السلام عليكم ورحمه الله وبركاته
حياكم الله وبياكم وسدد على طريق الحق خطانا وخطاكم
واسعدكم الله ورزقكم من الطيبات جميعا ووفقكم لما يحبه ويرضاه

في البدايه اطرح تجاربي بالعمل عشان ماحد يقول انت طرار وتبي ثوب كبك لاوالله ماقصرت من هالناحيه وكانت بداياتي بالشكل الممل مثل ما راح اذكره طبعا انا اخوكم عاطل عن العمل حاليا
واحيانا اعتقد سبب عطالتي في شهادتي المتوسطة
ولاكن لدي من الشهادات مايأهلني للعمل كاي شخص لديه شهادات اعلى مني
حيث لدي تمرس طويل الامد للحاسب الالي + دوره ادخال بيانات ومعالجه نصوص بالاضافه الى سكرتاريه تنفيذيه بالاضافه ايضا للتسويق والمبيعات بالنسبه للمبيعات والتسويق لم اقدم عليها نهائيآ لاني لا ارغبها

وفي بدايه عملي كنت اعمل بكبينه اتصالات وكان الراتب زهيد بحكم الساعات ومتاخره في الليل واحيانا في حال تغيب الموظف الاخر فاني الزم بالبقاء احيانا ليوم كامل بدون نوم او خروج الى اوقات الصلاه فتركت العمل واتجهت الى بحث عن وظيفه اخرى

اخر عمل التحقت به بقسم التموين في جامعه الملك سعود عام 1425هـ
والقسم تابع لاحد الشركات الكبيره في البلده وتم التقديم عليهم
كمدخل بيانات او كاشير في بدايه الامر ياخوان اتصلوا بي واخبروني المزايا والخ
والراتب كان 2200 ريال مع اول اتصال والعمل 8 ساعات فقط لاغير على شكل
من 7الصباح لحد 10 ومن ال12 ظهرا الى 3 ظهرا صراحه الدوام كان بالمره مريح حيث الفطور والغداء محسوب عليهم لصالحي + ان العطل مع الكليه اربعاء خميس جمعه وبالاجازات بعد الاختبارات نعطل معهم ولاكن بدون راتب
طبعا لحظه الدخول للمقابله الشخصيه ورؤيته الشهادات والخ تم قبولي فورا ولاكن بعد توقيع العقد
قالولي في فقره لازم تعرفها قلت ماهي اخبروني ان الراتب 1400ريال فقط لمده 3 اشهر وبعد ال3اشهر يعني لو بيوم سيرجع للراتب 2200 مع ان العقد الموقع فقط 1400 وحسيت بالتلاعب ولاكن قلت صف النيه واشتغل
طبعا كان معي اناس شهاداتهم ثانوي وبعضهم جامعي والله ياخوان كلنا كاشير محاسبين الا انا وشخص اخر معه مثل شهاداتي كان يشتغل بسعودي اوجيه حيث نحن الملمين فقط بالحاسب وتطبيقاته واخبروني اني بصير مدخل بيانات وصارف ارقام الباركود وحطوني في غرفه اشبه بالصندقه صغيره جده بها طاوله وكرسي وباب للاغلاق وفتحات لمراجعه الطلاب لتسجيل اسمائهم بدون مكيف وبدون اشياء اخرى ولاكن لم اشتكي من حر او شي اخر لاني كنت راغب في العمل بجديه استمر العمل شهرين واعجب في عملي المسؤول بالجامعه في قسم التموين وطلب من
الشركه نقلي الى مبنى اخر في الجامعه ونقلت صراحه والمسؤول كان بنقالي ومتسلط
بس ماهتميت فيه بصراحه واستمريت بشغل
المشاكل الي واجهتني عدم صرف بطاقه الدخول للمواقف الخاصه بالشركه ومماطله من اول شهر ونص + بعد المسافه والمواقف صراحه تتعب والسير على الاقدام وتحملناها
طبعا الاتفاق معهم اني اعطل مثلي مثل زملائي والعمل مثلهم عطلوا اعطل داوموا اداوم
البنقالي كان يتعمد يصرف اخر شخص بالرواتب انا ولمى اساله جاء الراتب يقول لسى وطبيت عليه مرتين وهو يصرف للباقين الراتب وانحرج وصرف لي اول واحد
مر علينا شهر رمضان وشهر رمضان كامل نعطله مانداوم لان مافيه احد يفطر بالنهار وعقد الشركه ناص اني ما اعمل في هذا الشهر نهائيا لا انا ولا زملائي
وبعد رمضان لدى العوده اكتشفت ان المسؤول عني رافع تقريب عدم مداوم ومطالب بفصلي واول مادخلت قام يرفع صوته وينك ومدري ايش وصراحه تنرفزت ووقفته عند حده قالي تبغى تداوم اطلع اعتذر من المدراء اثنين فوق قلت عزا الله ماطلعت ولا اعتذرت لاحد رح نزلهم يعتذرون لي قال داوم الحين بعدين يصير خير سويت فيهم حركه قفلت المكتب الي عندي وفصلت نظام الكمبيوتر وطلعت من عندهم ورحت للشركه الام وقدمت استقاله وعطيتهم العين الحمراء

جلست فتره كم شهر تقريبا ثم قمت اخذ اي بريد الكتروني بالجرايد وارسلهم اذا نزلوا وظائف بماهلاتي ومهاراتي والصراحه اكثر من مره اروح اسوي مقابلات بس تكون الرواتب جدا صغيره وعلى فترتين واكثر من 8 ساعات ولا اقبلها خصوصا البعيده وخارج حدود الرياض
وقبلت بوظيفه محاسب في احد المكتبات عندنا في الرياض صراحه الراتب كان ممتاز 2400ريال
بس للاسف ماستمريت يوم واحد الثاني مقدم استقالتي لان المسؤوليه علي كبيره في عهدتي 18 الف ريال ولا يحق لي اطلعها من المكتبه واخبروني تخبيها ببين الكتب والخ صراحه مارتحت للموظفين الي فيها لانهم ليسوا بسعوديين بامكان اي شخص يسرقهم واكل هوا بعدها والسبب الاخر بعض التعامل مع النساء للاسف خالي من الاحتشام والخ وبعض الحركات التي لايتقبلها كل شخص مسلم ضميره حيي من بعض الزائرات وصراحه ماقدر اني اشتغل والوضع كذا والاغراءات الي حوالي وقدمت استقالتي ووضحتها بالتفصيل للمدير وتقبلها وحاول يثنيني لان السبب الاول والاخير في توظيفي ياخوان والله ماتعبت فيها او شي فقط ارسلت له رساله على بريده واعجب جدا جدا بالاسلوب الي كلمته فيه بخصوص الوظيفه بس الحمد لله على كل حال وقدمت مقابلات شخصيه كثيره بس اغلبها تكون شركات غير موثوقه بعد السؤال عنها وعن سمعتها بين الموظفين اغلبها مماطله او تتاخر بالرواتب او 3 اشهور فتره التجريب ويمسكونك الباب وللان ماحصلت الشركه الي فعلا مستعد اضحي في وقتي عشانها

طبعا بعدها صرت اشتغل في نفسي تصميم المواقع ودعمها والحمد لله الدخل ممتاز
احيانا يصل الى 7 الاف باقل من شهر واحيانا 4 والادنى بمعدل 2200ريال شهري ولله الحمد
ولاكن تعلمون ان الشغل بهذي الطريقه لايمكن الاستفاده منه لانه مو رسمي
لاتستطيع الزواج ولا اخذ قرض او تقسيط سياره الخ


وصراحه الان ارغب العمل في منطقه القصيم بعيدا عن الرياض في اي شغله راتبها يكون مناسب
يعني من 2000 الى 2500ريال لامانع لاني ساستمر على عملي في مجال الانترنت ويعتبر دخل اضافي كي اقدر احدد مستقبلي لحين تكميل الدراسه والطموح لشهادات اعلى

نصيحه للاخوان جميعا العاطلين لاتتوقف ابدا عن مراسله الشركات والمؤسسات والدوائر الحكوميه واي اعلان تشوف انك تقدر تشغل وظيفه بنفس المستوى ماعليك الا ارسال رساله الى ايميلهم المذكور وربي باذن الله راح يوفقك

خلاصه موضوعي

اطلب منكم اذا تكرمتم اي شخص يعرف رابط موقع او شركه او مؤسسات في القصيم شخصيه او عامه ان يضع رابطه كي اقوم بمراسلتهم ونسال الله ان نحصل لديهم وظيفه للالتحاق بها
لاني متمكن باذن الله تعالي من المراسله بالاسلوب الحسن والذي يطمح له اي صاحب شركه بشفافيه تامه

ارغب بشكل اوضح اي مكان بمنطقه القصيم عامه اقدر اقدم عليهم من اين

الله يوووفقك ..
فعلا حياااتك معااناة والله وتعب ..

الله يرررززقك من حيث لاتحتسب..
وانا ورربي مو من القصيم الا كاان سسساعدتك بشيء

اسأل الله العلي العظيم ان يفتح لك ابواب رزقه انه على كل شيء قدير

الله يوفقك ويصبرك
بما اني من سكان المنطقة هذة المنطقة لا يوجد فيها شركات كثيرة
افضلك تقدم على مكتب العمل ويوجهوك وقدم على اسواق العثيم
يقولون رواتبة جيدة له فرعين جدد في محافظة الرس و البدائع
وبالتوفيق للجميع