[align=center]
بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اقدم الشكر الجزيل للقايمين على الموقع من اداره ومشرفين واعضاء على مايقدمونه لرقي هذا الصرح الشامخ

انا عاطل عن العمل زي ماهو معرووف عن الكل ويالله يارب انك ترزق جميع عاطل بالشي اللي يساعده على امور الحياه انت الحليم اللطيف الكريم الغفور لعبادك

ادخل بالموضوع انا عندي مبلغ صغنووون يمكن عند اكثر الناس بس الله يعلم قد ايش جلست عشان اخذ هالجمعية وهي مبلغ 7000ريال وانا مفكر اني افتح فيهم صالوون حلاقة
مع العلم ان عندي محل بنفس عمارة الوالد الله يرحمه وعلى شارع تجاري

بس حبيت اللي يعرف يشاركني في اشياء اجهلها ويمكن فيه منكم يعرفها ويفيدني

1/ قيمة وشروط استخراج الرخصه لصالون حلاقة حق ( ابو هنود ) مو هذااك حق العرسان والvipلا عادي
2/ مكتب العمل كم الرسوم حقته وكم يعطون فيزا والا على حسب المساحه والا على حسب عدد الكراسي
3/ هل فيها تعقيد يكفي المبلغ للدوائر الحكومية لان الديكور وكل شي جاهز بس ابي اعرف الدوائر الحكومية كم رسووومها من بلدية +مكتب عمل + الخارجية

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
وفيه واحد من الشباب يقولي افتح محل خضره وفاكهه انت بحي كبير كبير ومافيه الا محلين واخر الحاره وماشالله شغالة افتح بجهه ثانية واخدم اكثر من نص الحي ومحل حلاقة فيه ولا 20 محل
وابي رايكم
[/align]

ألي أعرفه إن صالون الحلاقة لايجوز المتاجرة به
وذلك بسبب حلق الدقن والقزع.
وتذكر: أن من ترك شيئاً لله عوضه الله بخير منه.

تمنياتي لك بالتوفيق والسداد في حياتك الدينية والدنيوية

هلا اخوي انا اشوف الانسب لك محل خضار والمبلغ الي معاك يكفيك تبدأ فيه محل خضار

واذا تبي نصيحتي ابعد عن الحلاق وان شاء الله انك تعين خير وعلى فكره المبلغ الي معاك ما يكفي انك تفتح حلاق

كلام الأخوة عين الصواب
أسأل الله لك التوفيق في الدارين

مشكووورين على المشاركة والتنبيه

وشكلي ابي ابدى بالخضار لو مبسط وبعدين يرزقنا الله ونتوسع

جزاكم الله خير

من ترك شيئاً لله عوضه الله خيراً منه
بالتوفيق

الله يوفقك

نصيحتي اشتر لك كم راس من الغنم بس من الشمال ارخص
ونزلها قبل العيد بيوم وشوف تفتح حلاق بعدين والالا!!!
الله يوفقك

الي كان في خاطري قالوهـ
ما عاد عندي شي اقووله
وافتح لك محل خضار وفواكه وبيرزقك الله