السلام عليكم ...

كيف حالكم ياإخوان وياأخوات ...

ياللي قدمتوا على جامعة الملك سعود وترشحتوا ,,

وياللي قدمتوا عليها وترشحتوا لمدة يوم ثم شالوكم " بكل برود " ...

وياللي قدمتوا على وظائف وفي النهاية حطوها تحت بند " لم ينجح أحد " سبحان الله العظيم !!

كلنا نعرف إن في شكاوى قدمت للجامعة بهذا الخصوص ... تقريبا وكما ذكر بعض الأعضاء 9 شكاوى لحد الأسبوع الماضي " يمكن تكون زادت الآن " ..

واللي ترشحوا " الله يوفقهم ويبارك لهم " البعض يقول إنه سووا الفحص الطبي وإلى الآن لم يباشروا !! .. ماالسبب ؟ ...

هذا تجمع للكل ... للي قدموا شكاوى من القائمة الثانية .. وللي من الذين لم ينجح أحد ... وللي ترشح ولم يباشر إلى الآن ... آخر التطورات ،، وهل تتوقعون في وظائف دفعة جديدة ؟ .. ومامصير الشكاوى اللي قدمت ؟ .. والمرشحين والمرشحات ليش ماباشروا إلى الآن ؟ ..

نتابع أخبار هذا الموضوع هنا " وياليت بروح رياضية ، وبأسلوب راقي " ...

وعليكم السلام
هلا بك اختي موظفة بحلمك
انا استغرب بخصوص اللي ترشحتوا لمدة يوم واحد وانشالت اسماءكم يعني اذا موظف اخطأ بفرض انه اخطأ هل سيتم ترشيح المرشحين بناء على خطا موظف ؟وبعدين ماذنب المستحقين والمرشحين بصفة رسمية هل يتحملون خطأ موظف هذا اذا كان هناك خطأ اعتقد ان المسؤولين بينوا انه خطأ وسيتم محاسبة المخطئ ايا كان نوع الحساب لايهم وبالنسبة للي ترشحوا ولم يباشروا فاعتقد ان هناك خطوات لابد من اكمالها قبل ان يستلم خطاب المباشرة حيث انه يتم رفع الاوراق بعد اكمال الفحص الطبي واحظار الخبرات الوظيفية لديوان الخدمة المدنية حتى يتم تعيين الموظف على الدرجة المستحقة وليس خبط لزق على طول اعلنوا اسمك اسبوع وتداوم اعتقد بان من اكمل اوراقه سيتم مباشرته باول شهر ذي القعدة او في منتصفه
وبالنسبة هل هناك دفعات اعتقد بان هناك عدد من الوظائف سيكون استدعاء لمن هم في قائمة الاحتياط بناء على الشواغر خلال ماتبقى من هذه السنة الى شهر جمادى الاخر واللي مايستدعونه خلال هالمدة يسقط حقه وترتيبه في الاحتياط
واسال الله لي ولكم التوفيق والسداد

شكرا أخي متفائل بزمن زائل على الرد ...

كلامك منطقي جدا ، بس هل تعلم بأنه بناء على خطأ هذا الموظف ناس قطعوا سفر من أبها للرياض وناس من المدينة للرياض !! ... ماأعتقد إنه في النهاية نجي ويجون وآخرتها " والله غلطة موظف " ... وش هالموظف اللي يعتذر عن العمادة في الصفحة الرئيسية عن الخطأ في النتائج ويضع أسماء مرشحين ومرشحات .. ماهدفه ... وماذنبنا نحن من ظهرت أسمائنا في القائمة الثانية .. ياأخي أقلها من باب احترام الإنسان وحق من حقوقنا إنا نفهم ليش ؟ ... وإنهم على الأقل يقدمون اعتذار في موقع العمادة عن هالأمر وتوضيح ... وإنت بنفسك تقول لها " إذا كان أخطأ " .. يعني إنت بعد تشك في الخطأ .

حنا عارفين يمكن ماناخذ شي من هالشكاوى ... لكن خلها تكون درس لهم للمسابقات القادمة .. قبل لا يلعبون على الناس ويستهترون بمشاعرهم .

من حقنا ياخوي نفهم الشواغر وين راحت ؟ .. ومن حقنا نعرف ليش 29 وظيفة كل وظيفة بمسمى مختلف .. كلهم لم ينجح عليهم أحد .. من بينهم وظائف مترجم ، وسباك ... إلخ ..

أما بالنسبة للي ترشحوا وإلى الآن ماباشروا مع إنهم سووا الكشف الطبي وخلصوا ... فأنا أختلف معك أخوي فهالنقطة ... واحد من معارفي توظف في جامعة الملك سعود قبل 3 سنوات ... بعد الترشيح سوى الفحص الطبي وبعدها على طول المباشرة بيومين أو ثلاثة ... وأنا متأكدة من هالشي ..

الله يوفق الجميع ، اللي ترشح واللي ماترشح ... بس ليش حددت أخوي شهر جماد كآخر أمل للاحتياط ؟

وشكرا مرة أخرى على التفاعل ، وفي انتظار البقية ... وينكم ياجماعة ؟

السلام عليكم ورحمة الله وبركاته . اللــه يكــب الي فــيه خــيررررر >> كل هذي الاختبارات والترشيح يبردون اعصاابكم ولا اصلن معروف الوظاائف تروح لمن >> الــشكوى للــه

انا متاكد انها ليست خطأ تدرين ليش انتي تدرين ليش جمع الاسماء وتحديد وقت بالاعتذار ويوم الجمعة واذهبوا للموقع الاعتذار طلع بسرعة هههههههههه كل هاذي تؤكد لي بانه ليس خطأ بل مقصود ولاهداف يعني ليست خطأ

أخي متفائل بزمن زائل ...

النتائج ظهرت الساعة العاشرة والنصف صباحا ... وتم إزالتها الساعة الثامنة مساء ... يعني مو خمس ساعات مثل ماتقول ..

وبعدين لمسألة يوم الجمعة فعادي ياأخوي شؤون الموظفين وبرد من الدكتور بدران العمر إنهم يداومون خلال العيد وأيام العيد والإجازة لاستكمال موضوع النتائج " هذا بنص رسالة رد فيها على استفسار " يعني مو مستغرب أبدا إنها تظهر يوم الجمعة .

وبعدين أخوي متفائل ، لو كان أسمك في القائمة الثانية ، ماراح تروح تسأل وتستفسر ؟ ترا هذا رزق ومثل مايقولون " قطع الأعناق ولا قطع الأرزاق " ، من الطبيعي إنك راح تروح تسأل وتستفسر ، وبعدين يوم إنهم عدلوا النتائج الساعة ثمان يوم الجمعة ، مين اللي عدلها ؟ يعني في ناس مداومة أخوي ، ولا لا ؟

ويوم إنهم عدلوها ليش مانبهوا أصحاب القائمة الثانية على الخطأ وقدموا اعتذار ؟ كان ماحد راح ولا تعنى وتعب .. بس والله استهتاااااااااااااااااااااااااااااااار .. لاقبله ولابعده .

شكرا أخوي على معلومة المسابقة اللي راح تنزل بجماد ، ومنكم نستفيد .

أختي ( نيستا ) ..

شكرا على التفاعل ، بس والله مانتمنى تكون كل الجهات الحكومية والمؤسسات مثل جامعة الملك سعود ..

الله لا يقوله ...

والله يوفقنا ويوفقك ..