مشوره في مغسلة سيارات

ن ا د ر · #1 (**permalink**) 17-10-2009, 12:03 AM

السلام عليكم ورحمة الله وبركاته
شباب قررت افتح مغسلة سيارات وفيها قسم غسيل بالبخار
بغيت اسألكم وش المعدات المطلوبه
ماهي افضل جنسيه لهذه الشغله اتوقع 1 يماني و2 نيبال
شو رايكم
وابي افكاركم تجاه المغسله

بو قاسم · #2 (**permalink**) 17-10-2009, 01:29 AM

الاخ فؤاد راح يفيدك اكثر في هالمشروع لعمله فيه

تحياتي لك بالتوفيق

ن ا د ر · #3 (**permalink**) 17-10-2009, 02:03 AM

مشكوووووووووووور اخوي

فهد المضياني · #4 (**permalink**) 17-10-2009, 02:04 AM

انا اتوقع من اللي اشووفه انوه ازين جنسيه النيجيريه!!!
يشتغلون شغل غير طبيعي؟؟
وهذا رأي والله اعلم
وعسى الله يوفقك يالغالي

محمد الطميحي · #5 (**permalink**) 17-10-2009, 06:47 AM

وفقك الله
ارسل الرابط للعضو سيري يا سفينة
وإن شاء الله يفيدك

السكب · #6 (**permalink**) 17-10-2009, 08:47 AM

اقتباس:

المشاركة الأصلية كتبت بواسطة ن ا د ر

السلام عليكم ورحمة الله وبركاته
شباب قررت افتح مغسلة سيارات وفيها قسم غسيل بالبخار
بغيت اسألكم وش المعدات المطلوبه
ماهي افضل جنسيه لهذه الشغله اتوقع 1 يماني و2 نيبال
شو رايكم
وابي افكاركم تجاه المغسله

وعليكم السلام ورحمة الله وبركاته

حياك الله أخي نادر

الي فهمته من كلامك انك تبي تجمع بين غسيل بالبستم وغسيل بالبخار

إذا كان كذالك فأنصحك بها

يعني تشوف لك محطة بنزين ويكون فيه المغسلة جاهزة ويكون اربع فتحات تخلي ثلاث فتحات بساتم وواحد بالبخار لأأن الي بالبخار جديد ولا أحس فيه اقبال من الجمهور

أهم مابالشغله العماله لازم يكونوا على كفالتك عشان مايتركوك باول الطريق واعتقد 5-6 كافية وبالليل يمكنك الاستعانه بعمال الشركات وتعطيهم باليومية إذا كان لديك زحمة

مبدئيا يمكنك استئجار المغسلة وماعليك سوى إحضار مكنسة التنظيف وسعره 1800 ريال وهذا ساعرته مسبقا ولا اعلم لو ارتفع عليك كمان ادوات التنظيف ولا تنسى تعبي وايت يوميا 50 ريال

قبل البدء بالمشروع يلزمك الأعلان لازم تقدم عرض عند الافتتاح مثلا غسلتين عليك وغسله علينا

يلزمك الحضور يوميا امام العمال والزبائن وتكون على راس العمال

يفضل بأن تعمل غرفة خاصة داخل المغسلة وتقدم الشاي والقهوى والتلفاز

حاول تبتكر طرق جديدة لاكتساب الزبائن لديك

حاول تشوف المغاسل المشهور ببلدك وتشوف سر نجاهم

أنصحك وبشده بأن لايبقى السيارة لديك لاكثر من نصف ساعة لازم تنجز عملك بسرعه متناهية لانك تعرف ربعنا يحبوا العجلة

هذا مالدي واساله تعالى بأن يوفقكم لما يحبة ويرضاه

لاتنســــــــــــانا من الدعاء

ن ا د ر · #7 (**permalink**) 17-10-2009, 03:32 PM

اقتباس:

المشاركة الأصلية كتبت بواسطة فهد المضياني

انا اتوقع من اللي اشووفه انوه ازين جنسيه النيجيريه!!!
يشتغلون شغل غير طبيعي؟؟
وهذا رأي والله اعلم
وعسى الله يوفقك يالغالي

طيب كيف الاستقدام من نيجيريا

يادافع البلاء · #8 (**permalink**) 17-10-2009, 08:24 PM

اقتباس:

المشاركة الأصلية كتبت بواسطة السكب

\

أنصحك وبشده بأن لايبقى السيارة لديك لاكثر من نصف ساعة لازم تنجز عملك بسرعه متناهية لانك تعرف ربعنا يحبوا العجلة

ههههههههههههه الله يسعدك يبعدي والله انك صادق ربعنا يبون كل شي سريع
بتوفيق لجميع

العطلجي · #9 (**permalink**) 18-10-2009, 01:08 AM

شوف اخوي بصراحه انا عندي لك اقتراح لمغسلة السيارات وصدقني سوف تكون المغسله معروفه لدي الجميع باذن الله .
طبعا اذا اراد اي واحد يبي يغسل سيارته مافيه مكان نظيف في المغسله يجلس فيه حتي ينتهي غسيل السياره طبعا يكون واقف حتي تخلص سيارته من الغسيل .
اقترح عليك اقتراح وهو انك تسوي لك في طرف محل المغسله خيمه مساحتها مثلا 5متر في 7متر ويكون فيها جلسه كنب ويكون واجهتها الاماميه قزاز ويكون فيها تلفزيون ومشترك في قناة رياضيه مثل اي ار تي ويكون ايضا فيها غلايه ماء ويكون فيها شاي لبتون وكاسات ورق وسكر قوالب يستطيع الزبون انه يجلس ويسوي له كاس شاي ويشاهد التلفزيون وايضا يشاهد سيارته وهي تغسل حتي وان تاخر العمال في غسل السياره لما يتضايق صاحب السياره لانه جالس مرتاح في الخيمه .
لكن لي ملاحضه لا تخلي عمال المغسله يدخلون في الخيمه ابدا حتي لا تتوسخ وايضا تحط لك عامل واحد هو المسئول عن الخيمه فقط .
انا بصراحه شفت هذه الفكره فقط مسويها صاحب مغسله في الامارات فقط ولم اشاهد هذه الفكره ابدا في اي مكان اخر بالرغم من حاجة الناس لغسيل سياراتهم.

ن ا د ر · #10 (**permalink**) 18-10-2009, 12:02 PM

اقتباس:

المشاركة الأصلية كتبت بواسطة العطلجي

شوف اخوي بصراحه انا عندي لك اقتراح لمغسلة السيارات وصدقني سوف تكون المغسله معروفه لدي الجميع باذن الله .
طبعا اذا اراد اي واحد يبي يغسل سيارته مافيه مكان نظيف في المغسله يجلس فيه حتي ينتهي غسيل السياره طبعا يكون واقف حتي تخلص سيارته من الغسيل .
اقترح عليك اقتراح وهو انك تسوي لك في طرف محل المغسله خيمه مساحتها مثلا 5متر في 7متر ويكون فيها جلسه كنب ويكون واجهتها الاماميه قزاز ويكون فيها تلفزيون ومشترك في قناة رياضيه مثل اي ار تي ويكون ايضا فيها غلايه ماء ويكون فيها شاي لبتون وكاسات ورق وسكر قوالب يستطيع الزبون انه يجلس ويسوي له كاس شاي ويشاهد التلفزيون وايضا يشاهد سيارته وهي تغسل حتي وان تاخر العمال في غسل السياره لما يتضايق صاحب السياره لانه جالس مرتاح في الخيمه .
لكن لي ملاحضه لا تخلي عمال المغسله يدخلون في الخيمه ابدا حتي لا تتوسخ وايضا تحط لك عامل واحد هو المسئول عن الخيمه فقط .
انا بصراحه شفت هذه الفكره فقط مسويها صاحب مغسله في الامارات فقط ولم اشاهد هذه الفكره ابدا في اي مكان اخر بالرغم من حاجة الناس لغسيل سياراتهم.

والله فكره رائعه الله يعطيك العافيه