السلام عليكم ورحمة الله وبركاته
ساعدوني يااخواني واخواتي اكتشفت ان عقد عملي في الشركة اللي اشتغل فيها رقم السجل المدني حقي مكتوب خطأ هل هذا في اي اشكالية علي من ناحية مكتب العمل او التأمينات الاجتماعية ؟!
ان اخشى انه يضيع مبلغ التأمين اللي يستقطع شهريا من راتبي ويحفظونه التأمينات لصاحب رقم السجل المدني المكتوب خطأ في عقدي وانا مايصير لي شي في التأمين !!
هل ممكن ان يكون ذلك وماهو الحل ؟وماهي المشاكل الأخرى المحتملة بسبب خطأ كتابة رقم السجل المدني ؟
ودمتم بأمان الله

الله يستر عليك ..........

أخوى لا تعطي المشكلة أكبر من حجمها..... بالنسبة للتأمينات يطلبوا صورة من الهوية والمفروض أول ما يتم تسجيلك توصل رسالة على جوالك واذا تبي تتأكد ادخل على موقع التأمينات و اتصل على الرقم المجاني الموجود في الوقع اثناء ساعات العمل الرسمي واستفسر عن تسجيلك وكم راتبك المسجل عندهم ومن متى واذا عندك وقت زور المبنى اعطيهم الهوية واطلب برنت عن بياناتك يعطونك بدون اي مقابل، اما بالنسبة للخطاْ من الناحية النظامية اهم شيء اسمك الرباعي صحيح وتوقيع المدير وختم الشركة ولو يكون مصدق افضل، واذا تبي ضمان أكثر اطلب منهم خطاب تعريف إلى أي بنك راح يسجلوا جميع بياناتك صح في الخطاب (السجل - تاريخ تعيينك - الراتب)واحتفظ فيه كضمان لك في المستقبل،،،،


تحياتي،،،

ارجع لهم يصححوه لك

وزي ماقالك الاخ ا
خل على موقع التامينات الاجتماعية وشيك انت مسجل او لا