تكفون مساعدة ضرورية

ولد القنفذة · #21 (**permalink**) 20-10-2009, 03:53 AM

أسأل الله العلي العظيم في هذه الساعة بأن يوظفك عاجلاً غير آجل وأن يرزقك الوظيفة اللي تبيها .

أسطورة بطموحي · #22 (**permalink**) 20-10-2009, 04:24 AM

اسأل الله العلي العظيم ان يرزقك من خيره حتى تقول يارب اكتفيت اكتفيت ويحقق لك اكثر مما تتمنى والجميع يااااااااااارب .

بس انا اشوف لو تاخد قرض وتفتح لك مشروع خاص فيك افضل وإن شاء الله امورك تتيسر .

أمنياتي لك بالتوفيق والسعادة .

أسطوـورة بطموـموحي .

عاطل عشر سنوات · #23 (**permalink**) 20-10-2009, 06:57 AM

شكراً للجميع دون استثناء وبارك الله فيهم وجزاهم الله خير الجزاء

عاطل عشر سنوات · #24 (**permalink**) 20-10-2009, 07:05 AM

اقتباس:

المشاركة الأصلية كتبت بواسطة ارخميدس

تسع سنين عاطل؟؟؟

العيب منك وانا اخوك

نعم العيب مني
نعم عيبي اني ماعندي عزوه فيهم خير
نعم عيبي اني ماعندي واسطه تنقذني
نعم عيبي اني ما استعمل اسلوب الرشاوي علشان اتوظف
نعم عيبي اني ما عندي دولة تاخذ حقي وحق السنين الضايعه
نعم عيبي اني ما عندي دولة تاخذ حقي من الي ضلموني في التسجيل اكثر من مره
نعم عيبي اني ما عندي دولة تاخذ حقي من الشركات الي تضلمني وانا بري من التهمة
نعم عيبي اني اصادق ناس مسؤلين مثل اسلوبك ( العيب منك ) ولا يفعل شي او يعمل شي

انا شغلتي الوحيده اكد على سيارتي الخاصه يعني باليوم يالله اذا اليوم خير علي 20 ريال ؟
وهذه هي حالتي بس الحمدلله مامديت يدي ولا قلت يبه يمه عطوني فلوس
علماً حتى ابوي الشايب ماهو موظف لا متقاعد ولا شي وهو شايب سوا شؤن فقط مايسد جوع
ولا يسمن مع اني عندي شهادة ثانوية وعندي حاسب آلي وعندي رخصة عمومية بس الناس انجاس واتمنى من الله انك تجرب بس سنه من الي جربته واشوف تتحمل ولا لا لن الكلام سهل
والفعل صعب لن الي بيده بالماء مو مثل الي بيده بالنار
لا سامح كل شخص يضع العيب علي وهو يعلم اني بري من ذالك العيب
حسبي الله ونعم الوكيل

قاصر الشر · #25 (**permalink**) 20-10-2009, 09:04 AM

اخوي بكل هدوء

انا حبيت اني اناقشك في سبب بطالتك اللي تعدت تسع سنين

لكنك بديت تغلط علي وتحديدا في السطر قبل الاخير

عشان كذا انا حاب انهي نقاشي معك

لكن صدقني انت سبب بطالة نفسك

وشهي الوظيفة اللي تبي تشتغلها ؟

كم الراتب اللي تبيه؟

جاوب بينك وبين نفسك

واذا جاوبت بصدق راح تعرف مين الغلطان

وسامحك الله

انشراح الفجر · #26 (**permalink**) 20-10-2009, 10:57 AM

اسال الله بمنه وكرمة ان يفتح لك ابواب رزقة التي لا تسد
وان يغنيكم بحلاله عن حرامه
وان يغنيكم به عن سائر خلقه

انصح نفسي وأياكم بالأكثار من قول
لآ حول ولا قوة الا بالله

جروح الموده · #27 (**permalink**) 20-10-2009, 11:15 AM

الله يرزقك من حيث لاتحتسب
اكثرمن قول لاحول ولاقوة الابالله العلي العظيم
الرزق بيدالله مو بيدالبشر اعتمدعلى الله وابذل الاسباب

عاطل عشر سنوات · #28 (**permalink**) 20-10-2009, 05:31 PM

اشكر كل من دعالي الله يوفقه ان شاءلله دنيا واخره

عاطل عشر سنوات · #29 (**permalink**) 20-10-2009, 05:41 PM

اقتباس:

المشاركة الأصلية كتبت بواسطة ارخميدس

اخوي بكل هدوء

انا حبيت اني اناقشك في سبب بطالتك اللي تعدت تسع سنين

لكنك بديت تغلط علي وتحديدا في السطر قبل الاخير

عشان كذا انا حاب انهي نقاشي معك

لكن صدقني انت سبب بطالة نفسك

وشهي الوظيفة اللي تبي تشتغلها ؟

كم الراتب اللي تبيه؟

جاوب بينك وبين نفسك

واذا جاوبت بصدق راح تعرف مين الغلطان

وسامحك الله

والله ياخوي انا ماغلطت ولا سبيت انا كل الي قلته لا سامح الله وهذه ماهي سبه هذه دعوه
بعدين كل الي دخلو دعو لي بالتوفيق وبالرزق الا انت شككت فيني وحتى مادعيت لي مع ان الدعاء بلاش والله العظيم اقسم بالله العظيم اني لم كل ماقدم ماحصل شي سوا شركه ولا حكوميه ولا عسكريه اقسم بالله العظيم وانا قاعد احلف لك
اعطيك مثال بسيط ويعلم الله اني صادق فيها
العام قدمت على الامن العام وطلع وفحصت وقابلت وبصمت ونحجت الحمدلله بالتوفق سوا من ناحية الطول او الجسم او النسبه وبعدين طلع رقمي بالجريده وبعدين جت الدوره ويوم دخلنا الدوره
ولنا او يوم من الفين شخص طلعوا 6 اشخاص وانا منهم تدري وش قالوا لي قالو رقمك طلع بالغلط طيب انا وش ذنبي يوم افحص وابصم وقابل ورحه وجيه وانا ماني من اهل الرياض والله يعلم الله اني خسرت فلوس كثيره وكلها سلف واخر شي طلعوا ناس ماقبلوهم ولا طلعو له ارقام
وحطهوم بدالنا حنا السته وانا اعرف واحد شخصياً منهم طيب انا وش ذنبي هل انا مابي العمل ؟
وقبلها قدمت على الحرس وكل مايطلع رقمي وخلاص واروح التجنيد علشان ادخل الدوره يعرقلي واحد واقسم بالله العظيم والورقه عندي للحين مثل ماعندي رقمي بالامن العام الي طلع بالجريده
ومحتفظ فيها الان المهم الي بالحرس ثلاث سنين يرفضني ضابط مع اني رقمي طلع وخلاص وامروري تمام طيب انا وش اذنبي هل انا مابي العمل ؟
وكذالك بالجيش العسكريه مع ان رواتبهم 2700 وجندي ورحت وقدمت وطلعت رقم وكل ماتجي دوره اراجعهم يقلون دورك ماجا للحين ولي خمس سنين وهم يقلون نفس الحكي وكل سنه يسون ثلاث دورات ويدخلون ناس اقسم بالله العظيم في ناس قدموا خلال شهرين ودخلو الدوره واعرفهم
طيب انا وش ذنبي هل انا مابي عمل ؟
وغيرها امور ماتكفيها الصفحه مع الشركات يعني مثل شركة العيسى للسيارات الي بالرياض
تدري انا مقدم عليهم وكل مايتصلون علي وانا ابعد عنهم اكثر من خمسية كيلو واجيهم ويوم ادخل على مدير التوظيف يقول من قال في وظايف اقول انتم متصلين علي وارجع ثلاث مرات يسونها فيني وانا اقسم بالله العظيم اني صادق في كلامي هل انا مابي العمل ؟
وفي اشياء كثيره كثيره بس وش اقول حسبي الله ونعم الوكيل وتجي تقول اني مابي الوظايف
طيب خلني انا الي موجدين بالمنتدى العاطلين هل هذولا مايبون الوظايف يعني العيب فيهم ؟

راحت علينا · #30 (**permalink**) 26-10-2009, 08:42 PM

يعلم الله اني ماسجلت هنا إلا عشان موضوعك
والله العظيم العبرة تخنقني لما أقراء حالات زي كذا
لاتشكيلي ابكيلك !
ولما تشوف مصيبة غيرك تهون مصيبتك
لأني وانا أختك ماني بأقل منك حالة مدحدرة أحياناً والله ماابالغ اتمنى الموت
أحمد ربك على الأقل أنتم تقدرون لاطفشتوا وضاقت بكم الدنيا تفرون الأرض تفضفضون شوي
البلا فينا أحنا من جرف لدحديرة
ووين نروح ؟
خمس سنين لهث وراء كل إعلان لوظيفه وبالأخير من شدة الحاجة والملل من الروتين اليومي قدمت على وش؟
على بياعه في المقصف !!
والشهادة وش؟
بكالوريوس نسبة 89 % مع مرتبة الشرف ودورات
وبالأخير بعد ماحصلت لي

لكن شوري عليك أنك تهاجر لقطر ولاالإمارات وربي راح تشوف أنك أنسان عايش عيشه كريمة
مو هنا كنك حيوان!
وأهلك مب ضايعين بالعكس راح تنفعهم اكثر

والله يوم قريت موضوعك قبل اسبوع أني دعيت لك من قلب عصرية الجمعه وعسى الله يتقبل

الله يرزقنا من واسع فضله

تكفون مساعدة ضرورية

إستراحة الأعضـاء

السلام عليكم تكفون يالمسلمين ادعو الله ان يوظفني والله الحال يعلم بها الله تسع سنين وانا ماخليت جحر مادخلت صرت ضب رحال والله دعيت ربي وكل مالقى شيخ...

تكفون مساعدة ضرورية

تسجيل الدخول

تكفون مساعدة ضرورية

إستراحة الأعضـاء

السلام عليكم تكفون يالمسلمين ادعو الله ان يوظفني والله الحال يعلم بها الله تسع سنين وانا ماخليت جحر مادخلت صرت ضب رحال والله دعيت ربي وكل مالقى شيخ...

تكفون مساعدة ضرورية