15-11-2009, 10:22 AM
|
عضو مهم
|
|
تاريخ التسجيل: Aug 2008
المشاركات: 202
معدل تقييم المستوى: 1277
|
|
[align=center]بسم الله الرحمن الرحيم
عدنا إليكم من جديد
وبناءً على طلب الأعضاء سأحاول قدر المستطاع شرح طريقة التربية لكل نوع ... بالطريقة اللي كنت أنا أربي طيوري فيها ... وبطريقة سهلة ومبسطة
وسنبدأ بإذن الله مع الطائر الأول
البادجي
ينقسم البادجي إلى نوعين أساسيين :
البادجي الأسترالي :
أصغر في الحجم .. أسهل في التربية .. ويتميز بغزارة الإنتاج .. والقدرة التامة على العناية بالصغار من الفقس حتى خروجها من العش
البادجي الإنجليزي:
أكبر حجما من الأسترالي .. وأقوى جسديا ...ولكنه أقل انتاجا ... ويحتاج إلى عناية خاصة في التربية فهي قليلة الاهتمام برعاية صغارها الرعاية الكاملة
وهناك نوع ثالث قام المربين بإنتاجه من تزاوج النوعين السابقين لينتج لنا ما يسمى
بالبادجي الهولندي :
ما يميز هذا النوع النوع أنه حمل الصفات الايجابية من كلا النوعين الأسترالي والانجليزي .. يمتلك جسم قوي .. غزارة الانتاج .. سهولة التربية والرعاية
والآن بعد ما عرفنا أنواع البادجي
هذه دراسة مبسطة حول تربية وتكاثر 20 زوج من طيور البادجي
تحتاج هذه الأزواج إلى غذاء بقيمة 500 - 700 ريال يكفيها طوال سنة كاملة
يفضل شراء الطيور من مربين محليين موثوقين ... إن لم تجد فيمكنك إذا شراءها من محلات بيع الطيور
ملاحظة : هناك بعض المربين يقولون انتبه ترى اللي تشتريها من المحلات هذي ما تنجب أو عقيم أو ... أو ... أو
لا تسمع كلامهم ............... كله بكش × بكش
لمن تروح محل الطيور أول شيء تسويه إنك ما تبين للعامل اللي في المحل إنك أول مرة تشتري عشان ما يغشك.. لا .. أدخل وانت واثق وأسأله!
صديق .... فيه عندكم طيور استرالي منتجة؟
الهندي : ايس فيه؟
تقله : أبغى طيور منتجة ... ماما بابا سوا سوا بزورة
الهندي : يحك راسه شوي ... وأكيد سيكون رده .. لا بابا مافي
هنا ترجع وتقله : طيب أبغى 20 زوج بادجي من اللي عندك هذه اللي في القفص الكبير
وتتفاوض عالسعر وتبدأ على حسب معلوماتك وبمساعدة الهندي تختار طيورك
أفرض حسب لنا الزوج ب 80 ريال
إذا 80 × 20 = 1600 ريال
كيف تختار الطيور ..؟
طبعا أول شي أوقف بعيد شوي عن قفص الطيور وخليها تهدأ ... وراقب وراقب وراقب
قد تصادف أزواجا متوالفة وجاهزة .. على طول تقول للهندي
صديق جيب هذا وهذا
إذا ما صادفت ذلك عليك إذا مراقبة الطيورة مرة ثانية وتعيين أنشط الطيور في القفص وأقواهم وأرشقهم وأصحهم من خلال نظرتك للطائر
وكل ما أخترت طير ... أرجع وخلي الطيور تهدأ وكرر العملية
أبتعد عن الطيور صغيرة السن أوالطيور التي دائما ما تكون في أرضية القفص أو اللي تلاقيها قاعدة على عصاية القفص وما تتحرك .. أو تتحرك بس كل وقفت يكش ريشها .. أو يكون برازها (أعزكم الله) سائل .. أو يكون هناك انتفاخات في الوجه أو لزوجه حول الأنف
كيف نفرق بين الذكر والأنثى في البادجي:
العلامة التي يعتمد عليها جميع المربين في العالم هي (الكير)
الكير : منطقة لحمية حول الأنف
وتأتي في الطيور الصغيرة غير البالغة باللون الزهري
أما الطيور البالغة
ففي الذكر البالغ (عمره فوق 8 أشهر) : يأتي الكير باللون الأزرق اللامع
أما في الإناث البالغة (أعمارها فوق 8 أشهر) : يأتي الكير باللون البني الداكن
علما بأن هذه الطيور تبلغ عند اتمامها لشهرها السادس وتكون قادرة على التزاوج والأنتاج والتكاثر
مو شرط تشتري كل طيورك من محل واحد .. حاول شراء أفضل الطيور ولو تعددت المصادر
أشترينا الطيور
جاء دور الأقفاص
يحتاج هذا النوع من الطيور إلى أقفاص مقاس 30 * 30 سم .. تقريبا
يفضل الأقفاص الحديد أبو اللي تحطلها أكل ومويه من خارج القفص (سعرها جديد أعتقد ب 20 ريال)
أو الأقفاص العادية ذات الأرضية البلاستيك (أبو 10 ريال)
كلها تنفع ولكن الأولى أقوى وأجمل في الشكل
تشتريلك كرتون أقفاص ... أعتقد والله أعلم يجي فيه 20 قفص
النوع الأول الحديد ب 350 ريال
النوع الثاني ب 200 ريال
ولا تنسى أشتري سقايات خارجية ... فهي أفضل عشان تبقى المويه فترة أطول وما تقتدر الطيور تلوثها
أشتري نوع وسط .. يحسبلك الاثنين ب 5 ريال
جاء دور صناديق الأعشاش :
أفضل مقاس صندوق عش هو 18 × 18 × 25 سم
لكن اللي عند صاحب المحل طيبة ... أشتري منه 20 صندوق
الصندوق ب 5 ريال
20 × 5 = 100 ريال
خلاص أشترينا الطيور والأقفاص والسقايات والأعشاش ... دق سلف وانطلق عالبيت
وانت رايح ... مر على أقرب عطار وأشتري منه ب 15 ريال ما يسمى ب (لسان البحر)
حاول تختار قطع كبيرة وطويله ونظيفة ...
وكمان على طريقك مر على أقرب كفتريا (بوفيه) ... وأطلب من الهندي يعطيك قشر بيض (اللي مرمي عنده) .. خذ منه قد ما تقدر
وكمان على طريقك ... شفلك أطرف عمارة قاعدة تتبني وخذلك من الرمل (مو تراب) تبعهم شويه في كيس (رمل يكون مو ناعم ناعم ولا خشن خشن .. وسط)
ومر على أطرف منجرة وخذلك من عندهم شوية نشارة خشب خشنة (مو ناعمة)
وخلاص
ألحين شغلنا كله في البيت
نروح .. نضبط براد الشاي ..
ونبدأ
نركب الأقفاص
وبعدين نركب الأعشاش ويكون العش من الخارج عشان:
1- سهولة تفقد العش
2- سهولة التنظيف
3- نترك مساحة أوسع للطيور داخل القفص
لازم يكون العش مثبت تمام في القفص (ما يهتز) وإلا لن تبيض الطيور لأنها ستشعر أن هذا المكان غير آمن لبيضها وصغارها
نركب السقايات الخارجية ونزيل السقايات اللي تجي مع القفص
ونجيب (لسان البحر) ونقطعة إلى قطع متساويه بطول (اصبع السبابه) ونثبت قطعة في كل قفص تمام بسلك (نحاس)
فوائده :
يمد الطيور بالكالسيوم
يزيد من تحفيز الهرمونات الجنسية لكلا الطرفين
أرضية القفص تجيك فيها زي الدرج (ينسحب) لسهولة تنظيف الأرضية
هذا الدرج نسحبه ... ونجيب الرمله ونآخذ منها بأطراف أصابعك فقط ما يكفي لتغطية أرضية القفص (شويه بس لا تكثر)
فوائدها :
1- إن الطيور تآكل منها عشان تساعدهم في هضم الطعام
2- و تزيد من سهولة تنظيف القفص فبراز الطيور لن يلتصق بالأرضية
وبعدين نجيب قشر البيض بعد ما نجففه شوي في الشمس
ونكسره إلى قطع صغيرة (أصغر ما يمكن) ... بس مو تروح تطحنه!
ونضع قليلا منه مع الرمل ونخلطه معاها ونوزعه تمام في أرضية القفص
فوائده :
يمد الطيور بالكالسيوم اللازم
يساعد في تحفيز الهرمونات الجنسية للطرفين
نجيب نشارة الخشب ونأخذ قليلا بقبضة ونضع منها في أرضية صندوق العش (بحيث تغطي الأرضية تمام بمقدار أصبع)
فوائده :
تجميع البيض في مكان واحد (لأن الأنثى تسوي شبه الحفرة وسط النشارة)
اضافة إلى حماية البيض من الكسر عند دخول أو خروج الزوج من العش أو عند تفقدك للعش
يزيد من دفء الصندوق وخصوصا عند وجود فراخ
جاء دور وضع الطيور في الأقفاص
ما رأيكم بطريقة الشرح .............هل أكمل بنفس الطريقة؟ [/align]
التعديل الأخير تم بواسطة حضرمي كووول ; 15-11-2009 الساعة 10:25 AM
|
العرض العادي
