السلام عليكم ورحمة الله وبركاته
ترى وربي كارهه الحياه
أعطيكم سيرتي الذاتيه
بكالوريوس تربوي بتقدير عام جيد خريجات عام 1423_1424
خبره في تدريس الرياضيات والحاسب الآلي (الأداء الوظيفي أثناء العمل ممتاز)
مدة الخبره تقريبا سنتين وسبعة أشهر منها سنه وسبعه أشهر بمدرسه أهليه (يعني مكروفه كرف)
الدورات
دورة معارف (مضى عليها أكثر من خمس سنوات حسب شروط الخدمه المدنيه ماعاد لها أي أهميه ومالقيت أحد يقبل يجددها)طبعا أخذتها قبل أخذ وثيقتي أيضا وش أسوي بعمري مجتهده من كنت بالمهد وبالأخير يقولون تاريخها يسبق الشهاده ومنتهيه بعد
دبلوم حسب تطبيقي(أيضا مضى عليه أكثر من خمس سنوات وماعاد له أي أهميه وبالقوه جدتتها برسوم إضافيه ألف ريال )
دورة اداره تربويه(برضوا يقولون ماتفيدك بمجال االتدريس لأن الدورات المحسوبه فقط انجليزي او حاسب)
دورة مهارات التفكير(يقولون ماتنفع لأنها 3 أيام فقط)طيب وين أروح من وين أجيب بمنطقتنا دوره مهارات تفكير سنه وأكثر أنقر خشب يعني وأطلعها
ترتيبي في التعين على منطقتي كان رقم 1 وبعد الإنتظار تراجع ترتيبي
يعني أنا بفهم بس وين أروح
ويطالبوني باثبات اقامه في المناطق المحتاجه ********>صايره ميد ان فلبين لازم اقامه
من وين أجيب إقامه


والمصيبه والأدهى والأمر تفجأت بأني المنطقه الي أنا فيها وقدمت عليها اوراقي وإلي قالوا ماعندهم احتياج وكان رقمي عندهم 1 معينين بنات وهذا الأسبوع خلصوا اجرااتهم كيف تعينوا ومافي احتياج

حسبي الله فيكم ياوزارة الخدعه المدنيه
الله لايبارك فيمن قطع أرزاقنا


(أحتاج دعوه صادقه منكم بالوظيفه والزوج الصالح)

الله يرزقك باللي تتمنينه

بس ليه مايكون فيه مجال ثاني تتجهين له غير الوظيفه
انا شايف ان الفرص هالايام غير اول محدوده

دام عندك خبره شوفي اي جهه تمول لك مشروع تتقنينه
انا اشوف كذا افضل لك

ماشاء الله عليك يعني مهيأه للعمل مو شرط تعليمي
اصلا من متى نرجي من الخدمة او على قولك الخدعه ههههه عجبتني
نرجي منها خير كلها تعقيد فتعقيد واذا صارت فنفس منطقتنا وصار احتياج تشتغل الواسطات حسبي الله عليهم
عموما ياقلبي دوري في مجال ثاني غير التعليم الشركات المؤسسات اللي فيها اقسام نسائية
وكمان البنوك خاصة تخصصك حلو رياضيات ومعاه حاسب دائما مطلوب فالبنوك
انتي قدمي بأستمرار وتوكلي على ربك أنه اذا كاتب لك رزق بيجيك مهما صار
او حاولي عن طريق النت كتابة بحوث او اعمال تخص الحاسب حسب المجال اللي تبدعي فيه

الله يرزقك الوظيفة اللي تتمنيها وتجيك بدون شقى وتعب
ويسخر لك الزوج الصالح اللي يسعدك

قولي آآآآآآآمين

الله يفرجها عليك ويفتح لك ابواب الخير
ويرزقك الوظيفه إللي تتمنين والزوج الصالح الطيب

وين أي مجال ثاني
البنوك أحس إن فيه مكالمات للرجال والعملاء وانا مابي هالشيء
وينها المجالات الثانيه؟؟؟؟

ماشاء الله تبارك الله عليك

الله يرزقك بالوظيفه المناسبه ياااااااااااااااارب ويسعد قلبك ياااااااااااارب يااااارب بدعيك بكل صلواتي ان شاء الله

المدارس الأهليه أقسم بالله مافيها غير الإهانه حتى الطالبات صاروا يقولون احمدوا ربي رواتبكم من عندنا وتطاول وقلة حيا وفوق هذا الراتب مايجي كامل غير الضغط وقلة الأدب والمؤسسات النسائيه ماعندنا شي حدنا كوفيرات بمنطقتنا هذا الي ناقص

أي مجال ثاني
البنوك أحس إن فيه مكالمات للرجال والعملاء وانا مابي هالشيء
وينها المجالات الثانيه؟؟؟؟ كفوووووووووو والله ليت كل الناس مثلك انا اشهد انك غير الناس