إستفسار حول نظام التعاقد في وزارة التربية

ساهر الليالي · #1 (**permalink**) 22-10-2009, 02:51 AM

السلام عليكم ورحمة الله وبركاته

جتني رسالة من وزارة التربية والتعليم مفادها تم ترشيحي بنظام التعاقد فياليت أحد عندة فكرة عن هذا االتعاقد أقصد الراتب وهل تابع للتامينات الإجتماعية أو فقط عقد بين الوزارة والمعلم وطبيعة عملي هل نفس المعلم الرسمي في عدد الحصص أو قل

فياليت أحد عندة فكرة لا يبخل علينا.
شـكرا لك وبارك الله فيك ... لك مني أجمل تحية .

شيريهان · #2 (**permalink**) 22-10-2009, 02:57 AM

انا بقولك بخصوص تعاقد النساء انا كلموني وقالو لي وظيفة تعاقد والمكان والساعه 44 ريال واكون بديله يعني ما ينحسب لك اجازات او خميس وجمعه ولازم تكلم مكتب التوجيه او ادارة التعليم تبع المنطقه اللي رشحوك فيها

جناا · #3 (**permalink**) 22-10-2009, 03:43 AM

مبروووووك عليك التعاقد والراتب 6300 مدام جاك التعاقد عن طريق وزارة التربيه والتعليم انصحك لاتتركه لان انشاء الله بعده ترسيم

صديقتي كانت متعاقده عن طريق الوزارة وبنصف العام الدراسي اترسمت

موفق اخوي

القاموس · #4 (**permalink**) 22-10-2009, 04:21 AM

السلام عليكم ورحمة الله وبركاتة

نصيحه روحي على الوظيفة وان شاء الله مع بداية السنة الجديدة تتثبتين

ساهر الليالي · #5 (**permalink**) 22-10-2009, 02:42 PM

شاكر الجميع على المرور

لكن انا الحين محتار انا موظف على شركة براتب فوق 7000وعندي خدمة على التأمينات سنتين تقريبا والحين محتار علما التخصص ترجمة لغة إنجليزية والحين جتني الوظيفة اللي بنظام الساعات وش تشورون على

واللة محتاااااااااااااااااار

نبض جدة · #6 (**permalink**) 22-10-2009, 03:09 PM

يا أخت شريهان انتي تابعة لأي مركز
انا طلع اسمي من ضمن المتعاقدات في جدة وطابقت بياناتي والى الآن لا حس ولا خبر********>الظاهر انهم هونوا

خلف الكواليس · #7 (**permalink**) 22-10-2009, 04:06 PM

ساهر ما شاء الله راتبك زين وفيه تأمينات

يعني لا تروح نظام التعاقد الحين لانه راتب مقطوع ومافيه تأمينات مدام متوظف وظيفة زينة خلاص

إنتظر لين تتعين رسمي هذيك الساعه روح وأترك وظيفتك

أما الحين ممكن يتعاقدون معاك واخر السنة يقولون خلاص مافي شيء مضمون

يعني ما يروح للتعاقد إلا اللي عاطل ولا مدرس في أهلية وراتب تعبان عشان كذا

عاطله فقط · #8 (**permalink**) 22-10-2009, 05:48 PM

ساهر لا تروح خليك في وظيفتك التعاقد مو مضمون يعني ترم وخلاص

الم الكلام · #9 (**permalink**) 22-10-2009, 05:52 PM

مثل ماقالو لك التعاقد مو مضمون

انا تعاقدت مرتين

مره نص ترم

ومره ثلاث شهور

وبعدين يستغنو عنك

لاتترك وظيفتك الا اذا ترسمت

Ammoolahh · #10 (**permalink**) 22-10-2009, 06:01 PM

اقتباس:

المشاركة الأصلية كتبت بواسطة جناا

مبروووووك عليك التعاقد والراتب 6300 مدام جاك التعاقد عن طريق وزارة التربيه والتعليم انصحك لاتتركه لان انشاء الله بعده ترسيم

صديقتي كانت متعاقده عن طريق الوزارة وبنصف العام الدراسي اترسمت

موفق اخوي

الاخت جنا استفسار الله يجزاك خير
صديقتك تعاقدت كبديلة تقصدين ؟؟ ولا تعاقد ايش؟؟ لاني حسب على ماسمعت البديلة مؤقتة ولا لها ترسيم للاسف
ياليت تفيدينا

بالنسبة لصاحب الموضوع الخيرة وبسسسسس استخير ولو اني اشوف وظيفتك ماتفرط فيها عشان الساعات هذا مؤقت
انا نفس حالتك كنت اشتغل بقطاع خاص وراتبي حلو ومبسوطة ودقو علينا التعافد بالساعة ورحت لهم ووقعت معاهم مو عشان شي عشان بس ارضي اهلي وزوجي لان وظيفتي الاولى كانت اختلاط نوعا ما
وهذا انا فرطت بوظيفتي الي مرتاحة فيها والله العالم اش بيصير فينا الحين مع هذه العقود الحين
<< فيني صيحة وربي
الله المستعان بس

إستفسار حول نظام التعاقد في وزارة التربية

إستفسارات ونتائج وظائف القطاع الخاص

السلام عليكم ورحمة الله وبركاته جتني رسالة من وزارة التربية والتعليم مفادها تم ترشيحي بنظام التعاقد فياليت أحد عندة فكرة عن هذا االتعاقد أقصد الراتب...

إستفسار حول نظام التعاقد في وزارة التربية

تسجيل الدخول

إستفسار حول نظام التعاقد في وزارة التربية

إستفسارات ونتائج وظائف القطاع الخاص

السلام عليكم ورحمة الله وبركاته جتني رسالة من وزارة التربية والتعليم مفادها تم ترشيحي بنظام التعاقد فياليت أحد عندة فكرة عن هذا االتعاقد أقصد الراتب...

إستفسار حول نظام التعاقد في وزارة التربية