أنا قدمت على وظيفة محضر مختبر وجندي فني على الجوازات اوكي

بعدين وزارة التربية والتعليم اخذو اوراقي طبق الاصل الشهادات والجوازات اخذوها


الجوازات يبي يعلنون الاسماء يوم الخميس 7-5 الي بعد الجاي


والتعليم يمكن بنهاية شهر 6 يعلنون


نظري ناقص شوي هل يمديني اسوي عملية تشطيب ليزر؟


وكم تكلفتها ؟


واذا سويتها وقبلوني التعليم محضر مختبر وين اختار التعليم او الجوازات


وين افضل؟ من جميع النواحي ؟


فيه وظيفة اختبرت عليها مشغل اجهزة حاسب هل نزلت نتايجها ؟؟

الله يوفقك اخوي كل التوفيق ويسهل دربك

بس انا احس انه ماله داعي تسوي التشطيب لانه اول شي تكلفته عاليه يعني اتوقع اقل شي 5 الاف ثاني شي ماشاء الله انت عندك البديل يعني لو بيقبلونك فبيكون من توفيق الله وحده حتى لو نظرك ناقص واذا ماقبلت ففي فرص ثانيه

لكن مسألة التعليم او الجوازات والله مالي اي علم فيها

اتمنى اني افدتك لو بالقليل
دعواتي لك اخوي

السلام عليكم
في البدايه التشطيب الي هو الليزك نفسه صح؟
طبعا الليزك اذا كان نظرك في نزول يعني مو نقص وخلاص ثبت على نفس المستوى مايسوونها لك فاذا كان نظرك مو ثابت احذف هالخيار من بالك
ثانيا اسعار العمليه تختلف من مستشفى لثاني بس تريبا في حدود ال5 الاف ومو على طول يسوونها لك تسوي فحوصات وتحاليل وخرابيط المستشفيات الاهليه يعني ممكن تاخذ منك وقت زطبعا العمليه ما تطول في المستشفى بعدها بس لما تطلع فيه تعليمات لازم تلتزم فيها واحد من هالاشياء انك لازم تكون لفتره تلبس نظاره شمسيه والافضل انك ما تتعرض للشمس ابد وطبعا هذا راح ياخذ منك وقت بعد

فممكن تدخل نفسك في متاعب في وقت مو مناسب

انا للاسف ماعندي اي خلفيه عن الوظايف الي ذكرتها فوق بس بوجهة نظري المتواضعه انه اي وظيفه تجيك لاتتركها عشان وظيفه ثانيه (احتمال )انها تجيك وموب اكيد (عصفور في اليد خير من 10 عالشجرة)

انت في البدايه استخير وبعدين اي وظيفه يقبلونك قبول نهائي روحلهم لاتتردد واستمر في التقديم والبحث عالافضل وبمجرد ما تلقى الافضل ويقبلونك قبول نهائي و (اكيييييييييييييييييد) استقيل من وظيفتك وروح للثانيه

وبالتوفيق يارب للجميع

اخوي عاطل عملية اليزك تراها ماهي خذني جيتك يبيلها الصبردانة الدنيا ماقصر كفى ووفى

بس انتا اخوي اذا انقبلة في الجوازات كمل معاهم وذا طلعت اسامي محضرين المختبر اسحب عليهم

وبالنسبه لي انا افضل المحضر تبي تقول ليه

اول شي تعطل مع الطلاب
ثاني شي المستوى الثاني راتبه 5200 ريال طبعاً مع مرور الوقت راح تترقاوراح يزيد الراتب

فيه اثنين من الشباب اعرفهم مصرقعين شغالين بالجوازات
بقسم الترحيل ماحولك احد استلام 24 ساعه وتسليم 48 ساعه وتراهم يمدحون البليستيشن
وشف اخوي اذا دخلة الجوازات وتعرفلك راس كبير هناك اضبطه ترى يمكن اذا تخرجة من الدوره جدعوك ع الحدود ......... والله يعينك


وتقبل مروري

ابشر اخوي
انا اقصد انه لو مثلا اول مره قست نظرك وكان 5على 6وبعد فتره قسته مره ثانيه وطلع 4على 6 وهكذا يعني نظرك مو ثابت كل فتره وفتره ينقص شوي في هذي الحاله ماتنفعلك العمليه .
العمليه تنفع للي نظرهم نقص وخلاص ثبت على نفس الدرجه ما استمر ينقص اتمنى اني قدرت اوصلك المعلومه وعلى العموم انت لما تروح المستشفى راح يشرحونلك كل شي بالتفصيل الممل

بالتوفيق انشاء الله