السلام عليكم ورحمة الله وبركاته

نعتذر من اخواتنا لان الشغله رجاليه بحته

تعال يارجال يالي تقول انا عاطل وما عندي شغله

ندخل في الموضوع سيده

الشروط وهذا لزوم الشغل :

1-واحد سفن اب

2- فصفص

3- لبس افرنجي ( اس كلام )

4 - وهذا الاهم ( سياره يا حبذا قديمه علشان يكون الغشل صح )

الشغلة هي ( وين تبغى اوصلك ) يعني لموزين متكس بس بسيارتك وهذي مجربه والله واخرتها اليوم نقصني فلوس رحت ساعتين طلعت المقسوم لكن سيارتي كشخه شوي ماتنفع لان الزبون يستغرب كشخه ويكدوالجيب مطفر

المهم الشغله والله سهله جدا تخيل انك اجتهدت وتكست داخل البلد كل يوم بس 8 ساعات والساعه الواحده تكسب فيها 30 ريال وقسم الساعات في الصباح والليل يعني 4 ساعات في الصباح و4 ساعات في الليل

اذن 30 ريال في الساعه في شغلك 8 ساعات = 240 ريال في اليوم

طيب نقول والله الرجال اجتهد ولا صرف منها شئ الى نهاية الشهر

مكسبك في اليوم حبيب قلبي انتا 240 ريال نضربها في 30 يوم اذن في الشهر = 7200 ريال ماشاء الله لاقوة الا بالله عين الحسود فيها بلكاش ولا مربوووعه ههع

والله مكسب ولا في الاحلام ماشاء الله كذا انت موظف احسن من المرتبة السابعة والثامنه بعد

طيب اخصم مصاريف البنزين واللفلفه 200 ريال -7200 = 7000 صافي لك

اذا ما عندك دخل ثاني ,اقصد ما عندك راتب او شئ

اخصم مصاريفك منها نقول في الشهر بتصرف 2500 مع تسديدات الجوال بعد والتمشيه 500 يعني 3000 -7000 = يبقامعك 4000 صافي ربحي شهري في جيبك

ماشاء الله يبقا لك 4000 ريال هذا للمسرف فما بالك البخيل الي يمسك نفسه شوي

طيب جاء الشهر الثاني وصفي لك 4000 حق الشهر الاول + 4000 حق الشهر الثاني = 8000 ربحيه في جيبك ماشاء الله

هذا اقل الاحتمالات

خلونا نحسبها في سته اشهر 4000 في 6 شهور = 24000 الف ريال ماشاء الله مدخول ممتاز ربحي

يعني سنه 50 الف الا الفين ماشاء الله

طبعا الي عندهم وظيفه هذا كسبان مرتين ندخل في تفاصيلهم شوي .

خلي راتبك ينزل كامل ما تحرك فيه ساكن غير انك تضيفه شهريا على الربح الشهري الي فوق

يعني ربحت من التكسنه يعني اللمزنه او بمعنى اخر التكسي هذا الدلع حق التكسي

ربحت من التاكسي 4000 + راتبك كامل نقول 5000 هذولا الي راتبهم زين طبعا شهريا = 9000 ريال في حسابك شهريا

نجي نحسبها 6 شهور وسنه

السته شهور 9000 في 6 اشهر = 54000 الف ريال حلال زلال عليك ماشاء الله

نجي نحسبها في سنه 9000 في 12 شهر = 108000 ماشاء الله لا اله الا الله مائة الف ريال وثمانيه

كذا ثلاث سنين تروح تشتري شقه دوبلكس هههههه

اذا عليك اقصاد سدد وخلص نفسك وثم ابتدي التجميع الصح

النتيجه النهائية والحصيلة هي انه الشغل موجود لكن يبغاله شروط وتعب خفيف

وانا والله مجرب هالشغله لكن ما استمريت لان السياره ما تأهل كما ذكرت بالشروط الي فوق

حبيت والله افيدكم بما احبه لنفسي واني لا احرمكم هذه الفكره للي مضطرين وللغير مضطرين

التكسنه داخل البلد تجيب الذهب ياولد ههههههه هذا بيت شعر على الماشي

دعواتكم حبايبي ( الله لايحرمه الاجر من كسب انه يدعي لي معاه )

جربتهـآآ قبلك واللـه يآآخوي العآآلم الحيـن مآآتطلـع الآ بريآلين ..

لو آنشاللـه وين يبغـآآ .. التتكيس شغلـه في رمضـآآن الحيـن فيه شغـل بس ان كآآنت طلعت في اليوم من 50 لـ 80 ريـآآل نعمـه ..

والله يعطيك الف عـآآفيـه ..~

الموضوع جذاب والمضمون غير ذلك
على العموم الله يرزقنا الرزق الحلاااااال
وموفق أجتهادك أخوي اان.

ترى صحيح كلامك اخوي التكسي واره خيرررر مشالله

وترى 30 ريال هذا اقل القليل

بس برضو الشغله تعتمد على المنطقه مثل عندك الرياض و الدمام هذي المناطق مشالله فيها خير

تخيلو انا يوم اني اروح حق صندوق المئوية التكسي خذ علي من القطار الى الصندوق 25 ريال

في اقل من ربع ساعه

يعني الشغله مربحه

والله يوفق الجميع

تحياتي لك

ما شاء الله
لكل مجتهد نصيب
وفقك الله

ما شاء الله
تحياتي لك

..

متى نسوق بس
وبالنسبة لشبآب المدينة ومكة ، التتكيس وخصوصاً عند الحرم يدر عليك ذهب
في مكة وخصوصاً يوم الختم في رمضآن تلقى السيآرآت عند الحرم أجرة وخآص تآخذ على 100 و250 ريال مهمآ كآن بيتك بسبب الزحمة ،


عوآفي وبالتوفيق للجميع

\فكرة حلوة ولا تحتاج راس مال لانه راس مالك هنا سيارتك ..
ومن جهة أخرى بدل ما تكون السيارة تعتبر من خصومك وبس تاخد منك بنزين وصيانة خليها تفيدك ..
فكرة حلوة اخوي وزي ماقالوا الشباب تعتمد على المنطقة والرزق عند الرزاق ..
اما بالنسبة للاخت ميريام والله مصيبة لو خلوكم تسوقوا لانه في ذي الحالة ننسى ام الشغلة ذي لانه محد حيطالع في وجهيننا لا حريم ولا غيره ..
تحياتي للجميع

جزاك الله خير لاكن انت تحسبها من عندك على كيفك ههههههه صحيح فيها ربح بس اللي ماعنده سياره وش يسوي ذحين الناس تركب خصوصي ب10---20 والتكسي محد يطالع له بس النساء يركبوا لموزين المشكله المفروض يمنعون المشاورين بالسياره الخصوصي واعتقد ممنوع صح..... كل الشكرلك .

انا كديت من المطار
وطلعت حوالي 130 في اربع اشخاص بس
وهذي كانت تجربه
يعني لو بعيت ازود عليهم

لاكن المشكله مسكني المرور وبغا يصكني غرامه 600 ريال تحميل ركاب
وتوقيف
وحجز السياره