بسم الله الرحمن الرحيم

شـكرا لك اختي شهوووده وبارك الله فيك ... لك مني أجمل تحية على الموضوع اللي ذكرتي فيه طريقة التقديم على المنح الساميه للمطلقات والأرامل والمعاقين ....وعسى ربي يبارك لك ويرزقك
طبعا انا قدمت برقيه وصرت اتابعها وقال الموضف لي اليوم انها وصلت وموجوده في الكمبيوتر وبيتم ارسالها الى اللجنه ولكن للأسف لن يتم قبولها لأنك طلبتي الأرض في منطقة مكه وهي مافيها تقديم حاليا على المنح وعشان كذا راح يرفضون يعني لاتعبي نفسك وتراجعي ,,,,,,,,
ماقصر الموضف جزاه الله الف خير على انه وضح لي لأنه مو ملزوم يخبرني انها راح ترفض لأنها لسى مدرجه بالكمبيوتر وماوصلت للجنه على العموم حبيت اعطيكم خبر حتى ماتروح فلوسكم على البرقيه على الفاضي لأني قدمت انا وأختي المعاقه وتم رفضها لأننا طلبنا في مكه.............


للتنبيه !!!
ترى الموضف قال قدمي من جديد وانتبهي لاتطلبين في هذي المدن لأن ماراح يقبلو فيها يعني كل المدن الا..مكه --المدينه-- الجبيل --ينبع انتبهو ....................

بس حبيت ابلغكم وادعو لي بالرزق والشفاء لأختي...........

الله يجزاك خير ....., أنا بنفسي رحت قبل سنتين لديوان الملكي وربي يشهد على ماكذبت

وقالي الموظف بنفسه إذا طرحت تقديمات على منح في أي منطقه الرسلي برقيه وحنا بنحولها للمنطقه وبس هذا كلامه يعني لاتقدموا إلا في حاله وحده إذا فيه خبر عن تقديم على منح في منطقه ذاك الوقت الكل يقدم يأم يروح بنفسه ويقدم أو ألي مايقدر يروح يرسل برقيه

والله ينصرنا على الظالمين يا رب يا كريم

يعني خلاصه الكلام كله ربح للاتصالات وبس حسبي الله عليهم وستغفال الناس واكل أموالهم بلباطل

يا اخوات للي بتقدم تقدم عن طريق القرى

ياعالم انا قدمت برقيه مثلكم وطلبت الرياض او الطائف وقبل يومين راح قريب لي يراجع لي فيها من البلديه ولقي اسمي موجود انا واختي


وطلب منا نسوي وكاله عشان يراجعها ... راجعتها من الديوان لين وصلت البلديه والاسبوع الجاي بروح اسوي وكاله وراح اخبركم اذا صار جديد في الموضوع

اختي حيبيت اوضح ماعليك من الموظف راجعيي فيها لين تشوفين وش يصير اخر شي والا اسئليه ممكن ابدل المكان من غير ماارسل برقيه ثانيه

انا سألته اذا يقدر يعدل فيها وقال مو من صلاحياته وبعدين ماله مصلحه في تقديمي عليهم من جديد الا انه يبي لي الخير واعتقد هذي شغلتهم يشوفون البرقيات ويردون علينا ومستحيل يكون بيكذب هذي وضيفته وهوادرى في اللي قاله....................



انتي متى قدمتي .........

بالنسبه لأم معاذ ياحياتي هذي منحه ساميه من الملك غير المنح اللي من البلديات والقرى وهي اسرع ويمكن اكبر في المساااااااااحه والله اعلم........................

انا قدمت برمضان وبعد العيد راجعت فيها وطلع لي رقم صادر قالوا خذيه وراجعي الديوان وتطلع ارض من عندهم


وعلى فكره تقولين مالهم دخل والله اني جيتي للحق اذا عليهم ياكثر تصريفاتهم بس انا اذيتهم باتصالاتي تقريبا كل يومين اتصل

مع انه يقول لاتتصلين الا بعد اسبوعين ... لكن ماادري عن المنح بمكه انا طلبت الرياض والطائف انا واختي وفعلا البلديه قالوا وصلت لنا وعطوني رقم للمعامله صرت اراجعهم فيه وقبل يومين راح قريب لي يراجع لي فيها لقى اسمي مع الموجودين انا واختي وطلب مني اسوي توكيل له عشان يقدر يطلع لي صك عليها