ودي برقمك , عشان عندي لك بعض المعلوماااااات التي ممكن تفيدك

الأخ عبدالله بارك الله فيك والشباب ايضاً ،،،

أنا تابعت موضوعك من أول صفحه إلى آخرها والسبب هو أسلوبك وأخلاقك الرفيعه ولا يهونون الشباب ...

المشروع فعلاً مربح ولكن اذا تمكنت من إدارته والحفاظ عليه ..

انا فكرة فيه قبل فتره وعندي مكان جاهز مجهز من الألف إلى الياء .!! وقيمة المشروع متوفره وكل شي ينطبق على المشروع ومساحة المزرعه 10,000 متر / بالمزاحمية (( ملك )).. لكن ماقدرت اتحرك شبر واحد !!! عارفين ليه (( عندي عامل ماينفع ولا بريال واحد !! < بنقالي >)) !؟!؟!؟ يعني حرام اجيب كمية ولا احد يعتني فيهم ولا اقدر اتفرغ لهم وفي الاخير (( نفوق ))


الأخ / عبدالله ما رأيك في تربية بط (( شرهمان ))<--- هذا كان مشروعي

لأن البط : مناعته قوية مقارنه بالدجاج ، لديه سرعة تحول غذائيه ، سرعة النمو ، شكله جميل ، مرغوب (( شرهمان )) ، لا يحتاج إلى تطعيمات بكثره مقارنه بالدجاج ، سعر البيع بالنسبه للذكر أغلى مقارنه بالدجاح ، سعر الجوز (( صوص )) 15 ريال ، شكل جمالي مع بركه صغيره وسباحه ..

ملاحظة / لم اصب بالاحباط ولكن عندما اجد عامل متخصص في تربيتها سأبدأ بإذن الله تعالى

اتمنى لكم التوفيق جميعاًً

احترامي

حياك الله استاذي احساس عميق واشكر فيك اطرائك
ولاكن استاذي لا تدع العامل يقف امام طموح ومشروع تبدع فيه الحلول كثيره فابحث عن الانسب وابدا مشروعك وتوكل على الله
بالنسبه لاقتراحك اقتراح ممتاح وتحت الدراسه ولنا عوده لذالك استاذي
سرني مرورك واشكرك مره اخرى
دمت بخير وود عزيزي

انا كنت ناوي اشتري صيصان وابدا بكمية بسيطه

بس الوالد حذرني حذر شديد وهو اني ما اشتري الصيصان في موسم الشتاء يقول ما تتحمل البرد

حتى لو كان هناك وقاية لها والسبب البرد الشديد ما تتحمله الصيصان وبرضو ما تتحمل كتمت الغرف

قالي اذا حبيت تبدا بالتربيه قالي اذا انتها شهر صفر ابداء بالمشروع وهذا الوقت يكون مناسب

وذالك لدخول فصل الربيع والصيصان تبداء تتأقلم مع الجو

هذي نصيحة الوالد والي من خبرته في هذا المشروع بس للاسف ترك هذي الهواية من زمان

تحياتي لكم

موضوع جميل

ساعدني في اعداد خطة العمل ولاطلاع العام على المشروع

اشكركم جمعيا

شريت صيصان صغار ونطلتهم في استراحة الفين متر ... مات ثلثهم والباقي كبروا وصارت اشكالهم تفتح النفس ..

كنت حاطهم في استراحة واجيهم مرة في الاسبوع واحط اكلهم , ..مويتهم تنقيط واكلهم نفس الفكرة - كان فيها عامل وطردته - صار يدخل ضيوف ويخدم عليهم من وراي !!!

عاد توني ابسوي عمليات تربية انتخابية = يعني اختار الممتازات واخليها تتناسل عشان يتحسن النسل .. لكن الاستراحة اقتحمها حرامية وانسدت نفسي وبعنا الدجاج وتركت الاستراحة ..

بس الحقيقة الدجاج وصخ .... امتلت الاستراحة مخلفات والذبابين كثرت على مخلفاتهم ... صرت لين رحت هناك اتفرج على الدجاج واكش ذبان ..
انبسط من الفرجة على الدجاج وانقرف من الذبان ..

المهم ... ليتك عندي هنا في الرياض كان دورت لي ولك مشروع نتشارك فيه ونقطع وقتنا فيه ..

هذي هوايه وليست مشروع استاذي
اذا عطيته يعطيك
اهتم فيه وفي تحصيناته وسكنه واكله وشربه وباذن الله يسر خاطرك

وفقك الله وسرني مرورك استاذي