موضوع قابل للنقاش

نور العيون · #1 (**permalink**) 22-05-2007, 01:21 AM

الكل بالموقع يتكلم عن البطاله والقصيبي يقولو ويقول ... لو يقدم استقاله احسن لة ووو....... الخ

البطالة احناصنعناها بأيدينا القصيبي ماله دخل لية نحمل الناس نتيجة اخطأئنا ؟؟؟

كم واحد منا نصحوه أهلة انه يكمل دراستة وينتب ها وطنش كلامهم ؟

كم واحد منا حصلت لو وظيفة براتب 1500 او 1200 ورفضها ؟

كم واحد رفض وظيفة مندوب ... وغيرها من الوظائف الي على قولتنا ماااتناسب مؤهلاتنا ؟؟؟

اتوقع كثيير بس مافي احد له الجرأة ويقولن انا واحد منهم ... تقدر تقول انا منهم؟؟؟

الاجانب والشركات والقطاعات الخاصة اخذوا فكرة عن الشاب السعودي انه ( دلوع امة) مستهتر كل يوم في وظيفة مو قد المسؤولية ما يشتغل بالشركة وكأنة يشتغل لنفسة ( يعني بذمة) صاروا يرفضون توظيف السعودي لهذا السبب لا اكثر

اضرب لكم مثل لثلاثة اشخاص اعتبرهم مثلي الاعلى بعد الرسول علية افضل الصلاة الي كان راعي غنم

بسم الله ماشاء الله

الاول : كان يبيع ملابس نسائية حتى يصرف على نفسة والحين راتبة 8000 الاف

الثاني : توظف بـ 1200 ودوامين والحين مدير شؤون الموظفين وراتبة 700 وشوي غير البدلات

الثالث والاهم : كان يبيع مسامير وشئ زي كذا والحين مدير علاقات عامة وراتبة فوق 10000 الاف

مع الملاحظه ( جميعهم من عائلات كبارية مثل ما احنا نقول ) واعرفهم شخصيا

جميعهم بدأو من الصغر ... ما اخذتهم العزة بس لوين وصلوا

هذا رئيي وما اظن انه يعجب البعض بس كل الي اقدر اقولة :

اللهم لاتغير علينا نعمتك
اللهم لاتغير علينا نعمتك
اللهم لا تغير علينا نعمتك

ارضى بالقليل يأتيك الكثير

ارجوا التثبيت

مليت وانا عاطل · #2 (**permalink**) 23-05-2007, 04:23 AM

اولا مشكوووور الله يعطيك الف عافيه

تعبت نفسك وانت تكتب الموضوع

طيب بقول لك موضوعي يالغالي

حبيبي انا تخرجت من الثانويه

وماحصلت وظيفة الا سكيورتي براتب 1300 ريال من غير بدلات

ودرست في معهد الخليج للعلوم التطبيقيه

وصرت اشتغل في الصباح وادرس بعد العصر

الف ريال للمعهد و300 ريال اصرف فيها على نفسي لاني كنت عزوبي بعيد عن الاهل

حتى انتهى المشروع اللي كانت تنجزه الشركة واستغنو عن خدماتنا

الحمد لله تخرجت من المعهد

وقعدت ابني احلام وطموحات من ورى هالشهاده

لكن ما اقدم في مكان اللي يقولون نتصل عليك

اشتغلت معقب براتب 2000 ريال بالشهر بسيارتي الخاصه

ولما كنت في طريقي لاخلص معامله للشركة صار ماس كهربائي واحترقت السيارة والحمد لله اني طلعت سالم ومعافى

ولما رجعت لهم طبعاً في اليوم الثاني لاني ماقدرت ارجع لهم بعد نهاية الدوام

قالو وينك ووين المعاملة وليش ماخلصتها

قلت لهم السالفه بس رغم انهم سمعو الموضوع

الا انهم خصمو علي

قلت انا لله وانا اليه لاراجعون

طبعا لا عوضوني بسيارتي ولا هم اللي عطوني سياره

صرت اشتغل كل صباح اصحى بدري واوقف على الشارع لعل وعسى احد المارين يوقف ويوصلني معه

كثرت التأخيرات وفصلوني بسب التأخير

شريت لي سيارة قيمتها 2500 ريال

واشتغلت معقب في شركة اخرى بسيارتي الخاصة

واثناء ذهابي لانجاز احدى المعاملات سويت حادث بسيط

وجلست السيارة بالورشة لمده ثلاثة ايام

بدون اي تعويض يذكر عن الحادث

وفصلوني بسبب تأخير يومين

بعدها توظفت في مؤسسة تعمل في مجال الكمبيوتر

وقعت على العقد ان الراتب شامل البدلات 3625 ريال

ولكن للأسف ما استلم الا 2000 ريال فقط لا غير

ويختلق الاعذار البسيطة لكي يخصم من الراتب وهو بالاساس مايجي كامل

لا تقول لي اروح اشتكي في مكتب العمل

اخي العزيز

لو هم يخافون من مكتب العمل ومن القصييبي

كان حسبو للسعودي 1000 حساب

والا مكتب العمل على راس وزيره مدري وش يبون

لو اشتكيتهم عند مكتب العمل بتاخذ اربعه شهور وانت تراجع فيهم

وبعدين تاخذ اربعه شهور ثانيه وانت تنتظر خصمك يجي

يارجال احنى مانبي المشاكل ولا نبي غير اننا نتوظف في وظيفه نرتاح فيها

تحياتي على موضوعك اللي مدري وش يبي

go0o0ory · #3 (**permalink**) 23-05-2007, 04:53 AM

اقتباس:

كم واحد منا نصحوه أهلة انه يكمل دراستة وينتب ها وطنش كلامهم ؟

و وكم واحد اخذ الماجستير و البكالوريوس جالس بيت أهله

اقتباس:

كم واحد منا حصلت لو وظيفة براتب 1500 او 1200 ورفضها ؟

و كم واحد راضي 1200و 1500 و ما أحد معبره

[QUOTE][كم واحد رفض وظيفة مندوب ... وغيرها من الوظائف الي على قولتنا ماااتناسب مؤهلاتنا ؟؟؟

/QUOTE]

و كم واحد رمى شهادته و تنازل عن شهادته حتى تناسب مؤهلاته العمل و ما احد راضي يوظفه

أتوقع كثير بس تلك الحقيقة ومريض القلب تجرحه الحقيقة هذي حقيقة السعوديين بس كلنا في البداية ما رضينا لكن الشكوى لله
و أنا ما راح تكلم عن غرب أنا راح أتكلم عن نفسي اركض و راء الشغل ركض لكن ما في احد معبرني و اعرف ناس كثير مثلي

و بالنسبة لمندوبات المبيعات فما اضن أن في أحد أهلها يرضون لها تسير مندوبة مبيعات إلا ما ندر حتى في القرآن راح تلقين أيه فيما معناها أني و ضعتها أنثى و ليس الذكر كالأنثى و بعدين أنا

أعرف سعوديين يشتغلون بشركات خاصة بذمة وضمير بدون ما يتبلى ع الناس أو يسرق أو يطرد الموظفين عشان يوظف أهله و أقاربه

و أظن من حق أي سعودي أن يبحث عن فرصة عمل مناسبة

جوررري · #4 (**permalink**) 23-05-2007, 05:12 AM

نور العيووون..جزاك خيرا...

--وأحب أقول عن نفسي بصراحه أنا الحمدالله بكالويورس ومعها العديد من الدورات والدبلومااااات..وأنا رضيت باالف ريال بس الف مارضى علي هههههي..

وعلى قولتك....كم واحد رفض وظيفة مندوب ... وغيرها من الوظائف الي على قولتنا ماااتناسب مؤهلاتنا ؟؟؟

مااعتقد في اهل ترضى ان بنتهم تجلس تلف على الجامعات والمدراس والبيوت والمحلاااااااات صح ولا لا...والمراه عزها الاسلام والافضل لها تكون بالبيت أو تعمل في مكان كله نساء....

ودمتمممم.......

وصدقت أختيgoory...

دبلوم صنايعي · #5 (**permalink**) 23-05-2007, 09:59 PM

انا لله وانا اليه راجعون

رحاال · #6 (**permalink**) 23-05-2007, 11:32 PM

نور العيون مع احترامي الشديد لك اعذارك كلها فاشله 100% ونقاشك فاشل.
يعني الان مافي شباب سعودي شغالين مندوبين مبيعات او محاسبين او بائعين الا فيه ناس كثيرين اعرفهم!!
حنا دوله بتروووووليه مو الصومال ولا ارتيريا وش سالفتك انتي؟
الالاف الشركات تفتح شهريا من اجل تطور الاقتصاد وتحطين العيب في السعوديين ما يشتغلون.
اعرف مهندسين بترول خريجين والله يشتغلون في مقهى كوفي هل هذا يعقل؟؟
وين حاجة الدوله في المهندسين وقبل شهر قريت بجريدة الرياض مهندس معماري سعودي شغال براتب مستخدم بتقريبا 1600 او 1750 هل هذا يعقل؟؟؟
طيب عندنا حنا شباب عندهم مؤهلات عاليه والشركات تتطلب هذا الشيء كيف انسان يملك ماجستير ويشتغل عامل انا ما اتوقع هذا الشيء يصير في االعالم كله؟؟

بعدين وش سالفتك على تكملة الدراسه يعني انتي ما تدرين ان عدد الطلاب السعوديين المبتعثين يقدر بحوالي اكثر من 55000 طالب اكثر من 55 الف طالب!!!

وطلاب اشوفهم بالتعليم العالي يترجون اللي ماسكين المناصب عشان يحصل له على بعثه يطور مستواه التعليمي!!!
وكم عدد الطلاب السعوديين الي يدرس على حسابه الخاص!!!

بعدين تعالي وش تقارنين انتي الي يبيعون غنم ومسامير يعني تقارنين قبل 50 سنه بالان زمن التطور الصناعي والمهني والتعليمي والاقتصادي!!! يعني تبغين الشاب يروح يبيع مسامير ويفتحله بسطه في الشارع !!! شيء يضحك والله العالم يشوفونه يقولون انت مجنون اعتقد !!!
للاسف عندنا طاقة شباب كامنه لكن ما صار اي استفاده منها!!

ومن قالك ان الشباب السعودي دلوع امه ليه شايفتهم انتي حاطين حلق ومكياج في وجييهم وماخذ رضاعه يشربها !!شفيهم في الشوارع يبيعون خضار وفواكه ونصهم تحت الكباري مريضين نفسيا بدون وظايف.

يا اختي روحي احياء جنوب الرياض وشوفي الفقر بعيونك والله شيء مقزز للغايه.

ارجوك اذا تناقشي موضوع ناقشي بعقلانيه وجديه ولا تناقشين بتهور .

يا اختي اعرف جامعيين والله العظيم متقدمين على وظيفة جندي!!! ما اعتقد في االعالم يصير زي ما يصير عندنا!!

انتي لا عشتي مع الشباب السعودي وللاسف معلوماتك قليله وغير متمكنه.
ولو تبغيني اطرحلك العباقره من الشباب السعودي كان طرحتلك .
يا اختي شوفي الاجانب اللي جايين من برا ومزورين شهاداتهم في الطب والهندسه (( اعتقد ما تقرين صحف محليه انتي ))
شوفي مشاكل الاجانب في التزوير والسرقات !!!

السبب وزارة العمل ما عندها سستم معين تتبعه مع الشركات وارتباطها مع الوزارات الاخرى. وكذلك مشروع المتاجره في تأشيرات الاجانب!!!
يعني انتي لا تقارنين الي يفحطون بالشوارع بالشباب المتمكنين كل قاعده لها شذوذ
وما الكامل الا وجه الله الكريم.
يا اختي شوفي ارامكو والاتصالات السعوديه وموبايلي والشركات البتروليه الضخمه والبنوك ارباحها بملايين وبعضها بالمليارات ومع هذا نسبة السعوده فيها اكثر من 80 بالميه هذا يعني ان الشباب سعودي فاشل ولا متمكن وجدي وذكي؟؟؟؟

اتمنى انك ما تزعلين لكن ناقشي بواقعيه اكثر

نور العيون · #7 (**permalink**) 24-05-2007, 04:04 AM

مليت وانا عاطل : اولا انت لو تعتبر الي انت فيه اختبار من المولى عز وجل كان ما جلست تتشكى للعالم وتدور لهم مبررات للي انت فية

ثانيا : انا اتكلم عن الي جالسين عاطلين عن العمل ما تكلمت عن الي تخرب سيارتة ويخصمون من راتبة وكل شوي في وظيفه

ثالثا: موضوعي الي انت تقول عنه ما يدري وش يبي مو مضطر انك ترد علية يا متعلم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ

هلا اختي جوري
بالنسبة للي ما خذين الدكتوراة وماجستير وعاطلين .. يستنون وظيفة بمرتب 10000 يبطون عظم

اما بالنسبة لمندوبة مبيعات شكلك معلوماتك خاطئة لانة بإمكانك تكونين مندوبة بس مو تتجولين في المدارس وغيرها فية وظائف مكتبية وانا توظفت فيها

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ

اما بالنسبة لك يا الاخ رحال انا ما اعرفك بس الكم سطر الي كتبتها كفيلة اني احكم عليك واردى منك الي يرد على مواضيعك لان مواضيعي وردوي مو واقعية يالوااااقعي

وبالنسبة للي راضين بوظيفة اقل من مستواه العلمي هذوني عندهم كنز القناعه الله يرفع من قدرهم دنيا واخره وهم خارجين من نقاشنا يا رحال لاني اتكلم عن الي ما رضوا مو الراضين ياذكي

الرسول علية افضل الصلاة ومنتو كفو اقارنكم فية كان راعي غنم وهو رسول الله

العقلانية تقول ان الانسان يرضي بما كتبة الله لة وان الانسان مبتلى
العقلانية تقول ارضى بالقليل ياتيك الكثير
العقلانية تقول انك تبدأ من الصفر مو من المائة
العقلانية تقول بعد كل فشل نجاح

هذى هي العقلانية

وبعدين اذا موضوعي مو قد مستواكم لا تردون علية يااخواني ترى الرد مو غضب ولا ترفيع كموم واستعراض عضلات

مع فائق احترامي للبعض

وظيفه لوجبر خاطر · #8 (**permalink**) 24-05-2007, 07:56 AM

ايجار غرفه بالرياض بالف وخمس مائه اواين بالنسيم اتوظف بالف ومائتين واين عايشين؟؟؟

رحاال · #9 (**permalink**) 24-05-2007, 12:59 PM

الانسان مبتلى!!! كيف ذي!!
كنز قناعة الدنيا وظيفه ادني مستواه!! الكنز هو ان تلاقي وظيفه تناسب مؤهلاتك والرجل المناسب في المكان المناسب !!!
طيب الرسول صلى الله وعليه وسلم كان راعي غنم هذا زماااان وشفيك انتي؟؟(( يعني الحين اروح اخذلي غنم بين العماير واقعد اقول هش هش في شارع العليا العام))

وربي نقاشك يضحك هههههههههه
مع احترامي قفل الموضوع احس انه مدري وش يبي

عاطل و متزوج · #10 (**permalink**) 26-05-2007, 02:56 AM

السلام عليكم ورحمه الله و بركاته

الاخت / نور العيون

الشباب في هذه الايام مصاريفهم كثيرة و اسعار السيارات في ازدياد و اسعار الشقق
في ازدياد و اسعار المهور ؟؟؟؟؟ واحد مجرب
و المصاريف الله الله الله الخضار و اللحوم ووووووووووو وا وا الي اخر
الموضوع تتكلمين عن 1500 ريال وش تسوي هاذي الايام ولا 3000 ش تسوي
الايام هاذي الله يستر من الغلا الزايد و لا رقابه

المفروض يكون راتب المواطن لا يقل عن 4000 ريال علي الاقل و يا الله يلحق
الله يستر عليك النقاش طويل و الوقت لدي قصير .
الامثله التي ذكرتيها كلها ( افلام هنديه ) مع احترامي لكي