..












اللقب


زيدان ..


عمر احساسك



مع إيقاني واستيعابي لمفهوم الحياه ..

أي منذ مراحل الطفوله المبكره ..




اكتب لنا تعريف للإحساس ؟






الإحساس وانا اصفه اشعر وكانه منظومه من المشاعر والخلجات تصدر من الوجدان


لااستطيع تحديد ملامح الإحساس جيدا ولكنه بإختصار ..



خلاصة الصدق ..




أبيات ترحيب من اختيارك أو كتاباتك ؟؟

..

يامرحبا ترحيبةٍ تقطع البيد
ترحيبةٍ وسع الفيافي رحبها

تسلّلت بين الوله والتناهيد
لين استقلّت عن محاني تعبها








أبيات حب ؟



إيه احبك ولا للحب صحوة ضمير
أي صحوة ضمير اللي تميت القلوب

إيه احبك ولاني في الهوى مستخير
دمي اخضر ومن دمه خضر مايتوب

لو تكون الخطايا في حياتي كثير
انتي اجمل خطيّه في حياة الذنوب

كلما جيت ابمشي واهتدي واستخير
وابتعد عنك ترميني عليك الدروب

صرت هاك السجين اللي هروبه يسير
من سجونك ولكني رفضت الهروب

جيتك ارهقني الدرب الطويل القصير
جيتك بكل مافي سيرتي من عيوب

انتي البرد .. ثم البرد .. ثم السعير
وانتي الفجر ثم الفجر ثم الغروب


انتي البحر .. والشاطي ملاذ الفقير
وانتي الصدق في ثغر الزمان الكذوب

انتي بلاد مجهول الوطن والمصير
وانتي ابعاد مستقبل حياة الشعوب




أبيات عتاب ؟



تعبت أضمّ البحر وأهدّي أمواجه
تعبت أجامل وأشوف الوقت يسرقني

شكواي للي عليه الضيق وأفراجه
اللي إذا شاء يرحمني ويرزقني

أما أنت يا أبو جبين عقّد حجاجه
لاعاد تسأل .. علامك ما أنت طايقني

الناس كلٍ على دربه ومنهاجه
وأنا عن الناس مابه شيء يفرقني

بس إني دايم أحب الصدق وأواجه
مخلوق .. والله على هالوضع خالقني

حتى رفيقي ضماد القلب وعلاجه
على كثر ما أتمسك فيه صدقني

لو أدري إنه مرافقني على حاجه
لأمسكه حاجته وأقول فارقني





أبيات شوق ؟




اذكر مقطع بسيط للبدر ..


.. والله .. ضلوعي مبلّله .. بالشوق ..





.
.




وهنا ابيات اخرى ..

..

يا راحة البال وين القاك وآهاتي صواديح
والبارحه قيض والليله شتات وبكره اوهام

يا سلوة الخاطر المتكدسة فيه التباريح
استعمرت روحي الآلآم .. يلعن جدّ الآلآم

اشتاق لك كثر ما يشتاق صالح للمراجيح
كثر اشتياقه لاذان المغرب ان شارطته وصام

واشتاق لك كثر ما يشتاق جدي للتروايح
الله يطيّب ثرى قبره ويرحم ذيك الايام

واشتاق لك كثر ما تشتاق الايدي للمسابيح
وكثر اشتياق العراق وشعبه اليائس لصدام

وشلون ما اغيب واطلال الأمل فيني مذابيح
والحزن ساجد على صبح النوايا لابس حرام

صدري ( وجار ٍ) حرقه الجمر ، وضلوعي ( مراويح )
وانا اتنفّس ( رماد ) عروقي اللي صارت ( ركام )






أبيات وداع ؟




إشتياقي ياهلي شوق الثرى للما
للمواجه قمت ارش العطر بثيابي

آآه ياسلمى حروفي والقصيد اسما
كل ما ذريتها يعشوشب كتابي

والطعون اللي تناشل روحي الكلمى
من سبايب غربتي ماهي من اسبابي

قلت لك وانتي بكيفك عاد ياسلمى
والله الله في هلي واصحابي اصحابي

قبل يشتاخ النهار ويفقع الظلمى
وقبل مايهتز عرشي فوق ترحابي





لاتعتذر ماعدت أنا حمل إعتذار
........ لاتعتذر منّك تعوّدت الجروح

لاتعتذر وإنسى أمانة اللي صار
....... لاتعتذر دنياي ماعادت تنوح




وش احساسك لما يوصلك هذا البيت وش راح ترد


..

من يقول المدينة.. لك نهاية.. مطاف ؟
ما درى ان المدينة .. لي بداية.. تعَبْ..!

ما غصبتك عليها .. وانت نفسك ،تعاف..
هذا .. انا عفت نفسي ، من هواللي غصَبْ..؟

أنهكتني .. وانا اكذب (ما عليّه خلاف)
لا عليها السلام .. ولا عليّه عتَبْ..!

شفني انسان متذمّر .. من انسان (جاف)
لا حديثه حديث ، ولاسكوته (أدَبْ)..!

وانت ، بينك وما رفرف بـ عينك وطاف
والمآذن و زمزم والمشاعر(نسَبْ)

افتقدتك.. و حالك زي حالي كَفَاف..
واكبر احلامنا .. عيد و (طَواقي قَصَبْ)





إن ضـــــــــــــــــــاقت الدنيا .... بعيني نصيتك
أجيك كني ....... مبتسم لي زمـــــــــــــــــــــاني
تبقى القلوب كبــــــــــــــــــــــاار .... مهما جفيتك
ويبقى ..... غــــــــــــــــــــلاك بداخلي ماجفاني



نبي تحط لنا رد على هذا البيت .. في بيت من اختيارك ؟؟



..

يالبسمه اللي تمطر الفرحة على روس الهضاب
يالنسمه اللي تطرب الورقا على الغصن الرطيب

ي الذ من طعم العسل وازكى من ازهار الجناب
واحلى من السكر ليا من ذاب في كاس الحليب

غيبت عن ظلك وصار الدرب بغيابك سراب
واقبلت مثل الريح مثل البحر والموج الغضيب

قلت العن الغيبة واجدد لك مواعيد الصواب
واشب لك من سدرة اضلاعي مواقيد النصيب

وامطر بلا راعد ولا بارق واجي مثل السحاب
اسقي عروقك حب وآنسيك عثرات المغيب




شاعرك المفضل ؟ وأبيات من أشعاره قريبه لـ قلبك واحساسك ؟



..

بالنسبه لي سماءي زاخره بالكثير من النجوم ..


بالتأكيد ..



بدر بن عبدالمحسن





والحميدي الثقفي وعبدالله بن عون ونايف صقر وعبدالله سعيد الحارثي و مهدي بن سعيد وكثر

غيرهم ..



..



إخترت هذا المقطع للحميدي الثقفي ..



والله ياديما ..
مااسامح اسلافي ..!!

أخذوا الأيادي ..ما ..
خلوا سوى اكتافي ..!!

أمشي كما الأعمى ..
قدامي خلافي ..!!

والنور والظلما ..
حملٍ على اكتافي ..!





..




على خيال الما ..
هذا الحجر طافي ..


كل النسا : سلمى
وكل الرجال : وافي

لاصارت الأسمى ..
تلمس وتنشافي ..!!







نبي احساسك بهاللحظه توصفه لنا بأبيات ؟


..

رخو هذا الليل .. هذا الليل اناني
كل حزنٍ يشتهيني فيه طاح

ادخله مشبوه وجهي بالاماني
واخرج ووجهي مشوّه بالصباح

صاحبي لو تقدر الليلة تراني
كل جرحٍ ضاق بك .. فيّ استراح

آه .. من شيخ الظلان اللي جفاني
نام جفن المفردة والجفن ناح

لاذ بي ملح العطش واروى مكاني
مد لي كف الذهول المستباح

داخلي عصيان واطفال وأغاني
لحن بدو .. استوطنوا ظل الرياح




انت انسان حساس؟ اوصف لنا مدى حساسيتك؟



ربما ..


بعد الف لايمكن وبعد الف لاباس
كلمه .. لو اقولها تبني بدايه

ماقلتها والغضب مشوْبّ الانفاس
وابليس يقبض تلابيب الجنايه

فاض الردى واعتصمت بكل نوماس
مذكور فـ اهلي وربعي واصدقايه

والا انا طفل كله قلب واحساس
اغرق بدمعه واغرد من حكايه





صوره تعبر عن احساسك ؟

هي صورتين اراها معبره بالنسبه لي ..


..

..

..


وش اكثر احساس تحسه بهالايام ,, مع أبيات معبره لهذا الاحساس ؟



..

دوماً ..


إلا أنا وانا افرد الحزن واطويه

ما اذكر لغير الله وطيت راسي

من يوم ميلادي بدت رحلة التيه
اكبر ويكبر داخلي جرح قاسي

ابني الأمل ثم اهدمه وارجع ابنيه
طموحي اكبر من مسافات ياسي

اعرف متى ؟ واعرف لمن ؟ دمعي اهديه
لحظة يقين تشدني لالتباسي

فيني وطن ماله زمن والتقي فيه
وارسم ملامح فيه لاهلي وناسي



وفي النهايه
مساحه لك ولإحساسك ؟


سأختم بـ / صاح بي / صاحبي ..



..




صاح بي .. صاحبي .. والليل حبرالكتابه
كيف نرسم وطن للمتعبين أغتراب

كيف تطلع يدينك ... يارفيق الصبابه؟؟
وانت للتمر في شفتك طعم الغياب !!

قلت له ظلك الناضح ... بريق ومهابه
اطعن الظل واكتب من دماء الجواب

من رقا نخلة الدفتر ... وشق السحابه
تغسله باحتمالات المطر والتراب

كل ما خدرت ... صحو السؤال // الإجابه
سال قيظٍ تشجرمن ضلوع السحاب

فوق نخلٍ جنوا طلعه ... وخانوا ترابه
وارتدوا فوق ثوب الطين / طين الثياب

صبّي الغيم ياسلمى .. لناسً غلابه
من عطشهم على الما يحلبون السراب

اظهري مثل نفحة برق .. والفجرغابه
واختفي مثل ورده في ظنون الكتاب

غصنها يعزل الما .. من سراب التشابه
والنسانيس ترسم به نوافذ وباب



..



نهايه ..

سأضع ورده هنا لحنين ..

ولجميع من يمرّ من هنا ..



تحيّه ..