السلام عليكم ورحمه الله وبركاته

كيف حالكم جميعاً

يا جماعه انا ادرس بجامعه الملك عبدالعزيز انتساب توني الحين بالسنة التحضيرية

بس المشكلة اني ابي ادخل العسكرية و توهقت

ما ابي اترك الجامعه لو شي يصير اول مرة انقبل بجامعه بالمملكة كلها
وفي نفس الوقت توني لاقي لي واسطه بيدخلني العسكرية رغم ان عندي ( ضغط و سكر )

تكفون اللي يعرف قوانين الجامعه كيف يعني اقدر اوقف الدراسة الفصل هذا والفصل الجاي
وبعد كذا اكمل دراستي ما ابي اسحب ملفي وبعدين يحرموني نهائي من الجامعه

والله ماعندي معرفه بمثل هالامور , لكن فكر زين قبل لا تقدم على اي خطوة الواسطات هالايام سوقها طايح

للرفع ...دبرني معاااك

والله الي اعرفه انه فيه نظام اعتذار لمده ترمين
بس هذا في الانتظام بس الانتساب والله ما عندي علم
بس انتبه لا تتوهق وتترك الجامعه وما تنقبل في العسكريه لا انت من جامعه ولا انت من عسكريه
والمثل يقول {خلك على قردك لا يجيك الا اقرد منه}
وبالنسبه للضغط والسكر على خبرتي مو مشكله
والله يوفقك

آآآآآآآآآآآآآآآهـ

احترت زيادة المشكلة ما قدامي الا العسكرية ما فيه شي
ابي اتزوج ملييت عزوبي
وبشوف العمادة حقت الانتساب وش يقولون

الانتساب غير مجاني
لذلك أتوقع يوجد مجال للتأجيل , بالتوفيق لك

وان شاء الله نفرح معاك بالوظيفة والشهادة والزواج

" اللهم آمين"

اخوي وش القطاع العسكري الي بتروح له ..

اخواني راسلت عميد شؤون الطلاب وما قصر رد علي على طول
بس قالي ان موضوعك من اختصاص عمادة القبول والتسجيل

راسلت عمادة القبول والتسجيل بس ايميلهم يا خربان يا مليان المهم ان فيه بلوى
وجنني

لا حول ولا قوة الا باللة اليوم يبدا التسجيل في الحرس الملكي