أنا متخرج ماجستيرعلوم حاسبات وأنا الان موظف في الخطوط السعودية من حاولي 6 شهور
أكتشفت بعد توظيفي بشهر أن مسؤول التوظيف وأسمه أديب تلمساني لا بارك الله فيه عشان ما عندي واسطة وغشيم وظفني على درجة أقل من درجتي ولم كلمته هددني بالفصل ولم كلمت واشتكيت ناس عليه كان يتصل على تليفوني ويهددني ويقولي ما أحد يقدر يساعدك على الرغم أنه كل زملاء أخذوا حقهم كامل. وأكتشفت بعد حوالي 5 شهور أنه أتفق مع حقين الخدمات الأرضية ما يسجلوا لي شهادة الماجستير على الرغم أني مقدم بالشهادة.
الله يخليكم ويرزقكم بدون حساب ساعدوني على أخذ حقي.
وشكرا

والله وانا اختك مافي يدي شي لكن اكتب معروض وادخل على الامير نايف عاد الله يعينك تربع عند قصره وصدقني ماراح يقصر وشوف الاخوان والاخوات ممكن يفيدونك بشئ والله يوفقك لما يحبه ويرضاه انت وسائر المسلمين

نصيحه لك اتصل على رقم البرقيات الي هو 969 وبيرد عليك موظف الاتصالات واطلب برقية لمقام سمو الامير سلطان بن عبدالعزيز الله يعطيه العافيه ويرده لنا معافا مشافا بحكم علاقته القوية بالشركه او بمعنى ادق ان له ملكية كبيرة بالشركة واحفظ رقم البرقية وخلها يوجهها لمكتب الامير سلطان وتكون برقية مستعجلة طبعا اتصل من جوال باسمك عشان يسويها الموظف وقيمة البرقية تقريبا 40 ريال....صدقني بتلقة ضالتك بشوووووري لك ...واذا ظبط ابي دعوة بظهر الغيب لي.....

اقول وش رايك نحشره بزاوية المكتب نفقع وجهه الين ما يعض الارض وش رايك اذا تبي ابشر ........ولا مالك الا الامير نايف <<<< انا اشهد انه خرش

انشاء الله تاخذ حقك وزود بس اذا صرت اعلى منه مرتبه لا تنسانا بالوظايف اول واحد توظفه هو انا اوووووووووك

أخوي ..

راح اصعبها في وجهك شوي ..

ولكن بالجهة الثانية راح اسهلها لك ..


المسؤول اللي وظفك بـ البكالوريوس .. أجراءه نظامي والغلطة منك .. لأنك ما ركزت وأنت توقع العقد مع الشركة ..
لأن المفترض تكون فيه معلومات شخصية .. ويذكر فيها المؤهل ..
وفيها مستوى وظيفي يدل على المؤهل .. او تلميح له ..



الأمر الآخر ..
بحالتك ما لك الا حل واحد ..
مدير عام الخطوط السعودية ( الملحم ) شخص يعرفه الكثير ايام كان بالأتصالات ..
لا يرضى بالغلط مهما حدث ..
راسله على بريدة الألكتروني ..
واشرح له الوضع .. وهو سوف يحلها لك ..

هذه النصيحه يقدمها لك زميل لي الآن هو بقربي حدثت له نفس حادثتك قبل 10 سنوات مع شركة الأتصالات السعودية ..
ولكن عندما راسل الملحم وجد أن الأمور تحسنت كثيراً ..
صحيح ليس بالمستوى المطلوب ولكن افضل من المستوى السابق ..


تقبل مروري ..

دمت بود

حسبي الله ونعم الوكيل

تبي الحل بس رح له بكره في الدوام ولا تشتكي ولا تستضعف عشانه

واربط شماغه على رقبته ولا تخلي سيب في الخطوط ما تمسح خشته فيه

وقله علي الحرام لو ما تسجل شهادتي لأسجلك في عداد الأموات لعام 2009

وامحطه بالجدار ورح وشوووف النتيجه....اذا ما رفعك اعلى منه ...

ولا ارسل برقيه من البريد الممتاز معروض اشرح فيه حالتك إلى ابو متعب ولا الامير نااايف <<كحيلان وهم بأذن الله ينصفونك.


وأذا تبي فزعه تراني جاهز وفي اي وقت عندي العيال عطالا ويدورون شي يسليهم ...

شكرا لكم جميعا يا أخواني وأخواتي. والله ما قصرتوا. وأنتم كفو والله. وهذا الوسخ إلا ما يمشي إلا أصحاب الواسطات. أخوه معه ثانوية موظفوه زي حق البكالوريوس.

لا حول ولاقوة إلا بالله.

الله يوفقك وينصرك يارب

السلام عليكم ورحمة الله وبركاته جميعا
أنا رحت لمكتب المدير العام وقدمت له خطاب وأخذت رقم له. المهم نزل الخطاب من عند المدير العام عند الشخص الي تحته واستمر في النزول حتى وصل للشخص أساس المشكلة
***** / أديب تلمساني
حيث لم يبالي في الخطاب و قال لي بسخرية "لقد تصديت لهذه الضربة من المدير العام, فأخبرني من أين ستأتي الضربة القادمة كي أتصدى لها, هل من الأمير سلطان أو من الملك عبدالله".
قلت له وأنا في حالة من الانهيار "أنه لا توجد ضربة قادمة" فلقد قطعت الأمل في أخذ حقي.
وقد أحببت أن أشكر كل من قرأ مشكلتي ورغب في تقديم حل لها.
شـكرا لكم جميعا وبارك الله فيكم ... لك مني أجمل تحية .