السلام عليكم
بصراحة القصيدة عاجبتني ومايحس فيها غير منهو عاش الموقف ..... !!!

وهي تشكي حالة مواطن سعودي لم يكن له خانة في القطاع الحكومي ولا حتى الخاص فكتبها وهو جالس بين خضاره
وأترككم مع القصيدة


[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/3.gif" border="groove,3,silver" type=0 line=0 align=center use=sp num="0,black""]
ياقصيبي لو سمحت وباختصار=قول وش قدم نظام السعوده
عند مكتبكم طوابير انتظار=كل يوم اعدادها متزايده
لاتقول ان المهن تبغي اختبار=ويشترط خبره سنين محدده
ومن نجح يبقي عليه الاختبار=والوظيفه بعد عامين ابيده
البطاله في تزايد وانتظار=والمطالب والشروط معقده
حلها واضح ولايبقي قرار=ابعدوا عنا العماله الوافده
وانا بحكي قصتي لك با عتبار=الكلام اللي براسي باسرده
كنت قبل العام بايع للخضار=اشتري وابيع دون الفائده
المحل مترين والايجار نار=والبضاعه كل يوم فاسده
الطماطم خاس واعدم لي الخيار=والبصل والثوم بيعه منكده
والزبائن عند جاويد افتخار=جاري الهندي تجيه وتقصده
ما بقي غير المرايا بالجدار=والمكيف والخشب والمنضده
قلت افكر أشتغل تكسي مطار=نحمد الله المهن متعدده
وابتديت الشغل من بعد الفطار=وانتهيت الليل بعد الواحده
منتحل شخصيه الهندي كومار=الشنب محلوق والراس افرده
والسبب اني سعودي ابن الديار=حظي ماهو حظ هندي اسعده
ضايقونا من يمين ومن يسار=لعنبو شغل الشوارع محسده
الخصوصي يشتغل وضح النهار=لارقيب ولا مرور ايطارده
ولواصادف حرمه تحذفني بحجار=كنني أبليس فوق المقعده
وجمعت المال من بعد اللي صار=ويا حسافه يوم قمت اعدده
ما يكفيني مصاريف الصغار=والديون اللي بعقلي شارده
والفواتير والمعيشه والايجار=والعقل باقي قليل ونفقده
ويا قصيبي لو سمحت وبا ختصار=ابعدوا عنا العماله الوافده
[/POEM]

الف شكر لك اخي الضيم على هذه القصيده الرائعه

نتظر جديدك يالغالى

اخوك احب الغياب

الف شكر لك يا اخي الضيم
على القصيدة الرائعة والتي تجسد وتوصف حال الشاب السعودي العاطل
لكن مهما عملنا للدكتووووو الوزير القصيبي ماراح ينفع
واعتقد راح توفر عليه حلقات ابو شلاخ للسنة الحالية
ههههههههههههههههههههههه
والله يوفق الجميع...

لا يا اخي العزيز انا مو المخرج
بس هذه القصة ممكن الدكتوور القصيبي يجسدهاا
في سيناريووو ويكتب عنهااا قصة وتوفر عليه عناء الوقت والتفكير
ويدخلها في احدى الحلقات التي سوف تنتج لرمضان هذا العام
فهمتني يا اخي العزيز....

اخوي نشكرك على القصيدة الرائعة ودائما كعادتك مبدع