السلام عليكم ورحمه بركاته اخواني واخواتي منتدى البطاله المتميز والرائع بصراحه في شي بخاطري ولازم اطلعه كلنا ناس وكلنا بشر وكل واحد له مسؤوليه كبيره يشيلها ولاكن تبونا نقول ان الله يكره عبده ومخليه كذا بدون رزق هذا غلط لأن الله اذا احب عبد ابتلاه ولاكن ربنا قال خذو بالاسباب يعني مثال السياره انت مشيت فيها بأخر سرعه وقلت لن يصيبنا الا ماكتب الله لنا طيب وصار لك شي تبتلي على ربك انه مقدر او بتقول انه لو ماكان مشيت بها السرعه ماكان صار كذا طيب اللحين الوظايف لو كل مسؤول وقف وقال كلنا يد وحده ووظفنا نسبه العطاله بتكون كذا ولا بنقول ربنا مقدر ربي بالعكس بيعطيك رزقك لو كنت فين بس في سبب مانع هذا كله اننا مانتوظف تبوها بالتفصيل لو كل سعودي اتوظف وراتبه فوق ال5 الاف وبالنهايه هو ماتوفق بالوظيفه تقدر تقول ربي ماكتب لي لاكن بالعقل الي عنده بكالوريوس وماتوظف والي عنده دبلوم والي عنده ثانوي وماتوظف مو في شي يمنع هذا كله يعني اللحين يوم يكون في مسؤول بشركه حاجز له اربع وظايف يوم تجي انت تقدم ايش بيقول لك يا مكتفين يا نتصل عليك هو يوم يقول لك نتصل عليك خذ اوراقك وامشي على طول لأن لو في وظيفه اقل شي يعطيك استماره تعبي بيناتك وبعدها لو قال لك نتصل عليك ممكن نسبه حصولك عالوظيفه 50% لاكن الي يكون مادرس ويقول يبي وظيفه اسأله عن ظروفه ليه مادرست في ناس يكون ماعنده ولا ريال يشتري ثوب كيف تبيه يدرس حالته تعبانه لاكن الي الله منعم عليه ومادرس هذا لك الحق انك تقول له مافي وظايف لأن هو ماتعب اصلا لاكن الي مثلنا صبر وصبر وصبر وبالنهايه ماراح يطول الصبر بيجي يوم وننفجر لأن الظغط يولد الانفجار والف سلامه لكم والله يوظف كل عاطل وعاطله ولا يخلي احد يرتجي احد اللهم امين

اخوي فين ارروح السلام عليكم ورحمة الله وبركاته
يااخي احمد الله عطاك صحة في بدنك غيرك مامعه حتى يدين يكتب اللي انت كتبته بعدين والله ياسوق الخضار فيه شغل ماتتصوره بس يبي له تعب فترة حتى تتقن الصنعة وحاول ياخي تدخل التدريب المهني وتعرف لك صنعة وكمل تعليمك ليلي بعدين ان شا الله تروح للمدرسة بسروال وفانيلة اهم شي مصلحتك ماعليك من اللبس لاتحط لنفسك عوائق والله مارايح تقدم خطوة واحدة وانت محبط نفسك ياكثر اللي يتمنون اللي انت فيه رح لمستشفى النقاهة اللي ع طريق الخرج القديم وتعرف فضل الله عليك
تحياتي لك . وعلى فكرة لاتفكر انك بالانتحار بترتاح وراك حساب وتذكر ان قاتل نفسه بالنار يعذبه الله بالالة اللي قتل فيها نفسه حتى تقوم الساعة

ياخوي انا الحمدلله بخير وصحه وعافيه وترى عندي كل شي ومتعلم ومو ناقصني شي وسياره واملك انا اتكلم على حال اخواني الي مثلي يعني انا بكل هذا واعاني من عدم توفر وظائف الي محتاج وش يسوي نتكلم بالمنطق ولا بهونها وتهون وللأسف انت فهمت الموضوع غلط ترى الحمدلله عندي كل شي بس غيري محتاج وانا محتاج للوظيفه وحب لأخيك ماتحب لنفسك يعني انا اقول مرتاح ما افكر بغيري صعبه هاذي وشاكرك عالمرور

من وجهة نظري كلامك سليم 100% هو اللي صاير كذا من زمان ويسمونه اطباء البطاله بالقتل البطئ
حتى رواتب للعاطلين مافيه الواحد في الاساس عايش بفلوسه لو مااشتغل محد عطاه لااكل ولاكهرب ولاشي ويوم تجي التبرعات للدول اللي بالخارج شوف كل اللي كانو نايمين صحو عشان الناس تمدحهم ناس باأربع قلوب
يعطيك العافيه

السلام عليكم ايها الشعب
ياحبيب البي كلنا عاطلين وكلنا دارسين 12 سنه وفيه منا من درس ازود لاكن مالعمل ..................؟
كل اللي نقدر نعمله السعي وراء هالوظايف والدعاء الى الله ان يوفقك ويوفقنا كل ابونا عشيرة العطاله
لاتقولي واسطه ماواسطه دور وابحث و احفر و نقب وراء هالوظايف وانشالله خير
عساك عالقوه

كلام كثير بالقلب
بس الواقع اصعب
لانه الانسان بدون وظيفه
ما يسوى شيء
هع حتى لو عنده فلوس
ويش يسوي فيهم

اول شي انا مافهمت وش الموضوع
انت تقول انت دارس ومتعلم وتملك سياره وكل شي
وتقول هالموضوع فضفضه
بس تتكلم بلسانك
او على لسان غيرك ؟

على العموم لو كان عليك
انت تقول مستواك اوكي بس ماحصلت وظيفه
ماحصلت وظيفه ادرس
ممكن تكون دارس في مجال ماحصلت له وظيفه
اخذ دورات مطلوبه
سوا مهنيه
او كمبيوتر
او لغه
شي مطلوب يعني
ماعندك فلوس تدفع دوره
انت ولد
بتقدر تشتغل اي شي وبتقدر تروح لاي وظيفه بااي مكان
اشتغل ع سيارتك وصل مشاوير
او اشتغل كاشير << كثير اشوف اعلانات
او اخذ لك خضار وبيعه
لحد ماتكون لك فلوس للدوره اللي بتاخذ
لاتقول انا درست وتعبت عشان اشتغل كذا
هاذي الحياه
في كل شي تعب لازم تتعب شوي
واحمد ربك انت توك شباب قادر تعطي
مافي شي بيجي بالساهل

وفي كلامك قلت لو قدمت ع وظيفه وقالو لك اترك بياناتك ونتصل خذ اوراقك وروح
لا غلط ياخوي
يمكن بعدين يحتاجونك
ويتصلون فيك
ماتدري انت ايش مكتوب لك
ولاتتحاقر اي شغله
في النهايه انت تكون اشتغلت واغنيت نفسك عن الناس
والله كلنا كذا
بس هالكلام ايش بيفيد مابيغير ولاشي
انا مثلا
بكالوريوس حاسب الي مع مرتبه شرف
اول ماتخرجت في بالي الحاسب مرغوب وبحصل وظيفه في شركه او في بنك او مستشفى براتب حلو
لكن للاسف مافي !!
وحتى تدريس في الحكومي ماقبلوني
رحت اشتغلت بمدرسه اهليه ووانت اكيد عارف كيف رواتبهم !!
وضغط شغل واستفزاز فضيع
بس شسوي لازم اخذ خبره
عشان اكون احسن من غيري
ويقبلوني في وظيفه حكوميه
انت لاتيأس من اي شي
اشتغل اي حاجه قادر تشتغلها
وااتعب على نفسك كثير دامك توك في شبابك
ولاتنسى ان ربي قال اسعى ياعبدي وانا اسعى معاك
خلاص احنا نسوي اللي قادرين عليه ونتوكل ع الله
وربي مايضيع تعب حد

والله يوفقك اخوي

غدا يوم اجمل

السلام عليكم
والله اللي كتبته ياخوي هذا نقطه في بحر من اللي بخواطرنا
وعلى فكره ترى الوظايف مو بس للمحتاج ماديا .. الوظيفه اثبات للذات والشعور بالاستقلالية والاعتماد على النفس
يعني العاطل بيتأثر نفسيا زي ما يتأثر ماديا بالضبط ..
انا مثلا كل مره افكر اقول ليش ناس بنفس شهادتي ومستواي وتقديري وتحصل على الوظيفه بكل سهوله لان معها واسطه وانا ترجع لي اوراقي ودايما مافيه شاغر
هذا غير لما اشوف ناس اقل مني بالتعليم ومتوظفين باماكن ما يستحقها الا مؤهلين وهم استحقوها بالواسطه
خلوها بالقلب تجرح ولاتطلع لبرى وتفضح
اللهم يسر امورنا وفرج همومنا وارزقنا من حيث لانحتسب انك على كل شي قدير