16-05-2007, 05:36 AM
|
عضو جديد
|
|
تاريخ التسجيل: Dec 2006
المشاركات: 6
معدل تقييم المستوى: 0
|
|
|
آآآه يالقهر ،،، كل البنوك الربوية قبلتني براتب مغري ،،، ابي حل
للأسف جميع البنوك الربوية قبلتني براتب واماكن مغرية
للاسف ما اقدر اشتغل في هالبنوك لمسائل تتعلق بالحلال والحرام ،،، اضيف الى ذلك انا شاب من عائلة اغلب افرادها متديني ن فمن الخاطئ ان احل مشكلة بايجاد مشكلة اخرى
والله كل البنوك الربوية قدمت العروض بينما البنوك الاسلامية تدرون وش قالوا لي ؟؟
ياليتهم قالوا لي كش عليك ما نبيك
علقوني لي 10 شهور وما ردوا واذا سالت عنهم يقولون اصبر وانا عارف انهم يصرفوني
الجوع كافر يا جماعة
ما اقول الا انشالله ما اوصل لمرحلة من الجوع تجبرني على الرضى بالمال الحرام
للاسف اني جامعي وسعودي حصلت على الشهادة الجامعية من دولة عربية مجاورة مشهود لها بقوة التعليم وبتخصص نادر يختص بالبنوك وما القى وظيفة علما باني اجيد الانجليزية و التعامل مع الحاسب لكن للاسف ابو دبلوم في اي معهد يتوظف بالراحة وانا منلطع 
انا اسف على هالاسلوب بالكلام لكن والله من حر مافيني خلوني افضفض ،،، والله العظيم انه فيه سلاتيح كنت اعرفهم متوظفين في بنوك اسلامية في بعض الاماكن الجيدة احسنهم معه دبلوم معهد مصرفي وللاسف ان بعض الاشخاص اللي يستحقون تلك الوظائف يعاملون بهذي الطريقة
يا اخوان هل المشكلة بالبنوك الاسلامية ام المشكلة في من ؟
هل من المنطقي ان احصل على عروض من سامبا و ساب والرياض و الاستثمار بعد اقل من شهر من تقديمي عليهم بينما البنوك الاسلامية حتى الرفض لم يصلني منهم
انا حالتي صاير مثل الحرمة المعلقة لا مطلقة ولا متزوجة هذا اللي يقهر 10 شهور لاهم اللي قالوا اسفين ما نقدر ولا هم اللي قالوا اوكي .
تصدقون بالله جتني فرصة بعثة لدراسة الماجستير لكن انا رفضتها لانه جاني اتصال من احد البنوك الاسلامية وقال لي خلاص وظيفتك جاهزة وبنتصل عليك بعد اسبوع والى الان مر على ذلك الاسبوع 4 شهور وانا انتظر اتصاله . 
|
العرض الشجري
