بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
انا يا شباب لي صديق مقدم في الحرس الملكي وعنده واسطة الا ان الرجال ممسكة معه انه
يدرس في التقنية او الاتصالات وكل ما قلتله عصفور في اليد ولا عشرة فوق الشجرة جلس يقولي
الدراسة ازين طبعا انا معه ان الدراسة افضل من ان يكون جندي لكن تكون الدراسة لها مستقبل
موب في التقنية والرجال موهب مقتنع مع العلم ان نسبته 75
فحبيت منكم التوضيح لمستقبل التقنية لانه وباختصار لحس مخي كل كلمة والثانية التقنية التقنية
ويقول ما ابغى جندي حتى لو انقبلت 0

والله ياخوي التقنيه ليها مستقبل بس على حسب معدلك لزم تجيب معدل قوي لمن تتخرج منها ولمن تخلص منها تخاد لك دورات انجليزي لان الانجليزي فيها ضعيف
التقنيه ليها مستقبل من ناحيتين انك تجيب معدل 4 وفوق وانك كل صيفيه تدخل معهد انجليزي حق تقوي الانجليزي تبعك هاي الى عندك انا واحد من الى درسه عندهم كان تخصص شبكات حاسب جبت معدل ممتاز التقدير بس السمستر الثاني طلعت منها لان ماعجبتني الانجليزي فيها ضعيف وانا واحد ابي اتعلم انجليزي

وعليكم السلام ورحمه الله وبركاته :

مستقبلها في حاله وحده اذا عزم انه يجتهد في دراسته ويأتي بنسبه مرتفعه .. ولا يهمل الدراسه مهما كانت

ومثل ماذكر اخوي سهم الروح لازم مع الكليه التقنيه يكون هناك دورات انجليزي مكثفه في الصيفيه يستغلها وبعد التخرج يستطيع بسهوله الدخول الى برامج التدرج مثل سابك , ارامكو , شركه الكهرباء , شركة مرافق , بترو رابغ , ساتورب - كثير جداً وكل الشركات مده الدراسه فيها بعد القبول سنه واحده ومميزات رائعه جداً .. اهم شي يكون مجتهد في دراسته + الانجليزي + يختار تخصص من ضمن تخصصات التدرج .. ولا تنسى يجتهد <<

وانا اشوف ان الرجال مايدخل العسكريه الا اذا كان مظطر لان العسكريه يبغالها واحد يصبر وتعب وايضاً مامعك شهاده سوى الثانويه العامه وتتعين جندي مو مثل زمان اول وكيل رقيب ^^.. والله يوفق الرجال دام هذي رغبته فالله ييسر اموره

والله لها مستقبل بس قبل اقول لك اللي انت سألت عنه
تعرف جامعة الملك فهد للبرترول والمعادن أكيد لا
كانت مستواى التعليم فيها مثل الكلية التقنية والآن من أفضل جامعات الشرق الأوسط
وهذا الكلام مو من فراغ اخذته من صحيفة الرياض قبل فتره قريت موضوع لكاتب عاصر الجامعه في قديم زمانها اكيد وضحت الصورة ارجع لسؤالك والله ثم والله الكلية لها مستقبل خطير خصوصا إن حنا في العصر الرقمي لكن لازم تكون الكلية تحت اشراف وزارة التعليم العالي مو المؤسسه العامه للتعليم الفني والتديب المهني وانا انصحك اذا دخلتها تجيب معدل وتكمل بكالوريوس في المستقبل لكن لا تعتدم على الكلية تعليمياً لازم تطور نفسك من الأنترنت في مجال التخصص بتاعك
بالتوفيق أخوي واتمنى لك مستقبل تعليمي رائع

بالتوفيق

سؤال للأخوان واحد من اخواني عسكري والحين يكمل الثانوي شرعي وراح يتخرج السنة هاذي انشاءاللة طبعاً متزوج ويبغى يطلع من العسكرية اي وظيفة اخرى في احدى الشركات اذا خلص يدخل الكلية التقنية هو ناوي يدرس لغة بس ايش تنصحونة يقدر يقدم عالبعثة هو نفسه فيها عمره 30 سنه مادري ايش تنصحونه يطور نفسة فيه لانه كاره العسكرية او تنصحونه يدخل انتساب جامعة الملك عبدالعزيز تخصص علم نفس ياليت تردون علي ...وتحياتي لكم ...

ياشباب وش رايكم تخخص إداره المستودعات هل تخصص له مستقل هل اقدر اكمل بكالوريوس
بعدين انا شرعي الحين دخلت كليه التقنيه بالحفر بس مشكله بس فيها تخصصين إداره المستودعات والتسويق سالت بعض الناس قالوووو إداره الستودعات احسن من التسويق أخذت اداره المستودعات بس له مستقبل ياشباب