السلام عليكم و رحمة الله و بركاته
يا شباب هذي ارقام ترجع لوزارة التجارة خاصة بالشكاوى على المحلات التجاري

وهمتكم اللي عنده شكوى أو أي ملاحظه يتصل و ما راح يلقى إلا كل تقبل من الموظفين .....

و من القضايا التي تم التجاوب معها:
تغريم احد المحلات في أسواق العليا مول و ذالك بسبب الغش في بلد المنشاء للبضاعة .....
تغريم احد المحامص الموجودة في الرياض بسبب وجود بضاعة منتهية..
استرجاع احد العملاء على قيمة سيارته من الوكالة بعد اكتشاف ان الباب فيه سمكره.
وسبق لي لن جلست مع احد الموظفين في القسم و حرص على موضوع التبليغ عن أي حالة غش او ملاحظة لان القسم ابشركم قاموا يتحركون في موضوع حماية المستهلك
وتري كل ماكثرت الشكاوي بيتحسن الوضع صدقوني لأن الغرب ماتحسنت اوضاعهم الا بكثرة الشكاوي

1616 – 124 – 800
014035555


من بريدي

اتمنى ان هالكلاام صحيح

ذكرتني بسالفة الاميركي الى يطالب بمبلغ بالملايين على مغسلة ضيعت سرواله

وجابوولة حقة والخبر كان على الام بي سي والعربية


الله يخلى رائد الاصلاح والشفافية الملك عبدالله من يوم جا زحنى نلاحظ تجاوب العديد من المؤسساات الحكوميييية


تحياتي

السلام عليكم

ياجماعة الخير ,,, لاتعبون أنفسكم..؟؟

أولاً:- أنا مبلغ ثلاث مرات ولم يستجيب أحد ,,, تخيلوا رز فيه دود ورز ثاني مسوس والسوس ميت داخل الكيس يدل أنهم ضاربينه كيماوي!!!

والثانية:- إستهتار الموظفين إلي على الهاتف المجاني يقول أحدهم ((نعم وش تبغى)) وهذا يدل عدم وجود أي رقابه على الإتصالات!!!!
والله هذا إلي حصل ياشباب....!!!!


والبلاغية الرابعة قبل أسبوع من التاريخ هذا عن (مايونيز) معفن وتاريخ قرب ينهي والتخزين سيء جدا ,,,ودقيت عليهم ولم يردون .... رحت لموقع الوزاره على الإنترنت وبلغت .....!!!

ولاحيات لمن تنادي ,,

وهذه البلاغات على سوبرماركت معروف في مدينة الجبيل

لكن ما أقول إلا حسبي الله ونعم الوكيل

والله يالغالي شي جميل نلاقي مثل هذا التجاوب

بس لي تعليق بسيط على موضوع السمكرة اللي بالسيارة.

انتبهوا ياشباب. اللي بيشتري سيارة جديدة يدقق في الصدامات والأبواب.

لانه وقت التحميل والتفريغ أحياناً تجي ضربة في الصدام أو الباب يعني شغلات بسيطة.

بس البعض يشوفها قوية.

للتحذير فقط .

السلام عليكم

عندي سؤال لو سمحتم:
هل نستطيع أن نقدم شكوى لوزارة التجارة في حال ارتفاع الاسعار بدون مبرر من قبل التجار النصابين؟
أرجو الاجابة

سلام

الله يعين هو اصلا فيه شي اصلي كل شي مغشوشه وعلى مراء كل المسؤلين؟؟
عندك مثلا
سيارات تويوتا تاتي من بلد المنشأ وتشلح بالوكاله يؤخذ الاصلي ويركب لها صيني ويباع الاصلي في محلات تويوتا هذا الكلام اكدوه ناس عملوا في الوكاله نفسها؟بعدين افحص السياره نفسها وشوف جميع محتوياتها صيني؟؟
الجوالات جميع المحلات تبيع المقلد وعيان بيان
قطع الغيار اغلبها تجميع دبي
السيارات مقصوصه ومركبه في مصانع داخليه اوخارجيه
السيارات المستورده منتهية الصلاحيه في بلادها ومجدده لحسابنا الامريكي بانواعها
المواد الغذائيه اي كلام فقط شعارات الايزو واللحوم والاجبان الله المستعان صراصير وروائح كريهه
الملابس انواع رديئه وبسعر الاصلي
سوق ابو ريالين خير شاهد على المنتجات الرديئه والمقلده من اواني منزليه واكسسوارات وكريمات وساعات وعطورات والات كهربائيه
محلات الاجهزه الكهربائيه كل شي تجميع
اجهزت الكمبيوتر والبرامج جدا سيئه ومقلده
والان ظهرت اسواق دبي والشارقه تنافس ابو ريالين بالردائه والدنائه
ميحتاج احد يشتكي بس هم ينزلون باقرب محل ويشوفون باعينهم جودة الصناعه في الغش التجاري والله مرايح يسون حاجه بس استهبال واستخفاف بعقل المواطن
انا اتحدى اذا فيه محل مايبيع شي مغشوش؟؟بل ان معظم المحلات اللي فيها اغلبه مغشوش!!!!!