18-10-2009, 07:05 AM
|
عضو مميز
|
|
تاريخ التسجيل: Sep 2009
المشاركات: 1,175
معدل تقييم المستوى: 4317352
|
|
|
يووم من اياام ربي
بسم الله الرحمن الرحيم
السلام عليكم ورحمة الله وبركاته
يووم السبت 28/10/1430 هـ الموافق 17/10/2009
الّي هو امس يوم ......نشوووف يووم إيش
المهم راااح اعطيكم بعض من خبراتي بالحيااهـ ومجاناً لاتخاافون>>غصب عنكـ مجاناً اجل في وسط العاطلين وتبين مقابل
في يووم امس جيت حوالي الساعه الثالثه صباحاً لاخوي الحلو الأمووور كان فاضي وماعندهـ دواام السبت قلتله وانا اختك ابيك توديني مشيوير>>>مشيوير بس
طبعاً انا جيته في هذا الوقت مباغته عشاان مايمديه يفكّر ويقوول لا قاال انا سهراان قلت عااتي وانا بعد قاال انا بصووم قلت عاادي انا اقضي مشاويري وانا صايمه واصووم معك مو مشكله عشاان يصير عليك الّي يصير علّي>>>صكيت عليه
قاال طيب 
المهم صلينا الفجر ورحت اتجهّز وافطر واخوي افطر معنااا كأنه حااس إنه مشيوير
وحوالي الساعه الثامنه والنصف اقلعت الطائرهـ معرووف التأخير في الخطووط السعوديه
قاال اخووي وين تبين؟؟ قلت مدري ابي منطقه فيها مداارس اهليه كثير وقلتله ع المكاان اخووي هذا فلهووي يعرف كل المناطق والشواارع بس للأسف امس كااان متنح
قعدنا ندوور وندووور وشفنا مدرسه ووقفنا ونزلت اول مادخلت بسم الله نادتني وحدهـ قالت سجلي اسمك وسبب الحضوور>>المباحث العامه ع غفله
قلت طيب وشوله هاللفه قالت المدرسه فيها كاميرات ولازم يسجل الداخل والخارج جيت اسجل اسمي وقلمهم مايكتب وبكل ثقه طلعت قلمي وقلتلها قولي لأصحاب المدرسه بداال هالكاميرات يشتروون اقلام زي الناااس >>> شحاته ومتشرطه
المهم دخلت عبيت الإستماارهـ وخرجت
مالقيت اخوي
دقيت عليه قاال جاي قلتله وين رحت قال جلست الفلف اشووف المدارس>>ياحليله الله يخليه لي يااارب
وبعدها درنااا درنااا درناا لين دخنا حتى النااس مايعرفوون يوصفوون
لقينا وحدهـ ثانيه نزلت اعطتني استمارهـ ملياانه اسئله تخيلو وحدهـ داايخ راسها من الدوران وتجاوب ع اسئله رياضيه المهم عبيتها وخرجت
وجلسنااا ندووور وندووور إلا والساعه 10 ونص قاال اخوي يالله نقدّم ع بااب رزق قلت يالله
رحنا بااب رزق جميل ياحليلهم ياازين الإبتساامه ياناس تشرح الصدر المهم عبيت بياناتي
قالت : تبين دواام فترتين قلت: لا
قالت : تبين مسائي قلت :لا
قالت : تبين: دواام بالاجازات الرسميه قلت: لا
قالت : تبين إختلااااط قلت: لا
قالت: تبين في مدينه ثانيه قلت: إذا راتب يستاهل إي اما 1500 و2000 لا
>>>وش تبين طيب الحمد لله والشكر
وخرجت قلت لاخوي انزل قدّم ع الرجاال لعل ّوعسى نزل اخوي وقدّم
قلت لاخوي ودي امّر البنوووك نااظر اخووي نظرهـ يمّه بس ياحليله رحنا بنك الاهلي قاال مانقبل اوراق سجلو من الموقع >>>امحق موقع
مرينا الراجحي قاال خلاااص باقي ع الصلاة 5دقايق مانستقبل احد
بعدهاا قلنا البيت >>>لا ياشيخه
الحدث المهم إننا لمّا مشينا من عند بااب رزق اخوي قاال في خبر سيئ قاال السيارهـ المحروسه ماعااد تمشي لازم اصك المكيف تخيلوااا
وحنا راجعين البيت جلست ادعي للي اخترع المكيف واقوول لأخوي نفسي في مكيف ومسبح مااء ومسبح عصيييير >>> ياازين الاحلااام
والحمد لله وصلناا البيت
دخلت مع الباااااااااااااااااب إلا والبيت هادي ومظلم ضحكت وقلت لأخوي كأننا برمضااان
المهم جااات اختي من بعيد تمّد الخُطى وقاااااااااالت:
الكهربا مقطووعه !!!
وجلست ابكي ابكي ابكي ابكي لين نمت وانا مااادري
وربي للحين اضحك ع شكلي
والحمد لله على كل حااااال الله يرزقنا من واااسع فضله
تحياااتي
|
العرض الشجري
