعز .. ناسٍ ذليله ...!!
[/align]
للشاعر : خلف ابن مشعان .،،،
|
العرض العادي
