السلام عليكم ورحمة الله وبركاته
انا ياجماعة الخير جايتكم وداخله على الله ثم عليكم انكم تحاولون تساعدوني بأي شي بصراحه انا خريجة ثانوي لهذا العام بس ظروفي صعبه لأبعد حد ممكن تتخيلونه الوالد متقاعد وعائلتي كبيره الحمدلله من غير جدتي المريضه اللي ماخلينا مستشفى ماوديناها لها انا من اهل الرياض وانا اكبر خواتي واخواني يعني حاسه بالمسؤوليه وانا صغيره عن تحملها كثير تقدمو لي بس كان رفضي بسبب انو مااخلي اهلي كذا واروح لازم اساعدهم عشان ارتاح المهم انا بقدم بمعهد نيوهرايزن السنه الجايه وفوت السنه هذي لانو الماديه مره زفت وبدخل قسم تقنية شبكات دبلوم لمدة سنتين لان مستقبله مضمووون جدا لكن المصيبه كلفني 28 الف ومدري كيف ادبرها وانا ودي اشتغل الحين اي شيء عشان اجمع للمعهد وادخل السنه الجايه وش تنصحوني فيه مع العلم اني افهم بالميك اب اعرف ارسم عيون واشياء زي كذا وخطي جميل جدا لدرجة فزت بأجمل خط بمدرستي ودي اكتب بحوث للجامعه واكسب فلوس مستعده اسهر ليل نهار عشان القى المبلغ لو نصه او ربعه..
ياليت تحسون فيني ارجوكم ساعدوني ابي اتواصل على الاقل مع طلاب الجامعه عشان اكتبلهم بحوث بس وين القاهم؟؟

أسأل ربي لك الرزق الحلال العاجل

أخيتي ..

أسعي في طلب الرزق وانشاء الله يرزقك ربي انه سميع مجيب

دمتي بخير

الله ينولك مرادك ويفتحها عليك من واسع رزقه ..
إذا تعرفي تعملي ميك أب روحي المشاغل وكلميهم بس ما ادري غالبا رواتبعهم ما تتعدى الألف و200 ودوام طول الأسبوع وغير كذا مو كل المشاغل مضمونه

وإذا خطك حلووو ما شاء الله وتعرفي للكمبيوتر البرامج المكتبية وورد اكسل بور بوينت روحي المدارس الأهلية - وكلها اخذناها بالثانوي شيكي عليها بس بالبيت - بعدين روحي المدارس الأهليه قولي أنا أفهم في الكمبيوتر ابي اشتغل مدخل بيانات او كاتبة اي شي .. وكمان خطي حلوو اقدر شتغل لكم لوحات واذا رسمك حلوو قولي اقدر ارسم لكم عَ الجدران ..

اما بالنسبه للبحوث ما اتوقع بتفيدك .. لانو اغلب الطلبه يبغونك تكتبينها انتي تسوين بحث يعني وتطبيعينه كمبيوتر ..

والله يفتحها عليك يا رب

الله يفتحها عليك انشالله ويرزقك رزق الحلال يااااااارب وصدقيني ماتضيق الاتفرج باذن الله وعليك بقراية سورة الرحمان وكثري الاستغفار باذن الله ربي بيفرجها عليك
(اذا اقبلت الهموم وتكاثرت الغموم فقولي لا الله الا الله محمد رسول الله تكفيك)

الله يرزقك ويفرجهااا عليك
بماإن خطكـ حلو شوفي عندك المعلماات داايم يطلبوون لوحاات ووساائل
وخصوصاً خصوصاً طالباات التربيه العملي يبون اي احد يسويلهم لأنهم حييل مشغولين

انصحك إدخلي على موقع الجامعات الّي بمنتطقتك واكتبي هناااك إنه خطك حلو وتسوين لوحااات وساائل اي شي
وبإذن الله راااح تلقين إستجااابه
وبعد دوري ع المداارس وبلغيهم إنك محترفه في هذا الشي واطبعيلك ورقه فيها رقمك ووزعيها عليهم

الله يرزقك من واااسع فضله

بالتوفيق

الله يرزقك اختي ...

هل عندك لغة انجليزية .
وهل انتي بجدة

الله يرزقك يابعدي ويحقق كل امنياتك

هلا وغلا فيكم يكفي انكم حسيتو فيني انا من الرياض الريم اذا تعرفي كيف ادخل على مواقع المدارس او اي احد يجيب ارقامهم ياليت جزاكم الله خير

الله يعينك ويرزقك من واسع فضله
وثقي تماما طالما ان هدفك هو خدمة اهلك ووالديك واخوانك
فأن الله عزوجل لن يخيبك. توكلي على الله واسعي ولاتستسلمي
والله يوفقك وييسر لك امورك ويشفي جدتك ان شاء الله.