ابي منكم



نصيحه

او

اقتراح

او

افكار

او

راي

او

دراسه جدوى

لمشروع كوفي شوب






في وحده من الاخوات قد طلبته

ساعدوني انا ضيفه

المشروع أكثر من رائع اذا طبقتيه بصورة صحيحة لكن فقط كوفي شوب فهو اسمحيلي فاشل فكم وحدة راح تدخل الكوفي شوب قبل ما يشتهر ويكون له اسم لكن كم وحدة تدخل مشغل وتوه فاتح لازم تحطين معه شيء مساند مثل مطعم نسائي أو حضانة أو مشغل صغير أو اي نشاط نسائي والديكور ثم الديكور ثم الديكور لأن الكوفي شوب حق رواق وانا وغيري مراح ندفع 50 ريال عشان اروق في مكان نص كم ولازم توفرين كل شي من البداية وتكون جلساته مريحة مش فنتازية مزعجة ...................فيه الموضوع اشياء كثير لازم تاخذين باللك منها وهذا الي يحضرني الحين.

بالتوفيق لك ولي

الله يسعدك اسعدتني برايك

وفقك الله

بالعكس فكره رائعه ولكن انصحك تضيفين مع الكوفي شوب شي ثاني مثل يكون صالون نسائي

او او او او افكار كثيره بس يبيلها تفكير

دمتي بود

ساميه بفكري

اول شي في اي مدينه راح يكون هذا المشروع

لازم هذا المشروع يكون في مدينه تعلوا سماها االانفتاحيه

وكمان لازم يكون موقعه في وسط سوق نسائي وهذا الشي ظرورري جداً لنجاح المشروع

وكذالك التنويع في انواع القهوه ........ والاستايل في التقديم .... والانصراف ركزي عل الانصراف لان الاغلبيه يهتم في العميل بوقت الدخول ولا يهتم فيه عند الخروج

راح تقولين لي كيف وقت الخروج اقولك مثلا عميله طلبت قهوهـ وهيا خارجه تقولين لها اهلا وسهلا تشرفينا مره ثانيه واعطيها كرتك الشخصي مع ابتسامه غير (( مسطنعه ))

وكذالك لابد من اختيار الاجهزه والايدي العامله (( الماهره )) في اعداد القهوه العربيه والقهوه الشرقيه والغربيه

وكذالك لابد من اخذ اجيار المحل بعين الاعتبار .... فهوا بعد اختيار الموقع سبب رئيسي في خساره او رحب المشروع بنظري

وكماان الاسعار لازم تكون مناسبه لجميع طبقات المجتمع بقدر الامكان

ويا حبذا لو يكون في قسم اسمه (( v.i.p ))

ولو تقدري تضيفي شي غير اللى قبلك يكون افضل

هذا اللى يحظرني واذا تذكرت شي اضفته ان شاء الله

تحياتي لك
اخوك
فؤاد

مرحبا

انا قدمت بمشروع كوفي شوب على صندوق المئوية ورفضوا طلبي

المهم بقولك فكرتي

انا قلت عشان انجح لازم ينباع 50 كوب كوفي في اليوم (الصنف من 7 الى 10 ريال)

طبعا مو شرط كوب كوفي المهم خمسين شي ينباع <<شئ ههههه

يعني حطي ببالك اصناف القهوه الي تقدمينها مع اصناف الكيك مع سندوتشات وكذا

هو الصح تجيبين معدة قهوه (باريستا) متخصصه بس كانت فكرتي اجيب وحده مهنتها طبخ عشان تعد كل شئ

بالنسبه للكوفي اساسا الكوفي شوبات الي الحين كلهم يستخدمون خلطات قهوه
والاله تسوي كل شئ (بحدود 14000) بسهوله تتعلم عليها العامله
المكان هو المهم
يكون بمجمع تجاري مناسب يعني مو مستقل عشان مايفشل الا اذا كان المشروع ضخم يعني مو نفس وضعي ههه

حطي خدمة ويرليس لانك لو بتحطين مركز انترنت متكامل بتتضاعف عليكي راس مال المشروع (المساحة الاجهزة الديكور ..التراخيص ..الخ)
اتمنى اكون افدتك

أختي

ممكن تفتحيه في سوق تجاري وتلحقي فيه غرفة للأطفال

إن شاء الله اليوم ارفق لك صورة من جريدة لكوفي شوب في المدينه تم تمويله من صندوق المئوية وهو في سوق

بس إن شاء الله ما أنسى

هلاوغلا يالعزيزة ..
بصراحه انا على بدايه افتتاح كوفي شوب نسائي تم تمويله من قبل المئويه انا مو صاحبه المشروع ولا دراسه الجدوى بالبدايه ,,, لكن بعد ماتمت الموافقه والتوقيع مع بنك التسليف حصلت ظروف تمنع صحابته من افتتاحه وتكملته
وحبيت آخذه لانها قريبتي المشروع لها بالاسم وانا طلبتها توقف معاي بالادارة لان صعب اتحمل مسئوليه وحدي ويد الله مع الجماعه...
صراحه فكرة جميله جداً
لكن بتعتمد على الموقع اولاً والاعلان والديكوووور وهذا الاهم ..
انا متخوفه من فشل المشروع لكن توكلت على رب العالمين ..
اللي حاليا موقفني هو الموقع المناسب وبعدها ان شاءالله كل شئ يتسهل ..
زي ماتفضلو البنات قبلي لازم العامله تكون مؤهلة والآلات تكون ذات جوده عاليه وكل اللي بتحتاجيها اشياء اساسيه بالبدايه واذا ربي فتح عليكي تقدري تتوسعي ويكون عندك خبرة اكثر بالمجال ..
واكتساب فن التعامل وتحمل الضغوط مهما كانت وتقبلها بصدر رحب ..
لاتنسي راح تتعاملي مع شرائح مختلفه من المجتمع ...
وغير كذا افكر افتح ركن صالون للاطفال وركن خاص فيهم علشان يكمل المشروع ..
وطبعا لازم يتوفر عندك خط دي اس ال
اممممممممممم اذا افتكرت شئ من افكاري رجعت ولاتخافي ان شاءالله نوقف مع بعض ويمكن الله يجمع بيننا بعمل
أهم شئ اتوكلي على الله واستخيري ودعواتي لكِ بالتوفيق يااااااااااااااااارب ..

وأي اقتراح حابين تضيفوه ليا انا اتمنى لان دعمكم وتشجيعكم هو اللي بيقويني على مواجه التحدي ..

الله يسلم قلوبكم جميعا ..
سووووووووووووووري عالاطالة ..
ارق التحايا ..

بالتوفيــق ..
مشروع كوفـــي نسائي ..بيكوون ناجح 100%