السلام عليكم

طبعاً كلكم شفتو الموضوع عن توظيف في وزارة العمل وانهم مضبطين الاوضاع وكلو تمام على ماقالوا انا اليوم عندهم جيت حق توظيف قلت له ابي وظيفه قال شوف الشواغر معلقه هناك رحت لهاا المهم ادور ثانوي تخيلو المتوسط والابتدائي وحتى البدون شهاده لهم وظايف الا ثانوي المهم وادور وادور واطيح لي على وظيفة سايق المهم قلت هذي تمشي الحال واروح للحبيب الموظف قلت له ابي الوظيفه هذي على طول صرفني وقال هذي راحت المشكله ان الاوراق توها معلقه قبل شوي يعني مايمدي احد قدم عليها وا انتبه لها حتى المهم قلت له شلون راحت وانتم توكم معلقين الاوراق الاخ مسوي انه خايف علي ويبي ينصحني قال لي ترا هذي بعيد ويمكن يقطونك في الرياض ولا حرض انا يوم قال كذا دريت ان الوظيفه محجوزه عاد تكفا يا الوظيفه سايق وبراتب 1500 ولا يبي لك واسطه فيها المهم انا طلعت وكنت افكر بيني وبين نفسي انا ليه درست ثانويه وش الفايده منها يعني ورقه كذا بس ارز فيها تخيلو من بين الوظايف كلها مافيه غير 3 وظايف لثانويه وهي طباخ عامل نظافه وسايق هذي الي موجوده خلاصة الموضوع لاحد يصدق هياط وزارة الخراط والنصب ترا ماعندهم سالفه


على العموم انا طولت عليكم لاكن حبيت افضفض ومالي الا المنتدى اعبر فيه عن شعوري

اولا شي لا تسترجي منهم خير والله ماقد رحت وقلي في وظائف

وانا ماقهرني غير الاسم مكتب العمل والعمال

المفروض يسمونه مكتب استقدام واستخراج تاشيرات وانهاء أجراءات العمالة

الله لا يبارك في القصيبي واعوانة

صدقت يا الحربي على وش فاتحين قسم توظيف وهو في الاساس مايوظف الا ربعهم واقاربهم !

صدقت اخي ماهر
اتمنى لك التوفيق اخي يتيم
تحياتي

سبحان الله القصيبي بالذات ماني مرتاحتله هذا المفروض يخلونه وزير الشعر والشعراء بدل وزير العمل والعمال
الله يوفقنا جميعا

لا حياة لمن تنادي معا شاعر الغفله يافاتنه

ترى مكتب العمل والعمال انا اسميه مكتب العطالة .....

ماعندهم الا الدجة والله للاسف اننا في عصر عبدالله بن عبدالعزيز ويحدث كل هذه . .

اخ ياملك القلوب وينك عن الي يصير ..

آآآآآآخ بس

بالعربي بلدك فضل الاجنبي عليك وش ترتجي منه يعني بيوظفك مدير ولاسكرتير؟؟
وش اللي خلاني اجبر نفسي واتخرج من التقنية الطبية وفي الاخير يرمون ملفي وسط وجهي ماعندي ولاواسطه ولا ديوان اعطاني مكاني اللي شغال فيه هالاجنبي شفت محد بيوظفني رجعت لنفس شلتي زمان نبيع .... تعرفون دون مااقول كنت اقول مارضى وطني ابيع لها السم لاكن ماشفت من وطني غير انها فضلت الاجنبي علينا ظلم في ظلم الله يلعن دنيا ينهان وينظلم فيها صاحب حق