حيا الله اعضاء الواحه اهليـــــــــــــن باحلا اعضاء<<النمش

انا نزلت هذا الموضوع عشا نبي مواقف جميع الاعضاء (المحرجه+المضحك+المبكيه)

وانا اول واااااااااااااحد

انا عندي موقف بس تبون بمظله ولا بدون مظله

الموقف الي صارلي كل شي فيه محرج على مضحك على محزن على......الخ كوكتيل

المهـــــــــــــــــــــم:

يوم كنت بالمتوسطه ..كنت شيطان شووووي...


وانا من النوع الي يحب اللفلفه بالاسياب<<ضامن العطاله


ويوم من الايام عديت من عند سيب المدير والوكيل ولقيت مثل زر الكيبل خارج من الجدار..

افكر وش ذا ..ما كنت ادري انه سكين الكيبل حق المدرسه كلها..


وارفع السكين..واحس ان المدرسه طفيت المكيفات والانوار صارت هائده ..وانا قلت الحين هالمدير ولا الوكيل بيسدحوني في الارض..


ومن الذكاء رحت اطالع في غرفة الوكيل..والوكيل شكله كان على الشات مع بنت وخربت عليه....ولا كان على الماسنجر

طلع معصب..يقول ليه سويت كذا ..قلت بدون قصد الثوب نشب بالسكين وارتفع<<<كذبهمن جيبي

المهم مسكني من قفاي..


وجمع جميع طلاب المدرسه في الساحه...جايبهم يتشمتون علي

وراح جاب عصا اطول مني...

والطلاب تصفيق وتشجيع....عاد والاعداءفاكينها ضحك....

وفي واحد يصيح من بعيد يارشيد(اسمي الحقيق) لا تفك يدك خلك رجال...قلت مو فاكها بس خايف يقول فلكه في الرجل..

وارسل دافوووور يجيب العصاء..اهب يالدب يجري من قلبه يبيني انفرش

وجاء الوكيل بالعصاء.وانا والوكيل في الساحه قلبناها حرب النجوم


واسمع واحد يصيح من بعيد يقول :افاا يا رشيد كل يوم راجنا بخشرم الرعب وين الرعب الحين ولا نخيت يازلابه...


وانواع الاحراج...كل ما اخذ ضربه ..اسمع الطلاب بكاء ولا باقي وانا اتحمل اقول والله الددمعه ما تنزل
والطلاب صياح الي يقول كف لا كف لا ..واحد من الجهه الثانيه يقول بكره بيجيب ابوه الشايب
والثالث والرابع ....الخ

انا جسمي قاعد ينغسل من الوكيل وعقلي ينغسل من الطلاب
والوكيل ما عرفتله مره يضرب بالعصاء ومره ينقلب ملاكم علي ...

والطلاب قاعدين يراهنون من يفوز رشيد ولا الوكيل...حسيت اني ثعبان والوكيل ابن عرس يراهنون علينا مثل حلبة المصارعه للحيوانات بالهند


وانتهت المصارعه الحره العالميه بفوز جون سينا (الوكيل) على ماسترو(رشيد)

والوكيل قاعد يوزع ابتسامات للطلاب...مثل الي يقول ترا لعنت خيره

طلعت من الساحه بعكاز رايح على البيت....


وتعرفون كتب لي تعهد...وانا احسبه اعطاني شهادة شكر وتقدير ...كل ما شفت احد وريته الشهاده...


وفي الاخير قاعد اسبوعين افكر وش اسووووي بالوكيل عشان اخذ حقي منه:

مره اقول بجيب له عيال واتوطا على فمه عند البيت ..ومره اقول باخطف

بنته<<<اخس يالصومالي سفينه مو بنت هذي

وفي الاخير قررت:

7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
انسم كفرات سيارته <<<هذا الي فالح فيه الشعب السعودي



+++++++++++++++++++++++++++++++++++++++++++

في الحقيقه صارلي مواقف كثير جدا واخس من كذا لكن ما اذكرها



واتمنا من الاعضاء كتابة مواقفهم هنــــــــــــــــا