[align=center]
بسم الله الرحمن الرحيم


السلام عليكم ورحمة الله وبركاته


شخباركم كلن بسمه


العلم يالربع انه انا واحدن يسّر الله لي أمر ما <~ قول قسم


فأحمد الله قبل كل شيء على تيسره لهذا الأمر وأسأل الله تعالى أن يتمم بخير ويبارك لي فيه


الأمر انه بووه شركة كبيرة بالهند صار بينا حتسي وكلام كبير وبما اني انشغلت خليت احد الأشخاص يسافر لهم مشان ياخذ العلم الأكيد منهم


طبعاً الشغلة ومافيها الشركة هذي تصنّع وتنتج مواد استهلاكيّة ومن كل بستان زهرة يعني تقريباً كل شي


مثل اللي تشوفونه بأسواق ابو ريالين وفي عندهم قسم للقرطاسية والأدوات المكتبية وشناط وتكرمون جزم وكل شي كل شي < المهم كل شي كل شي


واني ابصير استورد من عندهم واصير الوكيل والموزع بتاعهم هنا طبعاً قلت لهم يالربع السالفة فيها بضايع واستيراد وجمارك وانا دراهمي على قد لحافي <~ الأسلوب مايدل على وجه تاجر :o


لا والله ندخل في الجد


لما راح لهم الشخص اللي فوضته قالوا اهم شي يكون عندي مؤسسة ومستودع وسجل تجاري يعني اوراقي تكون رسميّة وهذا الشي متوفر بإذن الله وبالنسبة للدعم بعدين هم بيتكفلون فيه من سيارات توزيع وكل شي


والآن يبغوني اسافر شخصياً لهم عشان نضع النقاط على الحروف علماً بأنهم موفرين لي تذاكر وسكن وسيارة بسواقها تحت الخدمة 24 ساعة لمدة أسبوع وانا مواعدهم بعد شهر ونص بإذن الله


تعرفون الحين موسمنا ياحجاج بيت الله الحرام فما يمدي اترك الحملة وهذا الشرف العظيم عشان اهج للهند


فبصراحة اول مرة ادخل بهالمجال فأتمنى من الإخوان والأخوات اللي عندهم خبرة ومعرفة بهالأمور يفيدوني


جد وربي محتاجكم ابي أعرف كل شي وكل التفاصيل عن العقود وكل شي


فـ انصحوني قسسم بالله احتاجكم لا تخلون اخوكم يتورط :o


وجزاكم الله خيراً


[/align]

غير موعدك
ولا تتعامل معهم إلا على التصريف
كونها شركة وأنت موزع
وفقك الله

مثل ماقال اخي محمد على التصريف
يعني تبيع وتسدد لهم يمكن ماتمشي بضاعتهم وتتورط وتعرف الصين منافسة للهند
في مجال الكماليات وغيرها فأنت ادرس الموضوع جيدا من حيث الاسعار
اتمنى لك التوفيق
تحياتي

ماشاء الله تبارك الله......

والله يوفقك دنيا وآخره وهذا شي حلو وصدقني انت الربحان إن شاء الله لانك على حسب اتفاقك معهم بتقول انا

راح اكون وكيل لكم وهم عليهم كل شي هنا من تجهيزات وانت عليك الإشراف والمتابعه والاهتمام اول بأول ,,,

بس اهم شي عند كتابة العقد وابرام الإتفاقيه تأكد من شروطهم وش عليك ووش لك,

وهم الربحانين بعد شوف وش يبون >>>لما راح لهم الشخص اللي فوضته قالوا اهم شي يكون عندي مؤسسة ومستودع وسجل تجاري,

يعني هذا مبتغاهم وانت اكيد ماتشتغل لهم بلاش ,

الله الله لا تنساني شريك معك بالشغله هههههههههههههههههههه

امزح معاك بس اتمنى لك التوفيق, واعذرني على التقصير وهذا ما فهمته من الموضوع ..

بالنسبه لصيغة العقود في هذه الحاله قدامك خيارين ( إما اللجؤ لمحامي هنا بالرياض ويسوي لك صيغة عقد محترمة بحدود 2000 الى 4000 ريال -- أو اشطف الغرفة التجارية بالرياض وسير على قسم .. والله ما اذكر اسمه بالظبط ولكن زي ماتقول متخصص بالاستشارات للمشاريع الصغيره والمتوسطة واغلب خدماتهم مجانية وممكن يفيدونك في حالتك هذي ) .

ــ طبعاً لا تنسى تشيك على الشركة هذي وعن وضعها , وهذي ممكن عن طريق زيارة لسفارة الهند بالرياض ومر على القنصل التجاري وعطه اسم الشركة وقله انا بتعامل معهم (بدون ذكر تفاصيل طبعاً ) وابي اعرف وضع الشركة في الهند كيف , من باب التطمين النفسي لك .
ــ بالعقد ركز على نقطة مهمة جداً جداً جداً وهي : إنك وكيل موزع لهم على التصريف بدون إلتزامك بأي مبالغ للبضاعة المرسلة , يعني ( انا ابيع لكم بضاعتكم والي يمباع احولكم قيمته والي ما يمباع انا غير ملزوم بقيمته ولكن ملزوم بحفظ بضاعتكم ) وصلت ؟؟

نقطتين مهمه جداً جداً :
1/ لاتذكر اسم الشركة قدام ربعنا نهاااااااااااااائياً خصوصاً ( حقين الغرفة التجارية أو المحامي ) لأنهم بدقايق بتلقاهم بالهند عند الشركة اااااااااااااااانــتــــبــــــــه واقضب لسانك لا يفلت .
2/ ترا الأزمة الإقتصادية اللي مرت على العالم سببت كساد قوي جداً على المصنعين وهذي طريقة جديدة لتصريف منتجاتهم , فكن حذر ولا تلتزم بما لا طاقة لك فيه , وتكلم معهم من قوه وافرض شروطك ( المعقولة والمنطقية طبعاً ) لأنهم هم اللي بحاجتك ماهب انت .

وموفق بإذن الله وهذي فرصة لا تتكرر ولكن كن حذر ,,,