قصيده قالها هذا الرجال النشمي يوم لقي اخته تبكي من زوجها ....

mashari · #1 (**permalink**) 18-05-2007, 10:44 PM

(لتحميل المقطع الصوتي)....... التحميل من هنا

لاتنثرين الدمـع قولـي لـي وش فيـك *** تخالطت عبرات صوتـك ونـا اسمـع

تقطع خطوط الجو والصـوت مغريـك *** ودمعك غدى نيـران بالجـوف واقشـع

ووقف شعر راسـي ودكـت دواكيـك *** وضرب اخماس اسداس بالشك واجمـع

ويبسن عروق القلب وصـارن مهاليـك *** مغيـر اغـص بخافـي الريـق وابلـع

وشلـون مابـه شـي يرحـم اهاليـك *** تدليـن غيـر الصـدق لايمكـن اقنـع

انا عهـدت الضحـك يعشـق اشافيـك *** وعيـون ماخلقـت علـشـان تـدمـع

سلامـة الـي كـل ابوهـم عزاويـك *** وليـا انتخـوا بالحيـز نيـران واشنـع

وليا وضح صوتـك باذانـي عزاويـك *** (حيزا حيزا !)ساعـة الصفـر ترجـع

تكفـخ حرار(ن)ماسبقـوهـا ممالـيـك *** وترسي جبال(ن)مانـوت يـوم تخضـع

وتـارد فهود(ن)ماتهـاب الشرابـيـك *** وتهـوي نجوم(ن)لارمـت جـال تفنـع

من اقصى الجزيرة اعصار توحي اذانيك *** مـن هيبتـه يرتـج حفـره ويـركـع

ومن اقصى الحساء بركان تونس اياديك *** مـن هيبتـه صميـدع القلـب يـربـع

لا والله الا اجيك وشلـون مـا اجيـك *** شفني عليه اقرب من الموت واسـرع

الي ازعلك يمكـن نسـي انـي اخيـك *** ولا تخيـل لاتغربـت مــا ارجــع

لاتنثريـن الدمـع حـيَّـن محاكـيـك *** والله تخضع اشناب مـن شـان مدمـع

العنا · #2 (**permalink**) 19-05-2007, 12:08 AM

قصيده رائعه
سلمت أناملك عالنقل

ادور وظيفة · #3 (**permalink**) 19-05-2007, 02:16 AM

لا والله الا اجيك وشلـون مـا اجيـك *** شفني عليه اقرب من الموت واسـرع

الي ازعلك يمكـن نسـي انـي اخيـك *** ولا تخيـل لاتغربـت مــا ارجــع

لاتنثريـن الدمـع حـيَّـن محاكـيـك *** والله تخضع اشناب مـن شـان مدمـع

تحس ان الابيات نابعة من انسان مقهور
تسلم ولا قصرت

جوررري · #4 (**permalink**) 19-05-2007, 02:48 AM

انا عهـدت الضحـك يعشـق اشافيـك *** وعيـون ماخلقـت علـشـان تـدمـع
وقوله....
من اقصى الجزيرة اعصار توحي اذانيك *** مـن هيبتـه يرتـج حفـره ويـركـع
وقوله....
لاتنثريـن الدمـع حـيَّـن محاكـيـك *** والله تخضع اشناب مـن شـان مدمـع

بصراحه كلمات قويه....وكثيررر الابيات رهيبه....وماافي احلى من الاخوة...الزوج موجود,,,والولد موجود,,,أما الاخ مفقود مافي شي يعوض عن وجوده....

ودمتمممم......