السلام عليكم ورحمة الله وبركاته


حاب استشيركم بمشروع معروض علي ولي اكثر من 48 ساعه ومخي شغال فيه

توجد بقالة لتقبيل بقيمه 55 الف ريال بالكامل

المحل عباره عن محلين ويوجد بها بضاعه متوسطه او اقل من ذالكـ

على شارع أربعين

عمر البقاله اكثر من 8 سنوات يوجد بالبقاله

ثلاجة بيبسي و كاكولا و المراعي وثلاجه عاديه وثلاجة جالكسي وثلاجتين ارضيه كبيرهـ

وفيه ارفف بجوانب المحل و وسط المحل لعرض البضاعه

وحصلت العامل الهندي وجلست اتكلم معه عن المدخول اليومي للمحل

ويقول المدخول اليومي من 900 ريال الي 1200 ريال

والبقاله شكلها تعبان جداً يعني يبيلها ترتيب وتضبيط و لوحة جديدة و وضع قزاز في واجة المحل لعرض البضاعه

وينقص البقاله بضاعه كبيرهـ

يعني لو البقاله مليانه بضاعه اتوقع والله اعلم انها راح تدخل اكثر من 2500 ريال باليوم الواحد


اكثر شي عجبني في الموضووع آجار المحل 8000 ريال والأيجار شهري عباره عن 666 ريال كل نهاية شهر هجري


انا في حيرة من آمري بخصوص هذا الموضووووع

علماً بأن المبلغ الموجود معي قرض من البنك ومدة خمس سنوات

صافي ربح البقالة 12% من المبيعات

اذا بتوفي معك على خطة التطوير اللي انت حاطها فاتكل على الله

تأكد ان البقالة ماعليها ديون لشركات
واتفق معه عن الديون اللي لها هل هي لك او لة عن ال الحلال والحرام

لكن 55 اشوف انها كثيرة

اتوقع ال 35 الى 40 هذا حقها

والله يوفقك

حبيبي صدى الحرمان شوف انت روح اجلس في البقاله اذا كانت باقي شغاله وشوف كيف شغلها اجلس ابو ثلاثه ايام شوف الدخل وشوف الزباين وش الشيى الي يسالوا عنها وماهي موجوده في المحل
وصلي استخاره قبل الاتاخذها و حاول مااتصرف الفلوس كلها مره وحده خلي عندك مبلغ احتياطي
وربي يوفقك انشاء الله

اخوي صدى الحرمان اولا : ال 55.000 هذي حقت ايش اذا كانت الثلاجات مجانا من الشركة وعلى كلامك يبي

لها شغل

ثانيا : زي مايقولون لو فيها خير مارماها الطير يعني تعتقد لو فيها مكسب بيقولك العامل او حتى الكفيل بأن

ارباحها كذا وكذا وعندما قال ان ارباحها 900 الى 1200 اذا افترضنا انه صادق في مايقول فهذا يعني بانه ليس صافي الربح لأن الارباح في البقالات بالنسبة لصافي المبيعات ضئيلة جدا

ثالثا : بالنسبة للموقع هل هو مميز ليقبلها بالسعر المذكور اما اذا كان غير مميز فمالمانع بأن تفتح بقاله جديده بدون دفع مقابل تقبيل وما الى ذلك ؟ وماذا بجانبها من المحلات ؟ وهل هي في شارع رئيسي نشط ام خامل ؟ وما الى ذلك

اتمنى ذكر التفاصل لكي نتمكن من مساعدتك بقدر ما استطيع ولا تستعجل لا تستعجل لاتستعجل

وبالتوفيق للجميع ان شاء الله

راقب دخلها قبل الشراء لمدة أسبوع
وفقك الله

أخي انا اشوف المبلغ مبالغ فيه

تأكد هل على البقالة ديون على الشركات والمندوبين

هل يوجد بقرب البقالة سوبر ماركت او بقالات

إذا وفقك الله وأخذت البقالة حاول تطور من وضع البقالة مثلا تحوله لسوبر ماركت وتخليه اربع وعشرين ساعة وبعد ما تمشي امورك تشتري سيارة صغيرة للتوصيل الطلبات

إذا بدأت بالبقالة لاتفتح حسابات مديونية غير بعد مايكون معك مبلغ أحتياط

وفقك الله

اخوي 55الف مسويه لك احسن بقاله كل ماعليك دور الموقع الممتاز وبالنسبه لثلاجات من الشركات مجانا والله الموفق