26-10-2009, 02:21 PM
|
عضو متواصل
|
|
تاريخ التسجيل: Oct 2009
المشاركات: 40
معدل تقييم المستوى: 31
|
|
|
فكرة تسويق التمور بإذن الله مربحه وسهله
بسم الله الرحمن الرحيم
اخواني الاعضاء لا اريد الإطاله عليكم
للمعلوميه انا اشتغل في هالشغله من فتره وفيها خير وجهد بسيط
اعرض لكم فكرة تسويق التمور بعد شراء كميات بالكرتون او بالجمله
وهي التمور المغلفه بالبلاستيك المعروفه في السوبر ماركتات اللتي تباع بقيمه من 15__ الى 30 ريال للكيلو الواحد حسب نوع التمور وجودتها
وسبب اختياري لفكرة التمور هي لزيادة الطلب عليها في مجتمعاتنا ولأنها لا تفسد سريعا ومدة صلاحيتها تصل لأكثر من سنه يعني ماعندك مشكله لو تخزنت عندك لفتره ولأن فيها بإذن الله بركه لأنها اساسا نبته مباركه
الفكره هي ان تشتري كرتون( او اكثر) بسعر الجمله وتقوم بتسويقه في المحلات القريبه منك .. يعني تروح لراعي أي بقاله أو سوبر ماركت وتقوله بحط عندك تمر من عندي سوقه وخذ مكسبك وهات حقي طبعا تحسب عليه الكيلو (اللي هو الحبه المغلفه بالبلاستيك) تحسبها بـ 10 ريال مثلا وهو يبيعها باللي يبيعها اهم شي انت مكسبك تحسبه زين وتاخذه وهو ياخذ مكسبه الخاص
وعلى فكره دائما مكسبه بيكون اكبر من مكسبك لانه راعي قطاعي وعنده وانت مو تعبان عليها بس توديها له المحل
طبعا مو شرط محل واحد اذا صار عندك كميات كبيره روح وزع في الحي حقكم كله والحي اللي جنبه والمحلات اللي تحس عليها إقبال كبير
هناك مشكله قد تواجهها في المحلات الكبيره زي بنده او غيرها,,, يقولون لك ما نإخذ الا من شركه عندها فواتير وما شابه .. اذا صار لك هالشي اتركهم وشوف غيرهم اللي يستقبلون هم اكثر من من يرفض
إضافه لإمكانية تسويقها عن طريق الأهل والأقارب والأصدقاء بأسعار أقل من سعر السوق . واذا جربو الناس اللي حولك التمر اللي عندك واعجبو فيه ,, اكيد ماراح يطلبو غيرك ولا راح ينقطعون منه
ايضا البيع عند الجوامع الكبيره بعد صلاة الجمعه فكره رااائعه واكيد بتبيع بعد كل صلاه 10 حبات على الأقل بإذن الله
ومن اراد الكميات من ( خلاص الأحساء) نوعيه ممتازه وانتاج جديد يراسلني سواء فرد او صاحب محل
سعر الكرتون اللي فيه 8 كيلو (ثمان حبات)63 ريال , , يعني تطلع لك الواحده بحوالي سبعه ريال
مكسبك لا يقل في الحبه عن ثلاث ريال في أرخص سعر تبيع به اللي هو 10 ريال علما انك تقدر تسأل عن الاسعار في المحلات اللي حولكم عن خلاص الاحساء وقريبا بوفر نوعيات أخرى مثل السكري وخلاص الخرج والشيشي على حسب الطلب
وللمعلوميه انا اسكن في مدينة الدمام ومن اراد من خارج المنطقه الشرقيه فتكاليف الشحن ستضاف الى القيمه
مع تمنياتي لكم بالتوفيق
من أراد يراسلني على الخاص لانه يمنع كتابة أرقام الجوالات وكذلك الإيميلات
التعديل الأخير تم بواسطة زهرانكو ; 26-10-2009 الساعة 02:34 PM
|
العرض العادي
