بسم الله الرحمن الرحيم

السلام عليكم ورحمة الله وبركاته

اخ ـباركم يالربع وعلومكم..!

طبعا مثل ماانتم عارفين الوظايف عندنا اكثرها بالوساطه وغيرها والا اللي معه شهاده الله يخلف على شهادته..!

انا معايه شهادة حاسب الي ومع الثانويه نسبه ممتاز ولي خمس سنوات وماتوظفت,,

وقلت مالي الا التجاره الين الله يرزقني بوظيفه من عنده يااارب ترزقني بوظيفه يارب..

وكما اوصى عليه الصلاه والسلام بالتجاره لانها بركه في المال وافضل من الدخل الشهري

فقررت ان افتح مشروعن صغيرن وابي اخذ رايكم فيه يالغاليين..

وياليت تشورون علي بكل اللي تقدرون عليه

علما اني من سكان المدينه المنوره..!

المهم المشروع مافيه هو محل كمبيوتر وصيانه..

ابي اخذ رايكم فيه هل يمشي والا شلون

وايش البرامج اللي تدعم المشاريع مثل هذي

وايش الملطوب من كل شي من التراخيص وهل يحللي امر التراخيص مكتب خدمات وكم متطلبات البلديه والغرفه التجاريه وكل هالامور.

وبالنسبه للبضاعه كيف يكون امرها هل هو بالتصريف اسددهم والا شلون وكل مايخص هالمحل يالييييييييييت تفيدونني فيه

وطبعا لا انسى العماله كم واحد ومن اي جنسيه الافضل والارخص وهل من السعوديه الاقي عماله وكيف

وللعلم انا وابن خالي راح نكون متواجدين فيه

واعذروني ع الاطاله يالغالييييين

فلاتبخلو على اخوكم بما يجود به خاطركم..1

واللي يبي يساعدني عسى ربي يفرج عنه ضيقه من الدنيا ويفرج عنه هم من همو وكرب يوم القيامه..

وانا بانتظاركم..!

اخوكم المحب لكم دحوم..

مشروع رائع ومربح باذن الله

شوف اي مكتب خدمات وهو يتكفل بالتصاريح وكل شي بحقه
بالنسبه للمعدات والاكسسوارات هناك شركات تعطيك على التصريف وممكن تسئل اي محل يدلك عليها ونا بدوري ابي اسئل صديق لي له محل واشوف من وين يحصل على الاكسسوارات والاجهزه واغلبها على التصريف يعني ماتخسر شي
بالنسبه للعماله الافضل فلبيني او هندي
ولازم تكون معهم استاذي يستفيدون منك وتستفيد منهم
والبرامج والفرمته والصيانه فيها خير كثير بس تبي صبر ومتابعه
ولا يمنع من الاستفاده من الشباب السعوديين فيه اناس فلته في كل شي واتفق معهم على راتب او نسبه ويبدعون اذا وجدوا البئيه الطيبه

وفقك الله
اهم شي لا تموت الفكرة ونفذها لو تتسلف واصبر
سمعتني اهم شي لا تموت الفكرة واتكل على الله
مشروع ناجح جدا

اخي الغالي الله يجزاك ووالديك بالجنه ويجعلك ويجعلهم في اعلى درجاتها يالغالي..!

الله يفرج عنك ويحل ضيقتكـ..!

بس اخوي لاهنت فيه واحد من الشباب يقول لازم تكون البرامج اللي ابيعها مرخصه مافهمت عليه وهو مو فاهم هالنقطه قال لان يقفلون علي المحل البلديه ووزاره التجاره اذا كانت النسخ مو مرخصه

وكيف احصل عليها البرامجد المرخصه اذا كانت ضروريه والا لا..!

وتكلفة المحل يالغالي تقريبا كم؟؟

والله اعذرني لان هذا الشي الوحيد اللي ابي امشي فيه واشغل نفسي بالتجاره اللي فكرت فيها بالمدينه لان الحي اللي انا فيه مافيه محل ودخلت الفكره عن طريق ولد خالي الله يجزاه بالخير..!

والله يوفقك ياخوي وييسر امركـ. وامر كل مسلم عاطل..!

بسم الله توكلت على الله يارب يسر لي امري ووفقني

لايهمك يالغالي ماقلت هالفكره وابي شوركم فيها الا لان محتار في بعض الاشياء ووللعلم بانها اول تجربه لي بالتجاره وخايف منها لا اعمامي ولا خوالي ولا ابوي لهم بالتجاره وقلت مالي الا الشباب الطيبين ومنتدانا الغالي البطاله الاقي الحل عندهم

الله يوفقك يالغالي وويوفقنا لكل مافيه خير ويدلنا عليه وييسره لنا..

الله يوفقكـ..!

وعليكم سلام اخوي الفاضل
الفكره ناجحه بس اهم شي قبل لاتفكر باي شي ثاني فكر بالموقع الي بتفتح فيه المحل لانك تحتاج الموقع جيد وماحولك محلات مماثله عشان ربحك بئذن الله يكون صافي من غير منافس بالمنطقه الي انت فيها
ثانياً حاول انك تسوي ديكور غير متكلف بسيط وبنفس الوقت فيه شي مميز لان بعض الناس تحكم على المنظر
واهتمام الشخص من الخارج معناته اهتمامه بالمحل من الداخل
ثالثأ راح تحتاج بعد ماتفتح المحل الى اعلان بسيط في احد الجرائد الي تساعد على نشر المحل
غير كذا الاسعار المناسبه راح تساعدك كثير بكسب الزبائن بشكل مبدئي لان المحل جديد يحتاج الى اسعار بسيطه ورمزيه
بعد ماتثبت مكانتك ممكن ترفع الاسعار بشكل بسيط
غير كذا انصحك ماتقدم على عامل من برى لان والله راح تشقى معاه للاخر
غير التكاليف حقته والسكن ومشربه وماأكله والتدريب واللغه وماتدري العامل الي بيجيك زين ماهو زين خلك على عيال ديرتك في كثير محتاجين لو الف ريال بشهر
ومافي احد راح يكون قلبه عليك زي ولد ديرتك وماعتقد راح يحتاج تشوف له سكن او غيره لان بيكون مواطن مصاريفه اقل من العماله الاجنبيه
بالنسبه للبرامج ماعندي خلفيه عنهم بس على ماعتقد البرامج الممنوعه والكل يعرفها مثل المواقع الي تساعد على فتح المواقع الاباحيه هذي ممنوعه طبعا وغير مرخصه وفي غيرها كثير وبحاول ابحث عنها وارد لك خبر ان استطعت
وان شاء الله ماراح تحتاج هذي البرامج
غير كذا حاول تجيب فكره مميزه تميزك عن محالات الثانيه يعني شي انت شاطر فيه او بضاعه مميزه غير متواجده بالمنطقه الي انت فيها
هذا الي اقدر اقوله وعساني فدتك لو بشي بسيط واي شي تبغاه اطرحه هنا سوا انا او غيري كثير ماشاء الله عليهم يحبون مساعدت الغير والله يوفقك يارب ويفتحلك ابواب رزقه يارب
تحياتي

استاذي فيه محلات كثيرة بالرياض تبيع بالجمله
برامج اجهزه اكسسوارات كل شي
ويتنافسون بعد
وذا لك بالامارات بعد فيه محلات كثيرة هنا تحصل كل جديد وسعر معقول
اذكر محلات بالصالحيه بالرياض
واسئل اي لموزين هناك وقل محلات اجهزه الكميوتر ومشتقاته ويدلك عليها
بس لازم استاذي انك انت تبحث وتتعب وتشوف بنفسك
اعتمد على الله ثم على نفسك لان التعب والجهد والبحث يكسبك خبرات اكثر من السوال

وفقك الله

بداية أقول لك إن شاء الله مشروعك هذا بداية خير لك
ولكن هل لديك المبلغ الكافي لفتح محل
واتمنى أن تكون لديك خلفية لو بسيطة في الصيانة
وفقك الله

بالتوفيق ان شاء الله

اخوي عزوف الجروح الله يعطيك العافيه وماقصرت يالغالي..!

وياليت تشوف وتسأ ل لي يالغالي

والله يفرجها لك ويفتحها من حيث ماتروح يالغالي..!

انا بانتظارك اخي..الغالي..

اخوي عبدالله البراهي وربي يعطيك العافيه يالغالي واتعبتك معي ..

والله يرزقك من حيث لاتحتسب..

وبالنسبه للبضاعه انا من سكان المدينه المنورهـ يعطيك العافيه

والله يجزاك بالف خير..!

اخوي محمد الطميحي الله يجزاك بالخير..

بالنسبه للصيانه عندي قريب لي يعرف فيها وان شاء الله ينحل امرها

لان افكر انو يشتغل عندي وراح اكلمه.. الين اشوف الوضع تمام..

وبالنسبه لراس المال تقريبا 50000 لكن انا اسأل هل يمكن اشتري بالضاعه بالتصريف يعني اخذها من المندوب وينتظر الين ابيعها والا شلون وكيف علما باني من سكان المدينه المنوره..
ياليت تفيدني اخوي بالنسبه للبضاعه