السلام عليكم

اخواني اعضاء منتديات البطالة ماعندي غيركم افضفض له

لا اعرف بماذا اوصف ماذا حدث لي .!

سأروي القصة التي حدثت لي مؤخرا لعل من يقرأها يعتبر ولعل يهتز وجدان المسؤلين بالبلد لا بارك الله فيهم

ــــــــــــــــــــــــــــــــــــــــــــ

التقيت بأحد الاشخاص الذي يعمل في احد القطاعات العسكرية وكانت معرفتي به سطحية

سلمت ورد السلام ورحبت وزادني ترحيبا

وبعدها سالني عن حالي واحوالي واين هي ايامي

قلت حالي لا يسرني ولا يسر من حولي .!! وانا مطئءطئ الرأس

وش السبب .!!

قلت انهيت الدراسة الجامعية ورأيت نفسي في نفق مظلم ... مكبر الوسادة في البيت

قال افاااا ياذا العلم ليه .!؟ ماحصت وظيفة .!؟ ... قلت لا والله ماحصلت تبعت وانا ادور والى الان لم اتوظف

قال لدي لك وظيفة

قلت اسررررررررع الحقني وش المطلوب ووش .... لم اتمالك نفسي من الفرحة

اخذت رقم جواله واتصلت عليه بعد فترة وقال لي الوظيفة ( باحد القطاعات العسكرية مدني )

قلت حلو ماشي ماهي مشكلة مانبي متشرط ابد بس ابغى وظيفة تستر علي

قال ماهي مشكلة قابلني اليوم الساعة 4 في المكان الفلاني

ورحت في المكان اللي اتفقنا عليه سريعا واعتطيته الاوراق الخاصة بالتقديم

وطلب مني ان اعطيه 500 ريال

طبعا ماقدرت اجادل واعطيته الـ 500 ريال وقلت له هل فيه فلوس بعد في المستقبل .!؟

قال لا بس هذي مصاريف خاصة بالمعاملة

قلت ماهي مشكلة

انقضت الايام ( شهر تقريبا ) بعدها اتصلت عليه ها يابو فلان وش صار عالموضوع .!!

قال خلاص بروح معاك الاسبوع القادم الى منطقة الرياض مشان تسوي مقابلة ... وش هالمقابلة اللي ما تحدد موعدها الا باتصالي له .!!!!

قلت ماهي مشكلة

وانا اتساءل وش اللي صاير وانا احساسي ان المسألة فيها حاجة غلط

قررت اني استشير من هو اكبر مني سننا

ورويت له قصتي معه

فرد قائلا غدا اتيك بالجواب

انتظرت الى يوم الغد واذا بجوالي يرن .. > هذا اللي استشرته

قال لي ابعد عن هذا الشخص ... وش السالفة يا رجال تراه بيخدمني وبيسهل امور الوظيفة

قال لي بعد السؤال عنه تبين انه صاحب امور ممنوعة وغير مشروعه ويتعاطى امورا ممنوعة وصاحب سوابق غير محمودة وراعي نصب

قلت له تراه بيروح معاي يعني كيف .!!!!. قال لا تأمن له فالمعروف عنه في منطقته انه راعي ممنوعات وانتبه انتبه انتبه من ان يستغلك في اشياء توديك في داهيه .!!!!

سكت وانا منبهررررررر وبعد مراجعة جميع ماحدث قررت ان ابتعد واخذ بنصيحة من استشرته

ــــــــــــــــــــــــــــــــــــــــــــــــــ ــــ

انتهت قصتي

نصيحتي لاخوتي

لا تأمن اي شخص في هالامور وتأكد من الشخص قبل ان تخوض معه اي شي

يعني لو انا لم ابحث عن الشخص والا كان الله اعلم ماهو مصيري الان .!!!

سؤالي للمسؤلين

الى متى انا وغيري والفتيات يتم ابتزازنا من اجل ( وظيفة )

الى متى نحن في فوضى عارمة فيما يخص التوظيف .!!!

الى متى اعداد العاطلين في ازدياد .!!!

متى ستطل علينا خططا مستقبلية لجعل جميع من في البلد يعمل كلن وفق طموحاته .!!!

ومضة :

55 مليار ريال تحول سنويا خارج المملكة من الاجانب ويقولون سعودة .....

وياقلب لا تحزن مع ممكلة الفساد السعودي لا بارك الله فيهم

الحمد لله ان الله نجاك منه

الله يرزقك ويرزقني ويرزق كل المحتاجين بالوظيفة اللي تسعد

جزاك الله الجنه

أي واحد يطلب من شخص فلوس على شأن المعاملة فتعرف أنه نصاب

الحمد لله اللي فكك منه... والخير جاييك بحول الله تعالى...

خيرة يارجال الله موجود ان شاء الله ...بتتوظف أفضل وظيفة
الصبر الصبر

تسلم يمينك على النصيحة

الحمد لله على سلامتك والله صدقت ياليت المسؤلين ينظرون في حالنا ولكن ... لقد اسمعت لو ناديت حيا ولكن لا حياة لمن تنادي

الله يرزقك كل خير
وعليك بالدعاء في أناء الليل وحمد الله وشكره على كل حال
اشكره على نعمة الاسلام والصحة والامن والاستقرار
أستغفر الله كثيرا
البر يوالديك
اصبر فالصبر مفتاح الفرج

سلامتك من الشر يا أخوووي ,’

خلاص هذا درس لك في المستقبل لا تثق بأحد مهما كآآآآآآآآآآن ,’


والله يرزقك من فضله وحده وبس ,’