الرزق ماهـو واقـف عليـتس ياجامعـة بلادي العزيزه ..!!

يوسف العوفي · #21 (**permalink**) 13-10-2009, 06:46 PM

شد حيلك وراتبك ترى فوق 12 الف بعد ما تتخرج وربي يوفقك وترى الريجيل مو قف

بنت نواف · #22 (**permalink**) 13-10-2009, 07:26 PM

------------------

دافور بس عاطل · #23 (**permalink**) 14-10-2009, 09:41 AM

لا لا لا
وانا اخوك الكلام هذا ما يصير
انت رجال وعارف ان العلم زين
وخاصه في ايامنا هاذي
وانا والله وانا اخوك اشوف ان تخصصك زين لا والله منتاز بعد
وان كان همك السكن
علاك بسكن الجامعه ولا اخذ لك غريفتن صغيره
لحالك
وانعزل عن العالم الصايعين
وانتبه ترى التربيه قبل العلم
ومسألة انك تترك الجامعه انساها
انا والله وانا اخوك نسبتي في التسعين وسحبت على الجامعات
وكنت اتمنى تقبلني الملك سعود بس رفضتني
وهلحين شفني اصفق الجدران من الطفش
وكل ما كلمت اخوياي
اللي مهندس واللي دختور
واللي رايح برى
فانت وانا اخوك قيس الامور بالعقل
هي خمس سنين وتقدر تقلل منها بالاترام الصيفيه
شد حيلك
الله يوفقك ويرزقنا
تكفى لا تكب الجامعه يا ذيبان

فقيرديرة · #24 (**permalink**) 14-10-2009, 08:54 PM

ياالله يالقصيم صحيح ماقلت عنها صعبة الحياة فيها منطقة غرييييييييييييييييييييبه والناس غرييبين
انا لي اللحين 3سنوات متزوجة كني بالخلااااااااا .والأدهى والأمر لماتكون اجتماعي..لاجيران ولا اقارب ...قمة الطفش ماغير اتصل كل يوم على امي وابوي واصيييييييييح واقول طلقوني طلقوني..وكل مادخلتها جايه من عند اهلي صابتني دوخة وضيقة بالصدر وعدم تنفس لدرجة أني احس نفسي بموووت ...انا من يوم دخلتها مادخلت بخيييير عندي هبووط بالضغط ونفسيتي تعبانة.. ...ماودي اعيش بهالديرة اكررررررررررهها..انا جربت اعيش بالرياض وبلحالي 3سنواات بس وييين الرياض ويين القصيم شتااان (ديرة الحساسية)هههههههههههههههههههههههههههههه
خلااااصه هذا الكلام يانختك لا تعيييش بديرة ماتبيها..الرزق من الله واذا تقدر تتغلب على التعب النفسي مساااعد..وصدقني والله لولا اني احب زوجي ولاكان هجيييت من هالديرة..وسع صدرك وعلييك بالقرآن والأدعيه...
عن عتبة بن غزوان رضي الله عنه عن النبي صلى الله عليه وسلم قال: ( إذا وصل أحدكم أو أراد عوناً وهو بأرض ليس بها إنس فليقل يا عباد الله أعينوني ثلاثاً فإن لله عباداً لا يراهم ) أخرجه الطبراني.

عن البراء بن عازب رضي الله عنهما قال ( أتى رسول الله صلى الله عليه وسلم رجل يشكو إليه الوحشة فقال: أكثر من أن تقول: سبحان الملك القدوس رب الملائكة والروح جُلِّلت السموات والأرض بالعزة والجبروت ) فقالها الرجل فذهبت عنه الوحشة ) رواه ابن السني.

عن ابن عباس رضي الله عنهما أن النبي صلى الله عنهما أن النبي صلى الله عليه وسلم قال: ( إن لله ملائكة في الأرض سوى الحفظة يكتبون ما يسقط من ورق الشجر فإذا أصابت أحدكم عرجةٌ بأرض فلاة فليناد: يا عباد الله أعينوني ) رواه البزار بإسناد حسن.