تقديم في الخدمه المدنيه للدبلوم

السفير عاطل · #1 (**permalink**) 13-11-2009, 11:10 PM

السلام عليكم ورحمة الله وبركاته

مسسسسسسسسآكم ورد وجوري...

الى جميع العاطلين جاني اتصال س 7.43 مساء هذا اليوم من احد الاصدقاء

يقولي فيه تقديم في الخدمه المدنيه غدا س 7.00 صبـاحآ .. للي معه دبلوم

قلتله الخبر اكيد قال في واحد عندي من اهل المجمعه جاي عندي عشان يقدم

بكره وأرد العلـم عـنــّـه بس الرجال يقول اكيد...وعششان كذا حبيت ابلغكم

وبالنسبه لي انا راح اروح بكره واتأكد واذا فيه عطيناهم الملف واذا مافيه

نحولها ع اقرب شركه ونحذف الاوراق عليهم...

لكم خــالص تحيــاتي...

يمر الوقت · #2 (**permalink**) 14-11-2009, 01:30 AM

الله يكتبلك الخير
بس في جدة كيف الوضع يالغالي

المونديال · #3 (**permalink**) 14-11-2009, 01:55 AM

في أي مكان يالغــالي ولاكيف ؟؟؟

تكفى رد علينا عشان بكرة نسنتر من الصباح عند الديوان

أحلى عالم · #4 (**permalink**) 14-11-2009, 02:18 AM

طيب مافيه خبر رسمي لحد الآن

وش فيه .. وش يصير ..!

لا يكون يبون يقولون اللي بيقد يقدم واللي مابيقدم عساه ماقدم

وتروح على اللي مابيروح

والله قمت اهوجس وأفكر

أغلب المواقع الالكترونية زي سبق وخبر كاتبين الموضوع

واشلون يعني ..!

وهل هي رجالية فقط .. وهل تعليمية أم أدارية ام صحية ؟!

وألا أللي دبلوم يروح وخلاااااااااص!

يالله انك تفتح علينا ابوب رزقك يارزاق ياكريم

بدر الشرقية · #5 (**permalink**) 14-11-2009, 02:23 AM

ياشباب انا رحت الديوان يوم الثلاثاء قالي الموظف اي وظايف تطرح من الديوان لابد ان يكون هناك اعلان على الموقع التابع للوزاره لان الوزير قبل اسبوع كان امام مجلس الشورى وكان هناك اسئله تشكك في مصداقيه التوظيف في الوزاره اكيد
ولكن الأحتياط واجب على شان كذا لازم تتأكدون لان الوزاره هذي ؟؟؟؟؟؟

Bright View · #6 (**permalink**) 14-11-2009, 09:11 AM

الى الان لا يوجد شيء بالموقع ... الساعة 8.15 الصباح اليوم / السبت 26/11/1430 هـ

n.s · #7 (**permalink**) 14-11-2009, 09:53 AM

شباب توي اتصلت على رقم الوزارة

وقالي الموظف الخبر مجرد اشاعة صحافة لاغير

للتأكد هاتف الوزارة : 014026666

والله على ما أقول شهيد

محمدالحمياني · #8 (**permalink**) 14-11-2009, 10:37 AM

بعد التحية :

وبعد الذهاب للوزارة ,, تبين ان الخبر اشاعه ,, ومقلب سوته فينا صحيفة سبق , وصحيفة خبر .

نقطة مهمة :

بعد ماقابلت المسؤل , قال خذها مني , اي تقديم للوزارة راح يكوون عن طريق الموقع الالكتروني للوزارة .

واخيراً : اسأل الله العلي القدير ان يوفقنا لما يحب ويرضى

إبراهيم الشريف · #9 (**permalink**) 14-11-2009, 11:25 AM

اقتباس:

المشاركة الأصلية كتبت بواسطة محمدالحمياني

بعد التحية :

وبعد الذهاب للوزارة ,, تبين ان الخبر اشاعه ,, ومقلب سوته فينا صحيفة سبق , وصحيفة خبر .

نقطة مهمة :

بعد ماقابلت المسؤل , قال خذها مني , اي تقديم للوزارة راح يكوون عن طريق الموقع الالكتروني للوزارة .

واخيراً : اسأل الله العلي القدير ان يوفقنا لما يحب ويرضى

تصدق أخوي محمد أنا أمس كنت راجع لجده طالع من المدينه بعد صلاة الجمعة جاتني رساله من جوال التوظيف انه بكره زي اليوم السبت فيه تقديم للدبلوم بالوزاره بالرياض وصرت حايس ما أدري وش أسوي

أتمنى اذا كانت اشاعات زي كدا نوقفهم عند حدهم هذي الصحف وما توقعتها من جوال التوظيف

مادام انها اشاعات والله مايستحوا على وجوههم يلعبوا بنفسيتنا... كفايه