السلام عليكم ورحمة الله وبركاته
اخوتي في الله انا اريد ان ادرس اللغة الانجليزية في بريطانيا لمدة ثلاثة شهور .
ايش احسن معهد وكم الفلوس والتذاكر والسكن والوجبات والتاشيرة معلش على الكلافة بس ابي اعرف كل شئ عشان احسبها ماديا .
وفقكم الله .. وشكرا

اي والله تكفون نبي معلومات كامله ,, ننتظر ردود الاخوان ..؟

بسم الله الرحمن الرحيم



تاشيرة بريطانيا ...

اذا ثلاث شهور فقط .. ممكن تصدر فيزا طالب زائر ..

اظن ان قيمتها 940 ريال + 5 ريال لارسال لك SMS بان فيزتك انتهت وتاخذها .. او اظن اقل ماني متاكدة .. التذكرة اظن حوالي 1500 ..
ممكن تتصل على مكتب استخراج التاشيرات البريطانية ..

متطلبات الفيزا:

* جواز سفر ساري المفعول
* صور 4x6 مكشوف الراس والخلفية بيضا
* القبول وخطاب الفيزا لتر من المعهد البريطاني
* ضمان مالي .. وهو على حالتين :

- اذا كنت مبتعث ..
جهة ابتعاثك راح تعطيك خطاب ضمان مالي موجه للسفارة

- اذا كنت على حسابك الخاص ..
تجيب شهادة بنكية يكون فيه اسمك والمبلغ الموجود بالحساب + كشف حساب الثلاث الشهور الاخيرة ..
وطبعا بالانجليزي مهم جدا ..
واذا كان الحساب مو باسمك تجيب خطاب منه انه هو اللي يكفل مصاريفك ..



السكن في بريطانيا ...

بريطانيا بصفة عامة غالية جدا .. لكن كل ما اخترت مدينة بعيدة عن لندن انخفضت الاسعار ..

السكن يختلف اسعاره حسب المدينة وحسب نوعه كمان ..
بيت .. شقة .. استديو .. سكن جامعي .. سكن مع عائلة ..

السكن مع عائلة هو انسب لك وخاصة انك جاي فترة قصيرة .. للاسباب التالية :

* ارخص شي طبعا السكن مع العائلة تقريبا ممكن يكلف 450 باوند في الشهر يعني حوالي 2790 ريال .. وممكن اقل وممكن اكثر حسب المدينة ..

* الاسهل السكن مع عائلة لانه شامل الاكل والشرب وغسيل الملابس والانترنت والتلفزيون والكهربا .. وما يبقى عليك غير المواصلات ..

* وكمان هو الافضل السكن مع عائلة من ناحية التعليم .. لانك غصب عنك تمارس اللغة مع العائلة المضيفة ..



معاهد اللغة في بريطانيا ...

المعاهد كثيرة جدا جدا .. اعرف شخص يجيبلك قبول من معهد لغة مجانا

انت بس قوله انك على حسابك الخاص .. وميزانيتك .. المدة اللي راح تدرسها .. ومتى حاب تدرس .. واذا في معهد معين حاب تدرس او تخليه هو يختار لك .. واذا عندك مدينة معينة او هو يختارلك ..

في الغالب راح يعطيك لستة معاهد ومواقعهم بالانترنت .. لو عندك لغة ممكن تتصفح موقعهم .. وممكن تسال عن المعهد اذا هو جيد او لا ..


لو حاب ممكن اعطيك ايميله عالخاص ..



اي استفسار عن بريطانيا .. نحن في الخدمة ..

بالله لو ما عليك امر اعطيني ايميله على الخاص
وشكرا

rose -is - here انا عاجز عن الشكر لمعلومات التي ذكرتيها في ردك واتمنى انك ترسلي ايميله على الخاص حتى اتواصل معه .
مرة ثانية الف الف شكر لك ووفقك الله لما يحبه ويرضاه .

ذيب جهينة .. تم الارسال ...

القطار .. الشكر لله .. لا ارجو سوى الدعاء فقط ..

تم الارسال ...

^^انا بعد عطني ايميله ع الخاص لاهنت

الطالب "الذي" كويس ... تم ارسال الايميل "الذي" طلبت ...

بالتوفيق لكم ...
وانا بعد عطيني ايميله