مسائكم /صباحكم أحساس ومحبه
أسفه جدا ع التأخير
وأشكر حنون ع الموضوع الرائع جدا
كنت متابعه لكن بصمت
والشكر موصول لأخي هيبة فنان لأختياره همسة الأحساس
ولكل من انتظرني
وبصراحه هذا احساسي ع السريع اخترته لأني احتمال
مأكون متواجده الفتره الجايه
......................
للقب
همسة الأحساس
عمر احساسك
الاحساس ينولد مع الانسان لاكن احساس الشعر من ثلاث سنوات تقريبا
اكتب لنا تعريف للإحساس ؟
الاحساس شعور ينولد مع الانسان لكن قد يموت
اذا افتقد الحنان
أبيات ترحيب من اختيارك أو كتاباتك ؟؟
يا مرحبا ترحيبة ترفع الــــــــراس
نفخر ونذكر في وجود النشاما
ترحيبة من قلب وشعور وإحساس
ريح النفل منها وريح الخزاما
أبيات حب ؟
محدن قدر يجيب اقصى دموعي
الا انت لامن غبت يسري بي الدمع
حتى طبوعك غيرت لي طبوعي
انت الغلا والحب والشوق والطبع
تبي مكانك؟ قم وطالع ضلوعي
حرام انك ماتفارق ولا ضلع!!
أبيات عتاب ؟
روح ولا ترجع ولاني مناديك **** درب الجفا لامن بغيته تدله
أبيات شوق ؟
ياللي مفارق يشهد الله فقدناك
تعال باسم الحب جرحي خطيري
أنا غريق بالهوى هات يمناك
في زحمة أمواجك تعذر مسيري
مشتاق بالحيل يا كود فرقاك
عن ذكريات الحب وين العشيري
أرفق بقلب تالي الليل ناداك
وقتي حداني في هواك استخيري
أبيات وداع ؟
انتهينا مابقا شي نقوله
لايظيع الوقت في كثر الكلام
كل منا بان للثاني ميوله
الصراحه ماعتقد فيها ملام
ساعة الفرقا ع اللقيا عجوله
انتهينا وانتهى ذاك الغرام
فرحتي من خلقت الدنيا عجوله
الامل فيها تلاشى في السلام
خل يبقى حبنا بأجمل فصوله
الفراق المنتظر مسك الختام
لاتعتذر ماعدت أنا حمل إعتذار
........ لاتعتذر منّك تعوّدت الجروح
لاتعتذر وإنسى أمانة اللي صار
....... لاتعتذر دنياي ماعادت تنوح
وش احساسك لما يوصلك هذا البيت وش راح ترد
لا تحسب اني عقبكم في ندامه
ماني على حب المقفين ندمان
من باعنا بالرخص نرخص مقامه
نشطب عليه ونتركه دوم عنوان
إن ضـــــــــــــــــــاقت الدنيا .... بعيني نصيتك
أجيك كني ....... مبتسم لي زمـــــــــــــــــــــاني
تبقى القلوب كبــــــــــــــــــــــاار .... مهما جفيتك
ويبقى ..... غــــــــــــــــــــلاك بداخلي ماجفاني
نبي تحط لنا رد على هذا البيت .. في بيت من اختيارك ؟؟
حط جرحك وسط قلبي واستريح
وارمي همومك علي وخلها
خل واحد مننا يصبح جريح
وواحد يعيش الحياه ويفلها
هو صحيح ابتكثر جروحي صحيح
لكن جروحك من اللي يلمها
شاعرك المفضل ؟ وأبيات من أشعاره قريبه لـ قلبك واحساسك ؟
ابن فطيس _سعد علوش _فهد بن مساعد _ايضا حامد زيد وأي شعر فيه حكمه
((الجمهره ))
مشكلتي إني ماعرفت أحسب لصدتهم حساب ** قلطتهم صدري علـى ذكـري قصيـد وحنجـره
صوت ٍ يصول بمنبره واخطاب مامثله خطاب ** والطيبه اللي زعزعت صوت الخطيب ومنبـره
مافيه دمع ٍصوبوه أحبابي بوجهي وخـاب ** ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب ** واللي بقالي من عذاب اشرس طريقي وأخطره
لأني تجنبت الغرق عديت من فوق السحاب ** لأن أكثر أصحابي ورق ماشفت للطيـب إثمـره
والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب** وأذا خويـي مايقـدر خوتـي ماأقـدره
عقب أكتئاب البارحه ماعاد انا حمل إكتئــاب** الطيب جرجرني وانـا مانـي بناقـص جرجـره
اللي يخاف من الظما يترك لنا طرد الســراب** واللي ماهـو بقـد الظـلام ووحشتـه لايسهـره
انا تجرعت الظما لين أحترق وجهـــي وذاب** انـا كسـرت بخاطـري قبـل الصداقـه تكسـره
انا أكثرأنسان تعلم من كثر ماأخطأ وصـــــاب ** انا أخر (لسـان) يتكلـم فـي زمـان الثرثـره
جفني وجرّحه السهر ، حيلي وهدّت الصعاب ** دمعي هدر،ضحكي ندر،عمري وضيعت أكثـره
شيبت بعقول العرب..هيبت روس ٍ ماتهاب ** جمهـرت نـاس ٍ عمرهـم مايعرفـون الجمهـره
ماصرت ذيب إلا لأن اللي تحدوني ذيـاب** مـا كنـت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب ** أن مانطقـت بهـا بوجهـه ماتذمـه بظهـره
ودك اليامن جاتك الغلطه من الناس القـراب ** الصاحـب اللـي ماكسبـت محبتـه ماتخسـره
نبي احساسك بهاللحظه توصفه لنا بأبيات ؟
الصمت يكفي ويشفي صدر راعيــه
لا صار كل الحكي ماله معانـــــــــي
والقلب ما عاد تعنيه المشا ريـــــه
و العين ماعاد تغريها الامانــــــــي
ياليت حزني مجرد دمع وابكيه
ماهوب عايش معي بين المحانـــي
ماهوب يظهر علي واحاول اخفيه
و تصير نظرات حزني هي لسانــي
مدري ذكرني زمان كنت ناسيـه
مدري ذكرت الزمان اللي نسانــي
انت انسان حساس؟ اوصف لنا مدى حساسيتك؟
بقدر ماتحمله الكلمه من معنى انا انساانه حساسه جدا
صوره تعبر عن احساسك ؟
وش اكثر احساس تحسه بهالايام ,, مع أبيات معبره لهذا الاحساس ؟
مجبور اعايش غربةٍ بـ اسم الأحساس
وأجامل الأحزان بـ اسم السعاده
وأحيا بـ رجوى مقبل العمر لا باس
وأصبر على حكم القدر والقراده
متفاولٍ بالخير مبعد عن الياس
وأجاهد الحظ الردي بالأراده
وفي النهايه
مساحه لك ولإحساسك ؟
وش آخرك يآ ضيقہ البآل [ قولي لي ] ..؟
تعبت أردد وأقول : الحآل مستورهـ ..
إن جيت بـ اشكي لقيت الكل × يشكي لي × .. !
وإن قلت بـ تهون زآد الوقت في جورهـ .. ~
.....................
أترك الاختيار لصاحبة الموضوع
26-11-2009, 03:41 AM
العرض العادي
