قصيدة لا أعلم من هو قائلها


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
الطفل عاف المدرسة نط للسور=يدور أبلة تشبهك ياعظيمه
لاتعاتبين الطفل والطفل معذور=الحب ماهو موعظة مستقيمه
الحب لو مايقلب الحكم ويثور=أنا اشهد انه حب ماله حشيمه
في كل بلدة لك ضجة وجمهور=ماتختلف فيك العيون السليمه
وان كان بعض الناس شافوك ديكور=أنا أشوفك حالمة مثل غيمه
ياأكسجين الناس في كل العصور=انتي الخرافة في الأغاني القديمه
وانتي مرور الحب في بال عصفور=عصفور لكن ذكرياته أليمه
أش ذنب رجل ٍ ماخذ أربع من الحور=شافك على غفلة وطلق حريمه
وش ذنب شاعر يكتب بقلب مقهور=ترضين قلبه يستقر في جحيمه
بالأمس يامر لكن اليوم مأمور=كان الملك واليوم من غير قيمه
يسهر طوال الليل وينام مخمور=يحلم بعطرك ويتذكر نسيمه
شاعر وقبلك كان له جيش وقصور=لما انهزم ليه افتخر بالهزيمه
لاتفرحين ان قلت عاشق ومكسور=الحب أصبح في بلادي جريمه
مدينة تستقبلك تنبت زهور=ومدينة سافرتي عنها عقيمه
خمسة حروف الأرض من أجلها تدور=والقلب أبيض والملامح لئيمه
إذا كتب ربي وأصبحت دكتور=بدرس الطلاب ضحكة حليمه
[/POEM]

صح لسانك والله أنها قصيده مسكته بارك الله فيك

قصيدة جميلة جدا ونشكرك اخوي على النقل

الف شكر على هذة القصيدة الرائعه

والله يعطيك العافية

يسلمووووووووووووووووووو

مشكور اخي الضيم على هذه لقصيده الرائعه

ولاعدمناك يالغالى