<××


السـلآ‘ُم عليـُكمٍ ..

إُخُـوإُني /

إُنآ الإن في وضُع لآ يحسُد عليُه , من نآإحيُة إكمال الدراسه الجامعيـه , طبعاً انا خريج ثانويه عامه بنسبة مرضيه ,

وبعد التخرج , تجاهلة اول سنة , جامعيه , وقلت خلني اخذها راحـه ولا اكمل الجامعـه ,

وبعـد ما ريّـحت سنه , سجـلت بـ جامعة القصيُم , وتم قبولي , وانا الان اداوم بها تخصص ( تربيه خاصه ) ,

الى ان وضعي , يرثى له ,. حيث اني اقاسي اصعب الايام في حياتي في هذهِ المنطقه , واقدر اقول ( ماقدرت اتأقلم مع شعبها ) ,

واللي بالشقه معـي ( صايعين ضايعين ودايم هوشات بين بعضهم ) واجـد صعوبه

كبيره في التنقل بمنطقة القصيم من حيث الاسواق والجامعه والغربه عامل اساسي في احباط النفس عن الدراسه ,

وعفـت عيشـُتي وحـآإُلتي والله حاًله كسيفه, وسحبُت الاسبوع هذا من الجامعه ورجعت الى ديرتي العزيزه ( حفر الباطن ) ,

والاسبوع هذا لا يوجد مُحاضرات ودراسه جديه, فـ رجعت وانا الان ( إخطط على تركهآ ) ,

والجامعه ماهي لنا يا أهل حفر البآإُطن , والديار التي تفتقر من الاكاديميات والجامعات الدراسيه ,

رٍغـمٍ إُن حفرٍ البآ‘إُطن من المناطق الكبيرٍه , والمزدحمه بالسكـآ‘إُن , وانا ايام ماكنـت بـ ثالث

ثانوي , ( اخبرني إحـدى مدرسيُن الجغرافيا , وقال : تدري إُن حفر البآ‘إُطن هي التي على حـد

الريآإض بـ التعداد السكاني ) ,

وكل هذهِ العوامل التي تتواجب على حكومتنا الرشيده في بناء مقر جامعي في حفر البآإُطن , الا ان الاهمال كان حريصاً على ابعاد النظر عنهآ .


وانا هذإُ~ الاسبوع سوف اتخذ قراري على تركها ام الرجوع الى كلمة ( عزاه ) , ونبي , شوركـم وهدايـة الله ,



تحيـآ‘إُتي من القـًلب /



( نــآ‘إُدمٍ وفــآ‘إُ )


<××

استخير ربك ..

والله يسهلهــا لكـ ِ

من طلب العلى سهر الليالي

استخير
والعلم زين

بالتوفيق

استهدي بالله اخي الكريم
بداية المرحله الجاامعيه حتى لوكنت قريب من منطقتك من الصعب التأقلم فيهاااا
لكن بعدين سوف يصبح الوضع عاااد ي جدااا
علمك سلاحك علمك مستقبلك علمك عزك و رفعتك
العلم رفع بيوتاااا لا عمد لهااا النااس الحين يتمنو دخول الجاامعه وانت تريد تركهااا..
والشي يجي شوي شوي وبالتدرج تصل للقمه
فمااا بالك بمن يتغرب من اجل الجاامعه ويعيش خاارج بلده
اقاااارب لي كاانو سااااكنين بالمنطقه الجنوبيه واكملو تعليمهم بالمنطقه الوسطى والحين تخرجوو وتوضفو و تزوجو يعني الوضع عاااادي
خذ الامرر ببسااطه ووسعة صدر ولا تكبر الموضوع تتعب النفسيه زيااده..
اخي الكريم استهدي بالله وتذكر انك لست لوحد ك على هذا الوضع..
وارجو ان تشيل فكرررررررررة ترك الجا معه لانك راح تعض اصاااابع الندم لتركهااااا

نصيحه من اخت استهدي بالله ..
وازمه وراح تعدي ان شاء الله ..
بالتوفيق لك ..

حبيبي تخصصك حلو كمل فيه وتعزب لوحدك الله يعينك وتتخرج وتتعين على طول ان شاء الله واذا تركتها ترى الف غيرك يتمنون التخصص ذا والدراسة والقبول بالجامعة غيرك ما انقبل في قسم يبيه ولا قسم ثاني الله يوفقك ويقويك واقولك على حالنا احنا تغربنا وتعبنى والحمد لله الله وفقنا

وعليكم السلام ,,


تبي شوري وأنا أختكــ وبحكم أني من أهل المنطقة التي لم ترتح بها ,’


كمل دراستك هي سنين وتعدي وعلى أساس أنها غربه وماتعودت البعد عن أهلكـــ ,’

غيرك من الشباب بكل مكان عشان مستقبله ورفعته بين الناس ’’

تفكيرك غلط بصراحة وأخذت عدم تقبلك للمنطقة أنك ترجع لديرتك عاطل مافي آي شي بيدك ,,

صدقني زين أن جامعة القصيم قبلت الشباب وإلا كان تشوف نصهم بالشوارع ,,

أنا أتكلم من شي أشوفه من أخوي ,,

على فكرة ومادام ماأرتحت مع الشباب اللي في الشقه حاول أنك تطلع لشقه لوحدك وإلا مع واحد تحس أنه يصبرك ويعينك على مشوار الغربه ,,

بعدين في جامعة القصيم مافيه سكن خاص بالطلاب ؟؟

وحياك الله في القصيم ,’

الله يعيينك اخوي
بعدين حفرالباطن فيها كلية المجتمع التابعة لجامعة الملك فهد للبترول والمعادن
لية ماقدمت عليهم اكيد بيقبلونك وشهادة قوية والوظيفة لاتشيل همها
بس لازم تشد حيلك بالانقلش لان دراستهم كلها انقلش.......

تبي العلم اللي يجمد ع الشارب
؟
ومن واقع تجربة شخصية !!

تكفى كمّل ولا تسحب
ترى إن سحبت بتندم بعدين
تخصصك حلو
والقصيم صحيح ماقلت عنها
صعبة الحياة فيها بالنسبة للمغترب
بس خل وضعك طبيعي وخالط الناس !!
وبتلقى ناس من أهلك وديرتك
ومن ديار ثانية
هم اللي بينسونك هم الغربة وهم الدراسة
بس مع ذلك شد حيلك ولا تتهاون
وأقولها لك بالفم المليان
تكفى كمّل

على فكرة لي أخ يدرس في رومانيا ولوحده الله يوفقه ,’

صحيح معاه زملاء من السعودية بس يقول مايرتاح لهم حيث أنهم ماخذين الدعوة لعبـــ الله يصلحهم !!

فالآن عايش وساكن بشقة لوحده وله صديقين من مصر ومن الأردن ,’

بس تصدق جميل أنك تتعرف على أصدقاء من جميع مناطق المملكة ,’


جبت لكــ مثال بس لأني أنقهر أشوف شاب بيترك مستقبله عشانه بعيد عن أهله وهو مش بعيد كم كيلو بس طيب وشلون اللي متغربيين بالخارج ؟؟؟ : (

اخوي نادم وفا تحيه طيبه من محبك

نصيحه لاااااااااااا تضيع حالك عشان تريح نفسك والله انا اعرف واحد مو متغرب عن اهله عشان جامعه يرجي منها شي هو متغرب عن ديرته واهله وعزوته عشان الكليه التقنيه اللي لا رجاء يرفرف حواليها

فنصيحه من محب اكمل مشوارك وقوي ارادتك واصنع هدفك بنفسك فالرجال يصنعون مستقبلهم بأيديهم واستعن بالله وتتسهل الامور لك ومن ناحية اللي بالشقه فيه الف شقه وناس على كيف كيوفك

طع شوري وربي غير تندم وتنحد بيوم من الايام للكلية التقنيه ولو تتغرب