السلام عليكم ورحمه الله وبركاته
تصدقون اليوم دخلت المنتدى وجلست افكر بأيش ؟؟؟؟
كم عدد العطالة الي في المنتدى ( الإحصائية ) .
نضرب مثل لو كان عدد العطالة في المنتدى تقريبا 2000 وكل عاطل يدفع مبلغ 500 ريال
توقعوا كم الناتج / يطلع الناتج = مليون ريااااااااااااااااااااااااااااااااااال
مليووووووووووووووون ريال وحنا جالسين من اليوم نفكر ونسولف ونستهبل ( كيف نسوي مشروع - من وين نحصل على المبلغ الخ )
طيب لو سوينا حملة جمع المليون ريال في المنتدى وبعدها نسوي حملة لأفضل مشروووع بنظر المفكرين والعقل التجاري ونطرحه في مكتب لدراسة المشاريع
وجميع التخصصات موجودة لدينا ............؟
انا متأكد الان وانت تقرأ هذا الموضوع تقول مستحيل ليش ما نخلي هذا الموضوع حقيقه
بدل ما نجلس يدنا على خدنا . ننتظر الى متى .؟
وبعدين مبلغ 500 ريال أتحدى شخص يقول ما عندي ....؟
اقل اقل شيء يبيع جواله طفران ومشخص بجوال n73 اقل شيء لو يبيعه حصل 500ريال
انا اتكلم وانا جاااااااااااد والله العضيم لو حصلت منتدى يسوي حمله جمع المليون والله العضيم لاشترك معهم خلونا نصير ( منتدى البطالة يجمع المليون لتنفيذ مشروع ) وتنزل في الجرائد والتلفزيون وخلوهم يشفون كيف حنا نقدر نعتمد على انفسنا .
تكفووووووووووووووووووووووون الي جاد يرد على هذا الموضوع ...؟ ويكتب بالرد يستطيع دفع المبلغ + مؤهلاته وخلونا نبدأ بجمع المليون ريال واذا توفر المبلغ توفرت الفكرة وتوفر كل شيء .
انا أول واحد ارد على موضوعي :
- استطيع دفع المبلغ وهو = 500 ريال
- دبلوم لغة انجليزية + دبلوم حاسب آلي

فكرتك جهنميييييييه ..

بس عندي فكره ثانيه لو نخلي التبرع هذا ..مثل الجمعيه

يعني نجمع الخمسمئاه شهرياا من كل الاعضااء
ونسلمها العضو الفلاني على حسب ترتيبه في القرعه شهريا
ونفتح لها مكتب ونخلي عليها مسئول معين يجمع الجمعيه ويوزعها شهريا
لو تطبق الفكره هذي راااح يصير المنتدى منتدى الهواااااااااامير مو العاااطلين

<<<<<<<<<<< على الله ماتصير مثل مساهمة بطايق سوى ..بنروح فيها

المهم .... ياخوي والله بغااامر معكم بــ500 ريال .. لا راح تغنيني ولا تفقرني .

وانا موااافق و ثاني من يسااااااااهم بـــــ500ـــريال ـ

وهذي سيرتي االذاتيه :-
_ خريج الثانويه التجاريه ..
_ ودبلوم ثلاث اشهر معتمد من الغرفه التجاريه
_ ودورتين بالحااسب الالي مصدقه
_وخبره في التعقيب والمحاسبه والتسويق
_وخبره في برمجة الرسيفرات والجوالات
_ و رخصه عمومي نقل خفيف + ونقل ثقيل
_ وسواق دينه بعد


ويالييييييت بقية الاعضااء يتفااعلو مع موضوع الاخ moon_nt

والله يعطيك الف عافيه والف ريال يوميا اخوي

تحياتي لك

أعزاءي .. وأخص كاتب الموضوع ..

أشجعكم على الفكره 100 % لكن ..

فيه موضوع بعنوان " سالفه .. ويمكن تقلب .. جد ..

مثبت بنفس القسم .. اقراؤه من أول صفحه إلى الأخير ..

وسهل جدا أننا نضم جهدنا وأفكارنا مع بعض ..

مجرد رأي شخصي .





وبالتوفيق ..

هههههههههههههههههههههه
شــي صــراحــه وانــا اقـرأ كــلامك
حسيت ان اللي خلف الشاشه واحد اسمه اينشتاين هههههههه
حــلـــــــوه الفـكــــره
وانا ماعندي اذا بتدخلوونا معكم يعني مو بس شباب ..
وبالتوفيق للجميع ,,

اشكركم جميعا على الردود
واتمنى من جد المزيد
بخصوص كلامك اخوي مشاعر عاطلة الموضوع المثبت سالفة ويمكن تنقلب جد = هذا موضوع سالفة واحنا نتكلم هنا عن موضوع جدي وليس سواليف وانا قرأت الموضوع من اوله الى نهايته كله سواليف .
عموما انا هنا اتكلم فقط مع الجادين
الشخص الواحد يدفع مره وحدة 500 ريال .
انا امس قبل ما انام جتني فكرة مو جهنمية بس :
الان بعد ما جمعنا المليون هل نستطيع اننا نسوي مشروع ؟ نعم نقدر بس انه يعتبر صغير
انا جتني فكره نقدر نخلي المليون ريال هذا يصير بعد تسعة أشهر إلى 40 مليون اقل شيء بدون مغامرات وبدون خسائر بإذن الله وفكره بسيطة بسيطة مره .
يعني بعد تسعه اشهر يصير عندنا مبلغ 40 مليون + دخل شهري = مليون ومائتين الف ريال شهريا .
نقدر نقول بعد تسعة اشهر نأخذ هذا المبلغ الضخم إلى احدى المكاتب والتخطيطات والمشاريع ونقول لهم عطونا جدوى اقتصادية لمشروع رأس ماله أقل شي 40 مليون
وبإذن الله تعالى بعده راح نسوي المشروع وراح كلنا نشتغل فيه من رجال ونساء وحتى عمال اجانب يعني 40 مليون راح تغير حياتنا من جد من خلال 9 أشهر انا متأكد انها تسعة اشهر وعلى حسب تخصصي بهذه الشغلة .
40 مليون + مليون ومائتين الف شهريا
الحين انا اناشد ادارة المنتدى وبكل قوة واصرار بوضع مشرف خاص لهذا الموضوع بحملة المليون ريال وجمعها ويكون هذا المشرف هو المسؤول عن المبالغ التي سوف ترده حتى يصل المبلغ الى المليون .
تكفووووووووووون يا ادارة المنتدى والله اني متحمس لهذا الموضوع .
لا احد يسألني كيف نقدر نخلي المليون يصير 40 مليون ودخل شهري ؟
لأني ما راح اجاوب عليه ولا ألمح فقط استطيع الإجابة كاملة وواضحة فقط على ادارة المنتدى فقط ارجووووووووووووووووووووووووو الجميع التفاعل الجاد وجمع المبلغ
وكلنا نطمح يكون عندنا شركة أو مصنع وهذه هي الفرصة الان لا احد يفوتها
انا منتظر إدارة المنتدى ومشاركة الجميع والسلام عليكم ورحمه الله وبركاته

والله فكرة حلوة
وانا معاك اخوي moon-nt
وبالتوفيـــــــــــــــــــــــــــق

والله موافق

انا معكم وبدخل الي يعز علي بعد بس يالله الهمه
على الفكره حنا البنات نبي يكون لنا نصيب وثاني شي لاتقولون لي صيرررري مندوبه

طيب عاد وش فكره المشرروع وووشلون الصراحه ماعندي 500 ولو بدبره راح تكون بسلف غير السلفات الي علي الله يعين