بعد ماشفنا في الجزء الثاني وش صار مع الشباب
وكيف ظلموا سائق التاكسي التركي
نكمل اليوم باقي القصة
7
7
7
7
7
7
7
7
زيدان : يا الله !!

عاطل فاهم : وش فيك ؟

زيدان :جواز السفر معي نسيت اخليه بالفندق !

عاطل فاهم :يارجال حتى أنا جواز سفري معي

زيدان :انا خايف يطيح مني او يضيع !

عاطل فاهم : يارجال مايصير الا الخير بس يلا خلنا نمشي

زيدان : شوف شوف ياعاطل النيت كلوب



عاطل فاهم : هاااه يلا مشينا بسررعه ,بس في النادي فيه اشياء كويسة بصراااحه مانبغى نشرب اشياء محرمة ؟!

زيدان : ما ادري خلنا ندخل ونشوف

بعد مادخلوا النايت كلوب


الجرسون :سين سيمدي افندم اي يستييور موسونوز (هل تريد ان تشرب الان ياسيدي؟)

زيدان :وش يقول ياعاطل فاهم ؟

عاطل فاهم : يقول وش تبغون تشربون ؟

زيدان :اهاا ,طيب قوله وش عندكم ؟

عاطل فاهم : صديق وش عندكم ؟! عندكم شاي حليب؟

الجرسون :بيز الكوللو اي سيسيكلير هير تورلو فار (عندنا كل انواع المشروبات الكحولية )

زيدان : وش يقول ؟

عاطل فاهم : يقول عندنا كل شئ شاي وحليب وعصير

زيدان :قوله يجيب لنا اثنين قهوة تركية والا اقولك قوله يجيب لنا عصير فريش

عاطل فاهم : صديق هات تو نفر عصير

الجرسون :ايفيت افندم (حاضر سيدي )

بعد ربع ساعة حضر الطلب

زيدان : ياخي طعم العصير غريب مرررررة

عاطل فاهم : ياخي وش عرفك تحسبها العصائر اللي في السعودية ! هذه عصائر طازجة حتى شووف المزرعة خلف هالنادي

زيدان : والله كويس افضل من عصائرنا رغم ان فيها مرارة شوية !

عاطل فاهم :ياخي من جد طعمه فيه شئ غريب !

بعد نصف ساعه

زيدان :تصدق يا عا عا عا عاطل فاهم احس نفسي طاير في الجو

عاطل فاهم :اقول إهجد بس كأنك اول مرة تشرب عـ عـ عـ عصير فريش من المزرعة الى الكاس ، لحظة عاطل الرياض يتصل


عاطل الرياض : وينك ياعاطل فاهم ؟

عاطل فاهم :انا جالس في الاستراحة العب بالوت مع زيدان , تعال بسرررررعه تعبت من كثر ما اهزم فيه

عاطل الرياض :الحمدلله والشكر انت مو في تركيا !وبعدين انا اسمع صوت موسيقى صاخبه عندك

عاطل فاهم : تركيا ؟!متى روحنا لتركيا ! وبعدين هالصوت العيال عندنا مجتمعين ويدقون عوود

عاطل الرياض :لا حول ولا قوة الا بالله ,توك تقول انا وزيدان نلعب بالوت والحين تقول العيال يدقون عود ؟ شكلك مخربها !

عاطل فاهم :مخربها !وبعدين لا تغير السالفة متى رحت لتركيا !حتى اسئل زيدان ,زيدان قوله احنا وين !

زيدان : هلا عاطل القويعية احنا في جدة في الحمراء وربي حاس نفسي في الجووو ودي اطير اعلى من كذا

عاطل الرياض :عاطل الرياض معك يادلخ شكلك حتى انت مخربها !اجل تحس نفسك في الجو , قولي كيف تركيا بس؟

زيدان :لحظة ياعاطل الرياض ,عاطل فاهم احنا وين ؟

عاطل فاهم : الحمدلله والشكر حتى انت الظاهر سكران مثل خوينا ! احنا الحين في الاستراحة !

زيدان :عاطل احنا الحين بالاستراحة شكلك انت اللي سكران وتبغى تلصق السالفة فينا !قفل بس والا ابلغ عليك الهيئة الحين

عاطل الرياض :اقووول شكلك من جد في الجو ! يلا بس باي

عاطل فاهم :يلا اذلف سكراان ويحط بلاويه علينا !

زيدان : تصدق انا حتى انا بديت اشك اننا مو في الاسترااحه

عاطل فاهم : الظاهر العصير اثر على مخك ! اذا احنا مو في الاستراحة اجل وين ؟

زيدان : الاستراحة حقتنا فيها بنات !

عاطل فاهم : هاااه ! تصدق انك صادق ! لحظة خليني اسأل ، ياجرسون

الجرسون : ايفيت افندم ؟(نعم سيدي)

عاطل فاهم : وير آر وي (وين احنا)

الجرسوون: يو سير إن تركي (انت في تركيا سيدي )

زيدان : تركيا ؟! وش اللي جابنا؟! يلا ياعاطل سرينا للرياض الحين ابوي لو يدري اني في تركيا يجلد فيني الين اعض الارض

عاطل فاهم : صادق والله حتى انا ابوي يذبحني قايل لي لا تتأخر اكثر من الساعه 12 , بس اللي محيرني وش جابنا لتركيا

زيدان : يلا خلنا نروح المطار بس

وبعد ان خرج الشباب من النايت كلوب



في الجزء الراابع والاخير نشوووف وش يصير في عاطل وزيدان

رحوا فيها المساكين من العصير الفريش

بس وين الباقين اكيد في نادي ثاني


وزير .. هيبه

ابدااااااع لا يختلف عليه اثنين

ربي يسعدكم دنيا وآخره


الله يعطيكم الف عافيه

<<< وناسه ثاني مره ارد اول وحده ع إبداااعكم ..


دمتم بوود


حنين الرووح

يـاحـبـيـبـي مـدريـنـا مـن الـسـكــراااااااااان

جـنـنـونـي

واخـر شـي سحبت عليهم

عرفت انهم في جـو
مدري وش وضعه




يعطيكم العافية
يامبدعين
وزير + هـيـبـه

خخخخخخخخ

والله مصرقعين عاطل وزيزو

الله يعينهم بس وتسلم يا وزيرنا

ياربي من وين جايين ذول عجبني لووك زيدان بيعقد
شفت عاطل هاذي اخرت الفلسفه مسوي فيها مثقف
الله يستر وش بيسوون بعد
الله يسعدك وزير انت وشيبوو

ههههههههههههههههههههههههههههههههههههههههههههههههاي

ماشاء الله حافظين اسماء المناطق

وزير وشيبووووووو يعطيكم العافيه


وثيقه مرت من هون

ههههههههههههههههاي الله يعطيك العافيه على الجهد

عاطل فاهم : صديق وش عندكم ؟! عندكم شاي حليب؟

^

آومآ يدورون شآيَ حليـب
هههههههههههه
،
وزيرَ و هيبـة
الله لآيهينكمَ
و ننتظرَ الجزء الرآبعَ
من جد تحمست