29-10-2009, 05:43 PM
|
عضو نشيط
|
|
تاريخ التسجيل: Jan 2009
المشاركات: 119
معدل تقييم المستوى: 33
|
|
اقتباس:
المشاركة الأصلية كتبت بواسطة عبدالله البراهي
اخوي ماريو
انت من وين اخوي من نيبال
ياخوي انت سعودي ومن سكان الرياض ومتعافي الله يزيدك
مو كل شي تسئل عنه ابحث دور استفد من تجوالك تعرف تحرك
لا تعتمد على احد الا الله ونفسك بالبحث عن رزقك الشباب ماقصروا كل ادلى برايه باقي عليك انك تبحث
ياناس عمال يجي من بلد الى بلدنا مايعرف احد ولا له معين الا الله سنه وهو يعرف كل شي اكثر منا
معقوله هم يحصلون شغل واحنا مانحصل
اعذرني اخوي والله قسيت عليك بس والله شي يقهد ماتخبرون ماتعرفون
يااخي تحرك دور انت معروف التمر بسوق الخطاء والفاكهه مايبلها كم سوق عندكم بالرياض بكرة الخميس بعد صلاه الفجر رح للاسواق واسئل وقيم الاسعار وشوف وش الي يمشي راقب البيع والشراء اتعب اسبوع اسبوعين
بس اكيد بعدها راح يكون عندك فكرة شوي شوي باذن الله تيسر امورك
اعذرني والله من محبتي لك ولغيرك من الشباب
وراح تذكر كلامي هذا
|
بردت قلبي بردك ابو عابد 
لو أنه جنبي زنطته بيد وبقسته بالثانية <<<<< يمزح تراه خواف خخخخخخ
أحفظ الكلام الي بكتبه لك أحفظه زين
أنا سبق وأشتغلت في الخضره الورقيات فقط
أخذ الخضره من المزارع والي ينقصني أخذه من السوق(سوق العزيزية)
طبعاً الورقيات لازم تبيعها في نفس اليوم عشانها تخرب بس فيه حركه تخليها تطول شوي
تجيب لك فرشه ماتبيها والا بطانيه والا أي قماش تفرشه في الصندوق وتصف الخضره عليه
طبعاً تبلله بمويه قبل ماتصف عليه ولازم تنتبه للترتيب زين لأن الي مايعرف يصف تخرب خضرته
مثلاً النعناع والحبق هذي آخر شيء تصفها فوق الخضره عشانها تتحمل الشمس أكثر من الجرجير
والبقدونس , البصل الأخضر والفجل الكوري تحاول تحطه بعيد عن باقي الورقيات عشان الريحة
وعشان مايخرب طعم باقي الورقيات .........الخ
إذا خلصت صاف خضرتك جب لك خياش رز حطها فوق الخضره ورش عليها مويه شوي شوي
إذا رشيت كثير تخيس الخضره <<<<المقصد أنك تبرد على الخضره فقط
حط الخياش فوق وإن حصل فرشه والا شراع تحطها فوقها وغطها زين .
هذي نبذه عن الأسعار عاد ما أدري هي تغيرت عن أول
البقدونس 100بــــ 20الى25 ايام الصيف وفي رمضان والشتاء بــ40الى 60واحيان يطير
النعناع والكزبره تقريباً مثله
الملوخيه آه يالملوخيه هذي تجرت بسبتها هي والخس ههههههههه
100 بــ 50 االى 70
الجرجير والفجل 100 بــ 35 الى 50 في الشتاء يغلى
الخس 100 بــ120الى 150 الخس الكبير , أغلى شيء بس مكسبه أحلى شيء
بإختصار يعني ثلاث حبات تاخذها بريال تقريباً لأغلب الوقيات
مايبيعك الا من 10ومضاعفاتها 10 ,20 ,30,,,,,,,,
وأهم شيء في بيع الخضره الورقيات المكان المناسب والسكان المناسبين.
أذكر مره بعت في جامع في جنوب الرياض مافيه الا أنا قسم بالله ابيع قعدت فتره فيه
تخيل أجي قبل صلاة الجمعة بساعتين عشان الموقف الإستراتيجي
أحيان تخلص من عندي بعض الورقيات قبل مايخطب الخطيب تشوف الناس علي كنهم نمل
ماتدري من تحاسب من تخلي بعدها بكم جمعه جيت لنفس الجامع وأحصل يمنيين
بيعون حسبي الله عليهم كسروا سوقي خخخخخخ  .
طولت عليك بس كل هذا عشان الفائدة تعم والأعضاء كذالك يستفيدون
الله يرزقك قى آمين
|
العرض العادي
