زهير فايز و شركاؤه للاستشارات الهندسيه
مكتب هندسي معروف وتطور على حساب ارامكو

الوظائف فيه للجنسين يعني مختلط
حابه اعرف أي معلومه عن الرواتب و المميزات
وهل فيه راحه نفسيه في العمل في الشركه هذي
يعني هل فيه تقدير للموظفين والموظفات
او مكافئات أو حوافز تشجيعية

وكم تصل مرتبات و بدلات الموظفين؟
وهل المدراء والرؤساء معاملتهم حلوه مع الموظفين

مين عنده أي معلومه
حابه أعرف كل شء عن الشركه
لان احتمال اقبل كموظفه هناك ..
بليز ساعدوني :o

أهلين r79a

ماأدري إذا كنت ولد أو بنت .. لكن أقدر أفيدك ببعض المعلومات بكون أخوي موظف فيها ..

زهير فايز شركه متعاقده مع ارامكو وأنت عارف هذا الشيء ..

ونظامها مثل جميع شركات الكونتراكت نفس الدوام مع بريك غداء ..

طبعاً الدوام الفتره الصباحيه من 7 الى 12 ظهراً .. ومساء 1 إلى 6 مساء ..

إجازه يوم الجمعه فقط .. وأحياناً الخميس والجمعه ..

بالنسبه للرواتب تختلف الجامعي مثلاً يبدأ من 4800 ويزيد طبعاً ..

وفيه اوفر تايم متى ما بغيت وفي أي يوم ما عدا الجمعه ..

بخصوص الإختلاط ما فيه أي إختلاط في الأقسام العاديه ..

لكنها توجد في الإدارات والموظفين والموظفات أهل المناصب الكبيره ..

وهناك كلام سابقاً راح يكون خلط الشباب بالفتيات لكن ماصار شيء حتى الآن ..

وأتمنى إني أفدتك

مشكور اخوي ما قصرت
بس ياليت تسأل أخوك بحكم انه يعمل هناك

هل العمل مريح و الرؤساء معاملتهم حلوه ؟
هل هناك تقدير للموظفات .. ترقيات او مكافئات او اي شيء يعطي حماس للعمل
حتى لو دورات تدريبيه مثلا ..
أنا احتمال اكون موظفه يعني" بنت"
والوظيفه بتكون استقبال او شيء من هالنوع
عندي بكلوريوس بس مو مهم يعني مو محسوب لان الوظيفه مو محتاجه
بس اللي نفعني شهادة الثانويه ودبلوم حاسب
فهل تتوقع يكون راتبي لو تم قبولي 2000 تقريبا ؟
وهل فيه زيادة سنويه في المرتب أو لا ؟

سامحني على كثر اسئلتي
الله يوفقك ويفتحها عليك

أهلين أخت r79a

هل العمل مريح و الرؤساء معاملتهم حلوه ؟

اللي يطلب عمل ما يكون هذا سؤاله << رد نموذجي ..

لكن حقيقة هي تعتمد على طبيعة العمل اللي راح تستلمينه هل هو مكلف أو لا ..

ساعات العمل ذكرتها لك والبريك والأوفر تايم ما يحتاج أكررها مرّه ثانيه ..

بخصوص معاملة الرؤساء أكيد حلوه معروف أي مسؤول أو مدير يكون جنتل ..

وكذلك النساء قمّه في الذوق والإحترام ..

هل هناك تقدير للموظفات .. ترقيات او مكافئات او اي شيء يعطي حماس للعمل

أكيد فيه تقدير للموظفين والموظفات .. فيه ترقيات ومكافئات وكل شيء يشجيع على العمل ..

حتى لو دورات تدريبيه مثلا ..

طبعاً فيه .. في دورات لتطوير اللغه الإنجليزيه ودورات تختص بالعمل ..

أنا احتمال اكون موظفه يعني" بنت"
والوظيفه بتكون استقبال او شيء من هالنوع

ما توقعت طموحك يكون موظفة إستقبال .. لأنها ما توكل عيش ..

عندي بكلوريوس بس مو مهم يعني مو محسوب لان الوظيفه مو محتاجه
بس اللي نفعني شهادة الثانويه ودبلوم حاسب

ممكن تذكرين لي أيش تخصصك بالبكالوريوس .. لأن الشركه تقبل تخصصات ما تتصورينها .. وبنفس الوقت راح تخدمك أكثر في نوع الوظيفه .. لأن البكالوريوس يشكل فارق ..

فهل تتوقع يكون راتبي لو تم قبولي 2000 تقريبا ؟
وهل فيه زيادة سنويه في المرتب أو لا ؟

حتى الآن طموحك 2000 ؟ .. سلم الرواتب يوصل لزيادة 500 ريال سنوياً ..

سامحني على كثر اسئلتي
الله يوفقك ويفتحها عليك

أبداً حنا موجودين لمساعدتكم .. وأي أسئله حاضرين ..

وشاكر لك دعوتك والله يوفق الجميع إن شاء الله

اخوي الله يعطيك العافيه على الرد

حلو ردك النموذجي
على العموم انا سؤالي بخصوص الراحه في العمل اقصد الراحه النفسيه
و مو كل رئيس عمل يكون جنتل .. للاسف

لكن اجابتك ريحتني كثير من هالناحيه

اقتباس:

أكيد فيه تقدير للموظفين والموظفات .. فيه ترقيات ومكافئات وكل شيء يشجيع على العمل ..

هذا أهم شي عندي

اقتباس:

ما توقعت طموحك يكون موظفة إستقبال .. لأنها ما توكل عيش ..

ليه تحطم معنوياتي بهالكلام . . انا ما صدّقت أحصل وظيفه
ولو بمشي على طموحي بظل طول عمري عاطله
لكن مو عيب ابدأ من الصفر
وطالما في تقدير و ترقيات مثل ما أكّدت لي
راح امشي خطوه خطوه واثبت لهم قدراتي ..

اقتباس:

حتى الآن طموحك 2000 ؟ .. سلم الرواتب يوصل لزيادة 500 ريال سنوياً ..

بالنسبه لسلم الرواتب .. حسب كلامك فيه زيادات سنويه .. تمام
صار لي متخرجه 3 سنين ومو لاقيه وظيفه حتى بـ 500
لا تلومني لو رضيت بالقليل .. احسن من لاشيء دام فيه زيادة سنويه ما فيه مشكله

اقتباس:

ممكن تذكرين لي أيش تخصصك بالبكالوريوس .. لأن الشركه تقبل تخصصات ما تتصورينها .. وبنفس الوقت راح تخدمك أكثر في نوع الوظيفه .. لأن البكالوريوس يشكل فارق ..

تخصصي رياضيات
وهو السبب في بطالتي .............
وإحتمال حتى الوظيفه هذي اخسرها والسبب البكلوريوس
يا ليتني ما قلت لهم عندي بكلوريوس ..

جزاك الله خيييييييييييييييييييير

ممكن اعرف كيفية التقديم في شركة زهير فايز

يا اختي كيف قدمتي على هادي الشركه وفين موقعها؟؟

قدمت عن طريق الإيميل يا أخواتي
وكان إيميل هوتميل أو ياهو .. ما اذكر
الشركه في منطقة الخبر
وبصرحه ما كنت اتوقع شركة كونتركت مع ارامكو يكون التوظيف بإيميل شخصي
مو إيميل الشركه الرسمي وكنت متردده ارسل سيرتي الذاتيه
بس سبحان الله كل شيء ممكن

دعواتكم يقبلوني .. دعواتكم